TINAN NE'E POVU AGRIKULTURA LAKUDA BATAR

.

Josefa Parada - Sesta, 05 Novembru 2010 - SUARA TIMOR LOROSAE

TUTUALA- Povu agrikultor iha Aldeia Pitilete, Suku Com, Sub-Distritu Lautem Distritu Lautem la haksolok, tamba tinan ida ne’e sira lakuda batar primeiru epoka (musim pertama), tamba mudansa iklima nebe akontese iha tinan ida ne’e.

Informasaun hirak ne’e hato’o husi Povu Agrikultura Pitelete, Cecilia dos Santos, Ponciano de Jesus, no Rui Morais bainhira dada lia ho STL iha Pitilete Sabadu (30/10) liu ba. Tinan ida ne’e povu agrikultor barak mak la kuda batar, tanba udan la fo tempu ba ema atu hamos to’os.

Aihan tinan ida ne’e barak mak hetan estragus, tanba udan. Tuir povu agrikultor sira ho mudansa klimatiku ne’e, 2011 povu sei hasoru amesa hamlaha bo’ot, tanba produtu local barak mak hetan estragus.

Xefi Suku Soba, Sub-Distritu Laga, Francisca Monica de Fatima Soares, hateten komunidade Sub-Distritu laga oras ne’e enfrenta hamlaha, tanba aihan barak hetan estragus husi udan nebe lapara, tanba ne’e sira husu ba governu liu husi MTCI atu kontinua faan fos MTCI iha Suku-Suku. Augusto da Costa
.