.
Josefa Parada - Kuarta, 24 Novembru 2010 - SUARA TIMOR LOROSAE
DILI- Prezidente Republika DR. Jose Ramos Horta fiar katak UNMIT la iha hanoin atu propoin ba estadu Timor Leste hodi halo lei ruma atu autoriza seguransa sivil sira uza kilat.
PR Horta dehan, maske intensaun lolos husi UNMIT laos atu propoin ba estadu TL hodi kria lei atu seguransa sivil uza kilat, maibe ninia parte kontinua kontra hanoin ruma ne’ebe mosu konaba kestaun ne’e. Nia dehan, ninia parte akompania konferensia ne’ebe UNMIT halo, maibe iha ne’eba responsavel UNMIT la koalia katak seguransa sivil presiza uza kilat.
“Sira mos hatete labele, hatete deit iha rai balun sira autoriza seguransa sivil uza kilat (maibe) tenki liu husi lei ida husi Parlamentu,” informa Horta ba jornalista sira hafoin fila husi ninia vizita privadu ba Australia, Kuarta, (24/11), iha Aeroportu –Comoro.
Horta hatutan, UNMIT kontinua ho ninia pozisaun katak la devia iha TL seguransa sivil sira uza kilat. Ba ninia pozisaun rasik, Horta dehan, nia totalmente kontra atu seguransa sivil sira uza kilat. “Gurda Sivil lalika uza kilat. Kilat barak los ona iha Timor Leste, diak liu kaer deit ai-tongka ida,” katak Horta.
Antes ne’e, Eis Premeiru Ministru no actual Sekretariu Jeral Partidu Fretilin, Mari Alkatiri, hatete katak sei sedu demais ba Timor Leste atu simu proposta refere tanba mentalidade timor oan sira seidauk pronto. Alkatiri dehan katak, iha nasaun balun seguransa sivil sira uza armas, maibe ba TL presiza muda lai mentalidade povu.
Deputadu husi Bankada CNRT, Paul Fatima Martins, konsidera proposta husi peritus UNMIT ne’e tidak waras. “Seguransa sivil sira diak liu labele kaer kilat. Ne’e opiniaun bulak, hakarak atu estraga ita,” Deputadu ne’e dehan.
Bazeia ba konstitusaun, nia dehan, iha rai ne’e la iha institusaun seluk mak bele uza kilat so institusaun defeza-seguransa deit mak iha direitu atu kaer kilat.
Deputadu husi bankada PD, Vital dos Santos, dehan, karik tuir observasaun UNMIT nesesariu atu seguransa sivil sira kaer kilat, maibe tuir nia seidauk to’o tempu. Tuir nia, UNMIT bele propoin no estadu TL mak presiza hare didiak vantazen no disvantazen husi proposta ne’e.Jorgino Santos
.
Josefa Parada - Kuarta, 24 Novembru 2010 - SUARA TIMOR LOROSAE
DILI- Prezidente Republika DR. Jose Ramos Horta fiar katak UNMIT la iha hanoin atu propoin ba estadu Timor Leste hodi halo lei ruma atu autoriza seguransa sivil sira uza kilat.
PR Horta dehan, maske intensaun lolos husi UNMIT laos atu propoin ba estadu TL hodi kria lei atu seguransa sivil uza kilat, maibe ninia parte kontinua kontra hanoin ruma ne’ebe mosu konaba kestaun ne’e. Nia dehan, ninia parte akompania konferensia ne’ebe UNMIT halo, maibe iha ne’eba responsavel UNMIT la koalia katak seguransa sivil presiza uza kilat.
“Sira mos hatete labele, hatete deit iha rai balun sira autoriza seguransa sivil uza kilat (maibe) tenki liu husi lei ida husi Parlamentu,” informa Horta ba jornalista sira hafoin fila husi ninia vizita privadu ba Australia, Kuarta, (24/11), iha Aeroportu –Comoro.
Horta hatutan, UNMIT kontinua ho ninia pozisaun katak la devia iha TL seguransa sivil sira uza kilat. Ba ninia pozisaun rasik, Horta dehan, nia totalmente kontra atu seguransa sivil sira uza kilat. “Gurda Sivil lalika uza kilat. Kilat barak los ona iha Timor Leste, diak liu kaer deit ai-tongka ida,” katak Horta.
Antes ne’e, Eis Premeiru Ministru no actual Sekretariu Jeral Partidu Fretilin, Mari Alkatiri, hatete katak sei sedu demais ba Timor Leste atu simu proposta refere tanba mentalidade timor oan sira seidauk pronto. Alkatiri dehan katak, iha nasaun balun seguransa sivil sira uza armas, maibe ba TL presiza muda lai mentalidade povu.
Deputadu husi Bankada CNRT, Paul Fatima Martins, konsidera proposta husi peritus UNMIT ne’e tidak waras. “Seguransa sivil sira diak liu labele kaer kilat. Ne’e opiniaun bulak, hakarak atu estraga ita,” Deputadu ne’e dehan.
Bazeia ba konstitusaun, nia dehan, iha rai ne’e la iha institusaun seluk mak bele uza kilat so institusaun defeza-seguransa deit mak iha direitu atu kaer kilat.
Deputadu husi bankada PD, Vital dos Santos, dehan, karik tuir observasaun UNMIT nesesariu atu seguransa sivil sira kaer kilat, maibe tuir nia seidauk to’o tempu. Tuir nia, UNMIT bele propoin no estadu TL mak presiza hare didiak vantazen no disvantazen husi proposta ne’e.Jorgino Santos
.
0 comentários:
Enviar um comentário