Portugeza EuroAtlantic tenke hela ho jestaun kompañia aérea timor-oan – prezidente

.
10 de Novembro de 2010 - sapo.tl

Portugeza EuroAtlantic Airways (EAA) tenke hela ho jestaun kompañia aérea hó bandeira timor-oan, Timor-Leste Airlines (TLA), alende de partisipa mós hanesan asionista, ne’ebé maka sei defini, fó sai ohin Ajénsia Lusa prezidente empreza.

Tomaz Metello dehan ona katak iha finál semana ida ne’e nian hein katak iha “elementu sira hotu” nesesáriu atu projetu ne’e avansa nó hela hodi haka’er jestaun “ ne’e hanesan kondisaun ida” husi EuroAtlantic nó iha “indikasaun sira katak sei sai nune’e”.

Ba ida ne’e duni maka iha fín de semana ne’e, sei bá Dili, misaun ida ho kuadru nó tékniku sira husi EuroAtlantic husi área oioin – komérsiál, operasionál, manutensaun, “handling” nó sira seluk.

Delegasaun ida ne’e, ida ne’ebé la inklui prezidente empreza, sei hasoru malu ho Prezidente da Repúblika Timor-Leste, José Ramos-Horta, nó ho primeiru-ministru, Xanana Gusmão, iha reuniaun ida servisu ninian ho Ministru Infraestruturas, nó mós reuniaun oioin tékniku nian atu hala’o levantamentu ida ne’ebé presiza iha aeronáutika ninian.

“Ami fiar katak misaun ida ne’e bele defini ona objetivu sira nó planu ba asaun atu dezenvolve kompañia”, tenik Tomaz Metello ba Ajénsia Lusa, depois de reuniaun oioin, iha semana ne’e, iha Lisboa ho Vasco Carrascalão da Silva, koordenadór husi projetu Timor-Leste Airlines.

Responsavél husi TLA iha ne’ebá “hao hela análize ida glabál EuroAtlantic, liuliu iha termus “know-how nó teknolojia”.

EuroAtlantic Airways, partisipa husi Grupu Pestana, mantén sira nia esperansa hodi hahu hala’o iha Timor-Leste iha kedas tinan oin mai, reafirma prezidente empreza.

Partisipasaun sorin husi kompañia aérea privada portugeza iha TLA sei atu defini tamba “depende ba oinsá partisipasaun Estadu timor-oan,” esplika ona prezidente husi Euroatlantic.
.