.
Jornal Nacional Diário - Tersa 21 Dezembru 2010
Dili-“Proklamador Republika Demokratiku Timor Leste (RDTL) Francisco Xavier do Amaral hatete korupsaun ne’ebe buras iha rai laran, tamba traidor ne’ebe lakohi ukun an mak nakonu iha Governu Aliansa Maioria Parlamentar (AMP) nia laran.
Proklamador Francisco Xavier fo sai deklarasaun ne’e bainhira hato’o nia preukupasaun iha seminariu lansamentu esbosu lei anti korupsaun nian iha Casa Europa Sesta (17/12) foin lalais ne’e.
Proklamador Xavier actual Prezidente Partidu istoriku ASDT hatete, korupsaun akontese tamba iha servisu laran bolu deit familia hodi servisu iha instituisaun laran, inklui bolu asesor barak liliu husi estranjeiru ne’ebe domina Timor Leste nune’e impaktu osan barak semo ba estranjeiru.
“Iha governu nia laran mesak traidor hotu, ema ne’ebe uluk lakohi ukun an mak nakonu iha governu laran entaun naok mos tuir nia hakarak,”deklara Xavier iha Casa Eropa.
Eis Primeiru Prezidente Republika Timor Leste ne’e dehan, korupsaun ejisti iha Governu nia laran tamba ema ne’ebe iha poder ka kaer ukun ne’ebe uza sala nia responsablidade.
“Governu mak halo korupsaun, tamba la kontrola orsamentu,”komenta Xavier.
Deputada Fernanda Borges
Iha fatin hanesan Prezidente Global Organization of Parliamentarias Against Corruption –Timor Leste (GOPAC-TL), Fernanda Borges hatete korupsaun sai preukupasaun nasional tantu internasional hodi hetan consensus.
Tamba ne’e Borges dehan, husi esbosu lei anti korupsaun ne’e bele ajuda ministeriu Publiku, provedoria direitus Humanus no Justisa, no Komisaun Anti Korupsaun atu halao nia knar ho diak.
Husi lei ida ne’e bele kria maneira ida atu foti fali sasan estadu nian ne’ebe lideransa koruptu sira lori ba sira nia privadu ka ba estranzeiru,”dehan Borges. Prezidente GOPAC komenta tan husi lei ne’e sei hatudu ema ne’ebe halo korupsaun ba tribunal, inklui prevene ka hamate korupsaun rasik. Dehan Fernanda Borges
Ana Pessoa
Entertantu Prokuradoria Gerald a Republika (PGR) Ana Pessoa Pinto informa katak kestaun korupsaun ne’e preukupasaun internasional maibe ba Timor Leste orghulu oituan, tamba halo ona buat ruma atu kombate korupsaun liu husi lei ne’ebe konsege aprova ona.
Ezemplu PGR dehan governu aprova ona lei kodiku prosesu penal no seluk tan ne’ebe bele ajuda instituisaun hanesan KAK, PDHJ, no MP rasik atu halo nia knar,”dehan Ana Pessoa
Aderito de Jesus (KAK)
Nune’e mos Komisariu Komisaun Anti Korupsaun (KAK) Aderito de jesus iha nia intervensaun hateten liu husi lei kodigu penal bele ona KAK halo nia knar maske sei presija tan lei balu hodi reforsa.
“Lei kodiku penal ajuda ona KAK halo nia knar maske sei presija tan lei balu hodi reforsa.
“Lei kodiku penal ajuda ona KAK atu halo servisu, no ho lei anti korupsaun ne’e ajuda diak liu tan KAK nia servisu,”deklara nia.
Maibe komisariu KAK ne’e akresenta buat sira ne’e hotu papel media mos importante atu punlika informasaun relasiona ho korupsaun ne’ebe tenki transparente ho faktus.
Charles Scheiner LH
Entertantu aktivista Charles Scheiner husi Organizasaun Naun Govermentais La’o Hamutuk (LH) ba kestaun ne’e hateten, hanesan nasaun ida mea balun sempre hakarak uja poder ne’ebe iha ba interese pesoal ne’ebe dala barak akontese mos ba Timor Leste.
“Ita presija sistema forte bele grau no mos sistema iha sosiedade atu desvaloriza ema ne’ebe uza povu nia riku soin ba sira nia interese, maibe iha Timor Leste sistema ida ne’e seidauk forte,”dehan Charles Scheiner.jxn/lj2
.
Jornal Nacional Diário - Tersa 21 Dezembru 2010
Dili-“Proklamador Republika Demokratiku Timor Leste (RDTL) Francisco Xavier do Amaral hatete korupsaun ne’ebe buras iha rai laran, tamba traidor ne’ebe lakohi ukun an mak nakonu iha Governu Aliansa Maioria Parlamentar (AMP) nia laran.
Proklamador Francisco Xavier fo sai deklarasaun ne’e bainhira hato’o nia preukupasaun iha seminariu lansamentu esbosu lei anti korupsaun nian iha Casa Europa Sesta (17/12) foin lalais ne’e.
Proklamador Xavier actual Prezidente Partidu istoriku ASDT hatete, korupsaun akontese tamba iha servisu laran bolu deit familia hodi servisu iha instituisaun laran, inklui bolu asesor barak liliu husi estranjeiru ne’ebe domina Timor Leste nune’e impaktu osan barak semo ba estranjeiru.
“Iha governu nia laran mesak traidor hotu, ema ne’ebe uluk lakohi ukun an mak nakonu iha governu laran entaun naok mos tuir nia hakarak,”deklara Xavier iha Casa Eropa.
Eis Primeiru Prezidente Republika Timor Leste ne’e dehan, korupsaun ejisti iha Governu nia laran tamba ema ne’ebe iha poder ka kaer ukun ne’ebe uza sala nia responsablidade.
“Governu mak halo korupsaun, tamba la kontrola orsamentu,”komenta Xavier.
Deputada Fernanda Borges
Iha fatin hanesan Prezidente Global Organization of Parliamentarias Against Corruption –Timor Leste (GOPAC-TL), Fernanda Borges hatete korupsaun sai preukupasaun nasional tantu internasional hodi hetan consensus.
Tamba ne’e Borges dehan, husi esbosu lei anti korupsaun ne’e bele ajuda ministeriu Publiku, provedoria direitus Humanus no Justisa, no Komisaun Anti Korupsaun atu halao nia knar ho diak.
Husi lei ida ne’e bele kria maneira ida atu foti fali sasan estadu nian ne’ebe lideransa koruptu sira lori ba sira nia privadu ka ba estranzeiru,”dehan Borges. Prezidente GOPAC komenta tan husi lei ne’e sei hatudu ema ne’ebe halo korupsaun ba tribunal, inklui prevene ka hamate korupsaun rasik. Dehan Fernanda Borges
Ana Pessoa
Entertantu Prokuradoria Gerald a Republika (PGR) Ana Pessoa Pinto informa katak kestaun korupsaun ne’e preukupasaun internasional maibe ba Timor Leste orghulu oituan, tamba halo ona buat ruma atu kombate korupsaun liu husi lei ne’ebe konsege aprova ona.
Ezemplu PGR dehan governu aprova ona lei kodiku prosesu penal no seluk tan ne’ebe bele ajuda instituisaun hanesan KAK, PDHJ, no MP rasik atu halo nia knar,”dehan Ana Pessoa
Aderito de Jesus (KAK)
Nune’e mos Komisariu Komisaun Anti Korupsaun (KAK) Aderito de jesus iha nia intervensaun hateten liu husi lei kodigu penal bele ona KAK halo nia knar maske sei presija tan lei balu hodi reforsa.
“Lei kodiku penal ajuda ona KAK halo nia knar maske sei presija tan lei balu hodi reforsa.
“Lei kodiku penal ajuda ona KAK atu halo servisu, no ho lei anti korupsaun ne’e ajuda diak liu tan KAK nia servisu,”deklara nia.
Maibe komisariu KAK ne’e akresenta buat sira ne’e hotu papel media mos importante atu punlika informasaun relasiona ho korupsaun ne’ebe tenki transparente ho faktus.
Charles Scheiner LH
Entertantu aktivista Charles Scheiner husi Organizasaun Naun Govermentais La’o Hamutuk (LH) ba kestaun ne’e hateten, hanesan nasaun ida mea balun sempre hakarak uja poder ne’ebe iha ba interese pesoal ne’ebe dala barak akontese mos ba Timor Leste.
“Ita presija sistema forte bele grau no mos sistema iha sosiedade atu desvaloriza ema ne’ebe uza povu nia riku soin ba sira nia interese, maibe iha Timor Leste sistema ida ne’e seidauk forte,”dehan Charles Scheiner.jxn/lj2
.
0 comentários:
Enviar um comentário