.
Timor Post - Kuarta, 10 Novembru 2010
Dili-Deputadu Bancada FRETILIN Joaquim Amaral hateten serbisu prokuramen no liu-liu Ministériu Infraestrutura (MI) fraku tanba seidauk aprezenta relatóriu ezekusaun semestral nian bá Parlamentu Nasionál, maibé, Deputadu Bancada PD Rui Menezes defende governu.
“Normalmente relatoriu ezekusaun semestral tama fulan neen iha PN, komisaun husu ofisialmente ona maibé seidauk hetan resposta, inklui tinan kotuk nian,” dehan Joaquim ba Timor Post iha PN, Tersa (09/11).
Nia tenki, PN husu relatoriu refere atu haree projeitu hirak ne’ebé la’o durante ne’e hodi halo nia knar di’ak liu tan iha tinan oin.
“Presiza hatene projeitu hirak maka la’o ona inklui hirak mak iha mudansa atu nune’e komisaun ne’ebé mak iha halo fiskalizasaun efetivu liu,”nia akresenta.
Se bazeia de’it lista aprovasaun porjeitu, nia haklaken, enatun defisil hatu hatene presentazen husi projeitu ne’ebé maka la’o ona. Joaquim informa loloos antes governu aprejenta OJE 2011, Parlamentu tenki hare ona ezekusaun li-liu ba projeitu tinan kotuk nian.
ENTERTANTU DEPUTADU RUI MENEZES, husi Bancada PD hateten relatoriu ezekusaun importante maibé labele foti konkluzaun katak governu la kumpri sira nia dever konstitusional atu hatama relatoriu ezekusaun nian.
Nia dehan iha difikuldade barak mak governu infrenta, ne’eduni, nia esplika, governu muda lei Jestaun Finanseiru to’o 15 Novembru atu aprezenta OJE 2011 nian.
“Relatoriu ne’e kada tinan-tinan governu sempre aprejenta, nu’udar politika importante maka iha relatoriu la’os dehan tenki on time,”nia esplika.
PR Horta La Preokupa
Iha parte seluk, Prezidente Repúblika José Ramos Horta la preokupa Governu AMP hatama proposta orsamentu Jerál estadu (OJE) 2011 ba Parlamentu Nasionál ho tarde.
“Prezidente la preokupa ho ida ne’e (governu tarde hatam proposta OJE),” informa Prezidente Parlamentu Nasional Fernando Lasama bá jornalista sira iha Palacio Prezidenti Repúblika, Tersa (09/11), hafoin remata inkontru ho PR Horta.
Tuir Lei Jestaun Finanseiru Estadu (momentu seidauk halo alterasaun), normalmente governu tenki aprezenta proposta OJE ba PN iha loron 15 Outubru foin lalais ne’e ho hahu debate iha fulan Dezembru.
Maibe, tamba pedidu PM Xanana Gusmao relasiona ho ezekusaun OJE 2010 ne’ebé saeidauk atinji 50%, PN tenki altera lei jestaun Finanseira ba 15 Novembru.
Alinde ne’e, deputadu Bancada ASDT Francisco de Araujo no deputadu Indepedenti Mateus de Jesus dehan laiha problema ida wainhira governu la hatama proposta OJE tuir kalendariu orsamentu tanba ezekusaun OJE tinan kotuk seidauk ezekuta to’o 50%.(agus dos santos)
.
Timor Post - Kuarta, 10 Novembru 2010
Dili-Deputadu Bancada FRETILIN Joaquim Amaral hateten serbisu prokuramen no liu-liu Ministériu Infraestrutura (MI) fraku tanba seidauk aprezenta relatóriu ezekusaun semestral nian bá Parlamentu Nasionál, maibé, Deputadu Bancada PD Rui Menezes defende governu.
“Normalmente relatoriu ezekusaun semestral tama fulan neen iha PN, komisaun husu ofisialmente ona maibé seidauk hetan resposta, inklui tinan kotuk nian,” dehan Joaquim ba Timor Post iha PN, Tersa (09/11).
Nia tenki, PN husu relatoriu refere atu haree projeitu hirak ne’ebé la’o durante ne’e hodi halo nia knar di’ak liu tan iha tinan oin.
“Presiza hatene projeitu hirak maka la’o ona inklui hirak mak iha mudansa atu nune’e komisaun ne’ebé mak iha halo fiskalizasaun efetivu liu,”nia akresenta.
Se bazeia de’it lista aprovasaun porjeitu, nia haklaken, enatun defisil hatu hatene presentazen husi projeitu ne’ebé maka la’o ona. Joaquim informa loloos antes governu aprejenta OJE 2011, Parlamentu tenki hare ona ezekusaun li-liu ba projeitu tinan kotuk nian.
ENTERTANTU DEPUTADU RUI MENEZES, husi Bancada PD hateten relatoriu ezekusaun importante maibé labele foti konkluzaun katak governu la kumpri sira nia dever konstitusional atu hatama relatoriu ezekusaun nian.
Nia dehan iha difikuldade barak mak governu infrenta, ne’eduni, nia esplika, governu muda lei Jestaun Finanseiru to’o 15 Novembru atu aprezenta OJE 2011 nian.
“Relatoriu ne’e kada tinan-tinan governu sempre aprejenta, nu’udar politika importante maka iha relatoriu la’os dehan tenki on time,”nia esplika.
PR Horta La Preokupa
Iha parte seluk, Prezidente Repúblika José Ramos Horta la preokupa Governu AMP hatama proposta orsamentu Jerál estadu (OJE) 2011 ba Parlamentu Nasionál ho tarde.
“Prezidente la preokupa ho ida ne’e (governu tarde hatam proposta OJE),” informa Prezidente Parlamentu Nasional Fernando Lasama bá jornalista sira iha Palacio Prezidenti Repúblika, Tersa (09/11), hafoin remata inkontru ho PR Horta.
Tuir Lei Jestaun Finanseiru Estadu (momentu seidauk halo alterasaun), normalmente governu tenki aprezenta proposta OJE ba PN iha loron 15 Outubru foin lalais ne’e ho hahu debate iha fulan Dezembru.
Maibe, tamba pedidu PM Xanana Gusmao relasiona ho ezekusaun OJE 2010 ne’ebé saeidauk atinji 50%, PN tenki altera lei jestaun Finanseira ba 15 Novembru.
Alinde ne’e, deputadu Bancada ASDT Francisco de Araujo no deputadu Indepedenti Mateus de Jesus dehan laiha problema ida wainhira governu la hatama proposta OJE tuir kalendariu orsamentu tanba ezekusaun OJE tinan kotuk seidauk ezekuta to’o 50%.(agus dos santos)
.
0 comentários:
Enviar um comentário