Joaozito Viana - Luta Hamutuk
Written by Thomas Sanches - CJITL - Friday, 17 December 2010
CJITL Flash, Manager Geral NGO Luta Hamutuk, Joazito Viana konfirma katak durante ne'e sira halo kritika ba servisu no programa ministeriu sira ho objetivu atu hadi'a laos hare fali hanesan opozisaun.
“Sira hetan fasilidade kompletu, salariu bo'ot, perdiam, uja kareta didiak deit maibe sira la halo sira nia funsaun ho diak hodi nune’e korupsaun barak-barak, tanba ne'e Luta Hamutuk kritika atu sira keta haluha an, maibe dalabarak governu ne'e konsidera fali hanesan opozisaun”dehan Joaozito Viana, iha nia servisu fatin, Kinta, 16 Dezembru.
“Ami dalaruma halo kritika ho objetivu atu dezenvolve maibe iha membru governu balu dehan fali ami hanesan opozisaun ou Fretilin mais ami la prekupa ho ida ne’e” informa Viana.
“Se governu iha tinan oin mai mak kontinua la hadia nafatin povu nia moris entaun Luta Hamutuk sei hamutuk ho komunidade sira sei sai opozisaun ba governu no membru parlamentu sira sekuando sira la halo sira nia servisu ho diak” hateten Manager Luta Hamutuk.
Luta Hamutuk mos husu ba membru governu tomak atu redus viagem ba rai liur tamba estraga povu nia osan deit no diak liu halo viagem iha rai laran hodi hare no hadia povu nia moris atu nune’e povu mos bele sente no goja ukun an ida ne’e. (Thomas Sanches/CJITL)
.
1 comentários:
Hau konkorda ho ita boot sira nia métodu halo krítika ba buat balun iha governasaun nia laran nebe laduun lao diak.
Hau husu para krítika sira ne'e kontinua maibe tenke fo mos hanoin halun nebe bele suporta hodia hadia sasaan nebe lao ladiak.
Kona ba viajen ba railiur ne'e mos problema boot ida ba governu, dalabarak ministru ka sekretariu estadu ida sai lori ema barbarak, ministru rasik lalori buat ida, halo vizita de trabalho maibe hanesan ba fali halo piknik tamba rezultadu laiha, estraga osan deit.
Enviar um comentário