FRETILIN KONSIDERA GOV AMP HALAO PROMESA FALSU

.
TimorExpose - Tuesday, December 7th, 2010

Viqueque - Liu husi konslutasaun iha sub-distrito Uatu Lari Distrito Viqueque secretariu jeral FRETILIN Mari Alkatiri konsidera governu Aliansa Maioria Parlamentar (AMP) rahun ona relasiona ho promesas ne’ebé primeiru ministru Kayrala Xanana Gusmão promete liu-liu iha area infra-estrutura nian.

“AMP ka CNRT ukun ona tinan 4, AMP la iha ona, AMP rahun ona, dodok ona agora ita koalia maka CNRT Xanana laiha tan seluk sira, uluk ita dehan Governu de faktu agora de faktu governu la iha ona, governu maka Xanana mesak deit, nia maka halo sasan hotu –hotu, orsamentu nia maka kaer, planu nia maka mai tun ba base halo kampanya, nia mesak maibe ita hare Estrada sira iha ne’ebé, tinan 4 ne’e halo saida iha Estrada ita mai to’o Uatu Lari at ba bebei, promete elektrisidade laiha Dili rasik mate permanente”dehan Alkatiri.

Alkatiri informa mos promesa PM Xanana nian sai hanesan informasaun falsu ne’ebé hodi bosok deit povu sira. “promete katak iha 30 de Agostu 2008 ahi sei lakan ba povu tomak, to’o agora 2009 liu ona no 2010 atu liu tan elektrisidade seidauk iha, agora dehan 28 de Novembru elektrisidade sei ba povu tomak , MIMPI di SIANG BOLONG”,hatutan Alkatiri.

Sekjer FRETILIN haktuir elecktrisidade maka lakan ona iha teritoriu TL laran tomak maka nia rask sei husik hela nia kargu nudar Sekjer FRETILIN.

“Sei la akontese hanesan promesa ne’ebé iha, se buat ne’e maka akontese duni, hau sei sai husi sekretariu jeral FRETILIN, ne’e hau garante sei la akontese, nein 2011 nein 2012”tenik eis Primeiru Ministru ne’e.

Konta deit mos lahatene ne’e maka atu tau retornu, elektrisidade ba TL tomak tenke harí rin boot elektrisidade nian hitu nulu loron ida maibe sira nein konsege harí ida iha loron ida, halo nusa maka sira konsege ida deit mos la konsege “ita tenke aprende halo konta hatene oituan labele ema mai bosok ita ita fiar deit depois ita halo promesa ba povu la kompri” dehan Nia.(*Celes/Erick)
.