.
Timor Post - Tersa 23 Novembru 2010
Dili-Misaun Integradu Nasoens Unidas bá Timor Leste (UNMIT) propoin seguransa sivil atu kaer kilat hanesan politika nune’e kontinua fo sai mensajen ba Públiku internasionál katak situasaun Timor Leste sei perigu nia laran.
Kestaun ne’e hato’o husi Diretor Organizasaun Naun Govermental Asosiasaun Hak Rui Viana ba Timor Post iha nia knar fatin, Segunda (22/11), relasiona ho asesor UNMIT ne’ebe katak seguransa sivil mos presiza kaer kilat.
Nia informa instituisaun estadu hanesan PNTL no F-FDTL maka iha dever no direitu atu kaer armas,”Iha krizi 2006, armas instituisaun estadu nian de’it sei namkari satan seguransa sivil,”nia haktuir.
Rui esplika mandate ONU sei remata iha tinan 2012. tamba ne’e, tuir nia, UNMIT joga politika hanesan ne’e para hanaruk tan sira nia mandatu iha Timor Leste.
Relasiona ho ida ne’e, nia husu ba ONU para atu haforsa liu tan instituisaun estadu nian hanesan PNTL no F-FDTL inklui adianta mandatu ba Unidade Krimi Graves (serius crime unit) ne’ebe maka to’o ohin loron sei paradu hela.
“Se UNMIT preukupa seguransa Timor Leste entaun diak liu suporta instituisaun PNTL no F-FDTL para garante seguransa,”Rui Sujere.
Timor Leste tenki Soe Doutrina At Husi ONU
Iha parte seluk, membru Parlamentu Nasional fo opiniaun katak Timor Leste presiza soe ezemplo at ne’ebe mak ONU husi hela iha Timor leste durante nia misaun.
Maske la temi detailhu konaba ezemplu at ne’ebe mak ONU husik hela ba Timor Leste, maibe tuir reprezetante povu katak iha buat balun ne’ebe ONU la konsege resolve liliu iha setor seguransa.
“Ita hili buat ne’ebe diak no buat ne’ebe la diak ita soe,”dehan deputadu José Teixeira husi Bancada FRETILIN ba Timor Post iha PN horisehik.
Reprejetante povu ne’e konsidera durante ONU hala’o nia misaun iha TL falta iha kapasidade hodi suporta TL, nia dehan ida ne’e tanba laiha kolaborasaun diak entre Governu Timor Leste ho ONU rasik. Nia fo ezemplu liu husi prosesu triazen ba PNTL hafoin krizi 2006, ONU hakarak halo buat ne’ebe los maibe dala ruma Governu ho komando PNTL rasik ladun preokupa ho inisiativa ONU nian ne’ebe diak.
“La’os deit ida ne’e, formasaun barak ne’ebe ONU hakarak halo liu-liu kona-ba direitus humanus, komando PNTL hare maibe finji la haree. Ita tenki rona mos ema sira ne’ebe maka iha espesialidade ba area ida ne’e,”Teixeira haklaken.
Iha fatin hanesan, Deputadu Komisaun B PN ba asuntu seguransa no defeza Duarte Nunes tenik oras ne’e dadaun misaun ONU iha TL iha ona faze ida ne’ebe atu intrega poder bainhira tinan ida ne’e hotu.
Maibe, nia dehan, ONU mantein sira nia asistensia iha parte oi-oin inklui seguransa nian to’o sira nia mandate hotu.
Tuir informasaun ne’ebe mak Timor Post asesu katak iha 27 fulan ida ne’e delegasaun ONU sei mai partisipa serimonia Aniversariu Unilateral Indepedensia TL nian ba dala 35. delegasaun ONU ne’e mos sei sorumutu ho TL hanesan Prezidente da Repúblika, Parlamentu Nasional, no Governu hodi deskute kona-ba misaun ONU iha TL. (julião/manuel)
Timor Post - Tersa 23 Novembru 2010
Dili-Misaun Integradu Nasoens Unidas bá Timor Leste (UNMIT) propoin seguransa sivil atu kaer kilat hanesan politika nune’e kontinua fo sai mensajen ba Públiku internasionál katak situasaun Timor Leste sei perigu nia laran.
Kestaun ne’e hato’o husi Diretor Organizasaun Naun Govermental Asosiasaun Hak Rui Viana ba Timor Post iha nia knar fatin, Segunda (22/11), relasiona ho asesor UNMIT ne’ebe katak seguransa sivil mos presiza kaer kilat.
Nia informa instituisaun estadu hanesan PNTL no F-FDTL maka iha dever no direitu atu kaer armas,”Iha krizi 2006, armas instituisaun estadu nian de’it sei namkari satan seguransa sivil,”nia haktuir.
Rui esplika mandate ONU sei remata iha tinan 2012. tamba ne’e, tuir nia, UNMIT joga politika hanesan ne’e para hanaruk tan sira nia mandatu iha Timor Leste.
Relasiona ho ida ne’e, nia husu ba ONU para atu haforsa liu tan instituisaun estadu nian hanesan PNTL no F-FDTL inklui adianta mandatu ba Unidade Krimi Graves (serius crime unit) ne’ebe maka to’o ohin loron sei paradu hela.
“Se UNMIT preukupa seguransa Timor Leste entaun diak liu suporta instituisaun PNTL no F-FDTL para garante seguransa,”Rui Sujere.
Timor Leste tenki Soe Doutrina At Husi ONU
Iha parte seluk, membru Parlamentu Nasional fo opiniaun katak Timor Leste presiza soe ezemplo at ne’ebe mak ONU husi hela iha Timor leste durante nia misaun.
Maske la temi detailhu konaba ezemplu at ne’ebe mak ONU husik hela ba Timor Leste, maibe tuir reprezetante povu katak iha buat balun ne’ebe ONU la konsege resolve liliu iha setor seguransa.
“Ita hili buat ne’ebe diak no buat ne’ebe la diak ita soe,”dehan deputadu José Teixeira husi Bancada FRETILIN ba Timor Post iha PN horisehik.
Reprejetante povu ne’e konsidera durante ONU hala’o nia misaun iha TL falta iha kapasidade hodi suporta TL, nia dehan ida ne’e tanba laiha kolaborasaun diak entre Governu Timor Leste ho ONU rasik. Nia fo ezemplu liu husi prosesu triazen ba PNTL hafoin krizi 2006, ONU hakarak halo buat ne’ebe los maibe dala ruma Governu ho komando PNTL rasik ladun preokupa ho inisiativa ONU nian ne’ebe diak.
“La’os deit ida ne’e, formasaun barak ne’ebe ONU hakarak halo liu-liu kona-ba direitus humanus, komando PNTL hare maibe finji la haree. Ita tenki rona mos ema sira ne’ebe maka iha espesialidade ba area ida ne’e,”Teixeira haklaken.
Iha fatin hanesan, Deputadu Komisaun B PN ba asuntu seguransa no defeza Duarte Nunes tenik oras ne’e dadaun misaun ONU iha TL iha ona faze ida ne’ebe atu intrega poder bainhira tinan ida ne’e hotu.
Maibe, nia dehan, ONU mantein sira nia asistensia iha parte oi-oin inklui seguransa nian to’o sira nia mandate hotu.
Tuir informasaun ne’ebe mak Timor Post asesu katak iha 27 fulan ida ne’e delegasaun ONU sei mai partisipa serimonia Aniversariu Unilateral Indepedensia TL nian ba dala 35. delegasaun ONU ne’e mos sei sorumutu ho TL hanesan Prezidente da Repúblika, Parlamentu Nasional, no Governu hodi deskute kona-ba misaun ONU iha TL. (julião/manuel)
.
0 comentários:
Enviar um comentário