.
Josefa Parada - Kuarta, 15 Dezembru 2010 - SUARA TIMOR LOROSAE
DILI- Conselhu Nasional Joventude Timor Leste (CNJTL) ejiji ba governante Aliansa Maioria parlamentar (AMP) atu tenke deklara ona riku soin ba tribunal hodi asileira diak liu tan politika kombate korupsaun.
Prezidente CNJTL Leovegildo Hornai hateten, importante tebes atu governu lideransa Xanana Gusmão deklara sai sira nia riku soin ba publiku.
“Ne’e importante atu nune’e bele iha garantia ida katak sistema governasaun ne’ebe sira hala’o transparante no laiha abuzu poder ruma,”deklara Leovegildo ba STL foin lalais iha seminariu Komisaun Anti Korupsaun (KAK) iha eis Merkadu Lama.
Tuir nia katak, bainhira membrus governu ida deklara ona sira nia riku soin, la fasil mos ba instituisaun kompetente ba kombate korupsaun atu hala’o kontrolu ba governante sira. Deklarasaun ba riku soin ne’e, sei fasilita servisu instituisaun ba kombate korupsaun tanba membru husi Orgaun estadu tomak iha obrigasaun atu deklara riku soin ne’ebe sira, hahu husi vensimentu, kontas iha banku inklui reseitas seluk ne’ebe sira hetan husi servisu seluk.
Antes ne’e, deputadu Fretilin Arsenio Paixão Bano ejiji ona ba meja Parlamentu Nasional atu implementa ona deklarasaun rikeza husi membrus governu tomak inklui orgaun estadu sira seluk hodi evita aktus koripsaun husi lideransa sira.
“Ne’e importante tenke halo, tanba mosu ona akuzasaun bara-barak hasoru membrus governu balun ne’ebe dehan katak komesa riku matak ona maske ho salariu ne’ebe naton deit,” argumenta Arsenio.
Kestaun hanesan hato’o mos husi Provedor Direitus Humanus no Justisa (PDHJ) Sebastião Diaz Ximenes ne’ebe konsidera governu AMP iha responsabilidade bo’ot atu governa nasaun ne’e ho sistema ne’ebe transparnae hodi garante boa governasaun.
“Governu tenke iha sistema ne’ebe regirozu atu oinsa hamos duni KKN no abuzu de poder iha aktus hotu,” komenta Provedor durante audensia seminariu KAK iha fatin hanesan. Eurozia Almeida
.
Josefa Parada - Kuarta, 15 Dezembru 2010 - SUARA TIMOR LOROSAE
DILI- Conselhu Nasional Joventude Timor Leste (CNJTL) ejiji ba governante Aliansa Maioria parlamentar (AMP) atu tenke deklara ona riku soin ba tribunal hodi asileira diak liu tan politika kombate korupsaun.
Prezidente CNJTL Leovegildo Hornai hateten, importante tebes atu governu lideransa Xanana Gusmão deklara sai sira nia riku soin ba publiku.
“Ne’e importante atu nune’e bele iha garantia ida katak sistema governasaun ne’ebe sira hala’o transparante no laiha abuzu poder ruma,”deklara Leovegildo ba STL foin lalais iha seminariu Komisaun Anti Korupsaun (KAK) iha eis Merkadu Lama.
Tuir nia katak, bainhira membrus governu ida deklara ona sira nia riku soin, la fasil mos ba instituisaun kompetente ba kombate korupsaun atu hala’o kontrolu ba governante sira. Deklarasaun ba riku soin ne’e, sei fasilita servisu instituisaun ba kombate korupsaun tanba membru husi Orgaun estadu tomak iha obrigasaun atu deklara riku soin ne’ebe sira, hahu husi vensimentu, kontas iha banku inklui reseitas seluk ne’ebe sira hetan husi servisu seluk.
Antes ne’e, deputadu Fretilin Arsenio Paixão Bano ejiji ona ba meja Parlamentu Nasional atu implementa ona deklarasaun rikeza husi membrus governu tomak inklui orgaun estadu sira seluk hodi evita aktus koripsaun husi lideransa sira.
“Ne’e importante tenke halo, tanba mosu ona akuzasaun bara-barak hasoru membrus governu balun ne’ebe dehan katak komesa riku matak ona maske ho salariu ne’ebe naton deit,” argumenta Arsenio.
Kestaun hanesan hato’o mos husi Provedor Direitus Humanus no Justisa (PDHJ) Sebastião Diaz Ximenes ne’ebe konsidera governu AMP iha responsabilidade bo’ot atu governa nasaun ne’e ho sistema ne’ebe transparnae hodi garante boa governasaun.
“Governu tenke iha sistema ne’ebe regirozu atu oinsa hamos duni KKN no abuzu de poder iha aktus hotu,” komenta Provedor durante audensia seminariu KAK iha fatin hanesan. Eurozia Almeida
.
0 comentários:
Enviar um comentário