Timor Leste Haruka Vicky Chong Ba Xina no Nelson Ba Beljika

.

Nelson Santos

Written by Jesya Vilanova/CJITL - Saturday, 27 November 2010

Breaking news, Sexta feira horseik (26/11), Prezidente Republika, Jose Ramos Horta fo tomada de posse ba diplomata Timor oan nain rua Vicky Chong hanesan embaxadora Timor Leste ba Xina no mos Nelson dos Santos hanesan Embaxador Timor Leste ba Uniaun Europeia iha Beljika.

“Republika Popular China nia parseiro ne’ebe diak ho Timor Leste, tanba ne’e inportante atu tau Timor nia embaxada ida ne’ebe bele asegura relasaun ne’e”tenik Ramos iha Palasio Prezidente Nicolao Lobato,Dili.

“Uniaun Europeia hanesan mos uniaun ne’ebe fo apoiu barak ba Timor tanba ne’e reprezentante iha ne’eba espesial mos” Horta hatutan.

Nelson dos Santos ne’ebe nomeia ba embaxador , hafoin hetan tomada de posse, Tribunal bolu kedan ba sai sasin iha tribunal hodi fo sasin konaba kaju alegasaun korupsaun no mal administrasaun ne’ebe involve Vice Primeiru Ministru, Jose Luis Guterres.

Iha Tribunal, Nelson dos Santos hateten katak nia iha duni konhecementu ba kaju ne;e, no nia rasik kontra atetude husi Jose Luis Guterres ne’ebe hamutuk ho Joao Camara ho autor ida seluk halo transferensia osan ne’ebe la tuir regras ne’e. (Jesia Vila Nova/CJITL)
.