Ferreira: Ami Prontu Taka Fatin Prostituisaun Ne'e

.
Written by Jesya Vila Nova/CJITL - Friday, 03 December 2010

CJITL Flash, Relasiona ho fatin prostitusaun ou pekerja sex komersial-PSK ne’ebe iha Aitarak laran, vizinho ho Palacio Prezidente, ne'ebe Sexta feira ne'e hetan Xamada husi Primeiru Ministru atu taka ou muda ba fatin seluk.

Hatan ba kestaun ne’e uma nain ba fatin prostitusaun ne’ebe ho naran kompletu Vanda Fernandes Fereira no Jose martins hateten, sira hakruk ba desijaun estadu nian hodi taka fatin ne'e hahu ohin kalan (Sexta 3/12).

“Ohin PM Xanana rasik mai iha ne’e hodi hato’o hela PR ninia mensagem katak fatin ne’e tenke taka no muda ba fatin dok ne’eduni ami mos hakruk ba desizaun estadu komesa ohin ba oin ami taka ona fatin ne’e” dehan Jose Martins.

Nune’e mos ho komentariu Vanda Fernandes Fereitas katak, buat hotu estadu mak manda no tenke halo tuir, “Hau ne’e povu ki’ik se hau nia nai ulun dehan tenke taka fatin ne’e no muda hau tenke halo tuir tanba hau lakohi halo problema ikus mai hau mak tama fali kadeia”. (Thomas Sanches/CJITL)
.