.
Timor Post - Sabadu 18 Dezembru 2010
Dili-“Senti iha diskriminasaun ba prosesu pagamentu pakote emerjensia, kompañia Tremor hato’o lamentasoens diretamente ba Xefe Governu Kay Rala xanana Gusmão.
Diretor Kompañia Tremor Lusitania da Silva Fernandes diretamente hasoru Primeiro Ministru iha Dili Convention Centre (DCC), hodi hato’o lamentasoens kona ba atraja prosesu pagamentu ba pakote emerjensia iha parte Vikeke husi Sekretariu Estadu Obras Publiko.
Haktuir Direktor ne’e, kompañia Tremor compete iha pakote emerjensia hamutuk 59 iha Distritu Vikeke, hodi halo serviso emerjensia hanesan Estrada no drenajen, e remata ona iha fulan setembru, maibe realidade hatudu katak to’o agora governu seidauk halo prosesamentu pagamentu ba sira nia kompañia.
“Hau tristi tamba ptojeto bo’ot sira naran tama ona iha lista pagamentu. Mais ami ne’ebe kompania ki’ik ne’e naran laiha, ne’e tamba saida. Ho ida ne’e mak hau mai buka tuir Primeiru Ministru iha ne’e,”dehan nia ba jornalista, sesta (17/12) iha sentru Konvensaun, Dili.
Lusitania haktuir, nia projetu refere tama iha katogoria pakote emerjensia ne’ebe remata kleur ona, maibe tamba prosesu pagamentu atraza mak nia sente la seguru fila ba uma ho rajaun tanba nia tusan seidauk selu remata.
“Hau laos feto devedor mais tanba atu dezenvolve nasaun liu husi garantia ba governu, mak hau mos pronto halo tusan ba hau nia a’an,”dehan nia.
Hatan ba kestaun ne’e, selretariu Estadu Obras Publiku Domingos Dos santos Caero hateten tuir lolos nia fo ona esplikasaun ba kompania rua ne’e iha semana kotuk, tanba prosesu pagamentu la fasil hanesan projetu normal ne’ebe liu husi tender kompara ho projetu emergensia.
Entaun parte tekniku tenki halo verifikasaun hodi hatene volume serviso ne’e los duni ka lae?. tan ne’e konaba pakote emerjensia iha TL tomak, tanba valor bo’ot ekipa inspeksaun mai husi Primeiru Ministru hodi halo inspeksaun ne’ebe lolos, atu labele atraja prosesu pagamentu.
Nia rekhonese parte Vikeke projeut kuaze 30 resik mak lista tama tarde, no ekipa inspeksaun foin ba halo verifikasaun inklui mos Sra. Nain rua ne’e.
Projetu ne’e hanesan projetu emerjensia hodi hadia Estrada, ekipa inspeksaun ne’e foin hatama relatoriu iha segunda dader. Entaun husi parte financas sei prepara dokumentus CPB atu submete ba Ministeriu Financas hodi hetan PIO mak bele prosesa pagamentu.
“Ita kompriende Sra. Sira Vikeke mai to’o iha ne’e iha preukupasaun makas, maibe prosesu lao hela, la signifika katak buat bo’ot ida ne’ebe ami taka matan ne’e lae,”dehan nia.
Caero rejeita informasaun husi Kompania katak sira fo liu prioridade ba kompania bo’ot lalos, tanba sira prosesa pagamentu ne’ebe sira halo bajeia ba rejultadu husi ekipa inspeksaun iha ona mak prosesa. Maibe sira ne’ebe seidauk iha inspeksaun guvernu labele halo prosesamentu arbiru.
“Kuandu prosesu pagamentu failha ruma se mak responsabliza, hau hanoin reforma ba buat hotu laos ba ema balun deit,”afirma Caero.(domingas saldanha)
.
Timor Post - Sabadu 18 Dezembru 2010
Dili-“Senti iha diskriminasaun ba prosesu pagamentu pakote emerjensia, kompañia Tremor hato’o lamentasoens diretamente ba Xefe Governu Kay Rala xanana Gusmão.
Diretor Kompañia Tremor Lusitania da Silva Fernandes diretamente hasoru Primeiro Ministru iha Dili Convention Centre (DCC), hodi hato’o lamentasoens kona ba atraja prosesu pagamentu ba pakote emerjensia iha parte Vikeke husi Sekretariu Estadu Obras Publiko.
Haktuir Direktor ne’e, kompañia Tremor compete iha pakote emerjensia hamutuk 59 iha Distritu Vikeke, hodi halo serviso emerjensia hanesan Estrada no drenajen, e remata ona iha fulan setembru, maibe realidade hatudu katak to’o agora governu seidauk halo prosesamentu pagamentu ba sira nia kompañia.
“Hau tristi tamba ptojeto bo’ot sira naran tama ona iha lista pagamentu. Mais ami ne’ebe kompania ki’ik ne’e naran laiha, ne’e tamba saida. Ho ida ne’e mak hau mai buka tuir Primeiru Ministru iha ne’e,”dehan nia ba jornalista, sesta (17/12) iha sentru Konvensaun, Dili.
Lusitania haktuir, nia projetu refere tama iha katogoria pakote emerjensia ne’ebe remata kleur ona, maibe tamba prosesu pagamentu atraza mak nia sente la seguru fila ba uma ho rajaun tanba nia tusan seidauk selu remata.
“Hau laos feto devedor mais tanba atu dezenvolve nasaun liu husi garantia ba governu, mak hau mos pronto halo tusan ba hau nia a’an,”dehan nia.
Hatan ba kestaun ne’e, selretariu Estadu Obras Publiku Domingos Dos santos Caero hateten tuir lolos nia fo ona esplikasaun ba kompania rua ne’e iha semana kotuk, tanba prosesu pagamentu la fasil hanesan projetu normal ne’ebe liu husi tender kompara ho projetu emergensia.
Entaun parte tekniku tenki halo verifikasaun hodi hatene volume serviso ne’e los duni ka lae?. tan ne’e konaba pakote emerjensia iha TL tomak, tanba valor bo’ot ekipa inspeksaun mai husi Primeiru Ministru hodi halo inspeksaun ne’ebe lolos, atu labele atraja prosesu pagamentu.
Nia rekhonese parte Vikeke projeut kuaze 30 resik mak lista tama tarde, no ekipa inspeksaun foin ba halo verifikasaun inklui mos Sra. Nain rua ne’e.
Projetu ne’e hanesan projetu emerjensia hodi hadia Estrada, ekipa inspeksaun ne’e foin hatama relatoriu iha segunda dader. Entaun husi parte financas sei prepara dokumentus CPB atu submete ba Ministeriu Financas hodi hetan PIO mak bele prosesa pagamentu.
“Ita kompriende Sra. Sira Vikeke mai to’o iha ne’e iha preukupasaun makas, maibe prosesu lao hela, la signifika katak buat bo’ot ida ne’ebe ami taka matan ne’e lae,”dehan nia.
Caero rejeita informasaun husi Kompania katak sira fo liu prioridade ba kompania bo’ot lalos, tanba sira prosesa pagamentu ne’ebe sira halo bajeia ba rejultadu husi ekipa inspeksaun iha ona mak prosesa. Maibe sira ne’ebe seidauk iha inspeksaun guvernu labele halo prosesamentu arbiru.
“Kuandu prosesu pagamentu failha ruma se mak responsabliza, hau hanoin reforma ba buat hotu laos ba ema balun deit,”afirma Caero.(domingas saldanha)
.
0 comentários:
Enviar um comentário