.
Josefa Parada - Kinta, 25 Novembru 2010 - SUARA TIMOR LOROSAE
DILI-Governu Timor Leste dadauk ne’e halao kontaktu intensivu ho diplomata TL iha Korea Sul, hodi bele halo asaun ruma wainhira kondisaun iha Korea Sul sai pior liu tan.
Timor oan ne’ebe servisu iha Korea Sul hamutuk nain 424, kompostu husi mane nain 379 no feto nain 45. Maioria trabailador hirak ne’e servisu iha area peskas, fabrika no agrikultura. Ministru Negosiu Estranjeiru (MNE), Zacarias Albano da Costa, informa katak, liu husi reuniaun Konseilu Ministru, ninia parte halo diskusaun ida ho Sekretariu Estadu Formasaun Profesional no Empregu (SEFOPE), Benedito Freitas, konaba situasaun actual trabailador TL iha Korea Sul hafoin Korea Norte halo asaun bombardeiru.
MNE ne’e dehan, iha asaun bombardeiru ne’ebe Korea Norte halo la afeita trabailador timor oan sira tanba distansia ne’ebe do’ok.
“Ami prontu para atu halo evakuasaun (ba trabailador timor oan) se nesesariu, se situasaun iha Korea Sul ho Korea Norte pior liu tan,” deklara nia ba jornalista sira hafoin partisipa iha inkontru nivel Alto, Kinta, (25/11), iha Palasiu Prezidensial-Dili.
Zacarias dehan, asaun ne’ebe Korea Norte halo la afeita ba trabailador timor oan, tanba trabailador sira ne’e servisu iha parte sul no asaun bombardeiru ne’e akontese iha parte Norte, iha ilha ida iha parte Norte Korea Sul. MNE ne’e espera katak sei mosu dialogu entre Korea Sul ho Korea Norte hodi buka solusaun ne’ebe diak liu.
Iha fatin hanesan, SEFOPE Benedito informa katak, ninia parte halo kontaktu intensivu ho adidu trabaila no Embaixada TL iha Korea Sul hodi hatene informasaun konaba situasaun real iha neba. Nia afirma katak, to’o ohin loron kondisaun trabailador timor oan sira diak hela, maibe wainhira situasaun iha Korea sai manas liu tan, governu TL iha obrigasaun atu evakua ninia sidadaun iha neba.
“Se afeta konserteza governu sei halo prosesu ruma hanesan evakua sira, maibe oras ne’e dadauk sei normal hela,” deklara nia.
Maske seidauk iha garantia katak situasaun bele sai normal, maibe SEFOPE iha ona planu atu haruka tan trabailador balun iha tinan 2011. Konaba situasaun servisu iha Korea Sul, Bendito dehan, situasaun trabailador timor oan iha Korea diak teb-tebes kompara ho situasaun trabailador Indonesia ne’ebe servisu iha Saudi Arabia ne’ebe hetan tratamentu dezumanu.
Familia trabailador ida, Abilio Meneses, senti laran taridu wainhira rona informasaun iha media katak mosu konflitu ida entre Korea Norte ho Korea Sul. Tan ne’e, nia sujere ba governu atu akompania nafatin informasaun iha Korea hodi nune’e bele hola medidas orijenti wainhira konflitu iha Korea sae maka’as. Jorgino Santos
.
Josefa Parada - Kinta, 25 Novembru 2010 - SUARA TIMOR LOROSAE
DILI-Governu Timor Leste dadauk ne’e halao kontaktu intensivu ho diplomata TL iha Korea Sul, hodi bele halo asaun ruma wainhira kondisaun iha Korea Sul sai pior liu tan.
Timor oan ne’ebe servisu iha Korea Sul hamutuk nain 424, kompostu husi mane nain 379 no feto nain 45. Maioria trabailador hirak ne’e servisu iha area peskas, fabrika no agrikultura. Ministru Negosiu Estranjeiru (MNE), Zacarias Albano da Costa, informa katak, liu husi reuniaun Konseilu Ministru, ninia parte halo diskusaun ida ho Sekretariu Estadu Formasaun Profesional no Empregu (SEFOPE), Benedito Freitas, konaba situasaun actual trabailador TL iha Korea Sul hafoin Korea Norte halo asaun bombardeiru.
MNE ne’e dehan, iha asaun bombardeiru ne’ebe Korea Norte halo la afeita trabailador timor oan sira tanba distansia ne’ebe do’ok.
“Ami prontu para atu halo evakuasaun (ba trabailador timor oan) se nesesariu, se situasaun iha Korea Sul ho Korea Norte pior liu tan,” deklara nia ba jornalista sira hafoin partisipa iha inkontru nivel Alto, Kinta, (25/11), iha Palasiu Prezidensial-Dili.
Zacarias dehan, asaun ne’ebe Korea Norte halo la afeita ba trabailador timor oan, tanba trabailador sira ne’e servisu iha parte sul no asaun bombardeiru ne’e akontese iha parte Norte, iha ilha ida iha parte Norte Korea Sul. MNE ne’e espera katak sei mosu dialogu entre Korea Sul ho Korea Norte hodi buka solusaun ne’ebe diak liu.
Iha fatin hanesan, SEFOPE Benedito informa katak, ninia parte halo kontaktu intensivu ho adidu trabaila no Embaixada TL iha Korea Sul hodi hatene informasaun konaba situasaun real iha neba. Nia afirma katak, to’o ohin loron kondisaun trabailador timor oan sira diak hela, maibe wainhira situasaun iha Korea sai manas liu tan, governu TL iha obrigasaun atu evakua ninia sidadaun iha neba.
“Se afeta konserteza governu sei halo prosesu ruma hanesan evakua sira, maibe oras ne’e dadauk sei normal hela,” deklara nia.
Maske seidauk iha garantia katak situasaun bele sai normal, maibe SEFOPE iha ona planu atu haruka tan trabailador balun iha tinan 2011. Konaba situasaun servisu iha Korea Sul, Bendito dehan, situasaun trabailador timor oan iha Korea diak teb-tebes kompara ho situasaun trabailador Indonesia ne’ebe servisu iha Saudi Arabia ne’ebe hetan tratamentu dezumanu.
Familia trabailador ida, Abilio Meneses, senti laran taridu wainhira rona informasaun iha media katak mosu konflitu ida entre Korea Norte ho Korea Sul. Tan ne’e, nia sujere ba governu atu akompania nafatin informasaun iha Korea hodi nune’e bele hola medidas orijenti wainhira konflitu iha Korea sae maka’as. Jorgino Santos
.
1 comentários:
Tio Abiiio, keta taridu sira sei la susar, duke iha ne'e tuda ema nia kareta no uma diak liu husik iha ne'eba, governo halo ona, hakarak tan saida?
Fo konfiansa ba Gov. TL, hare ba tiu servisu deit,,,,
Enviar um comentário