.
Josefa Parada - Sesta, 26 Novembru 2010 - SUARA TIMOR LOROSAE
DILI- Joventude hotu iha Timor laran, orgulhu simu loron proklamasaun independensia Timor Leste (TL) unilateral, ba dala 35 (28-11-1975/28-11-2010 ), tamba iha loron ne’e maka povo TL tomak, defende rai doben TL ba ukun rasik a’an.
Joventude Marcos Soares, ba STL, Kinta (25/11) katak, nia senti kontenti maibe mos triste, tamba maske TL ukun a’an ona, maibe prosesu ne’e mos lori ema barak nia ra’an mak ohin loron bele hetan independensia ne’e.
“To’o ona loron hodi kontenti no simu loron proklmasaun ida nee, maibe hanoin fali ba kotuk, sente triste no tanis, tamba defende rai ida nee ema rihun ba rihun hodi nian ran no isin sosa rai ida nee,” dehan nia.
Nia hatutan, maske ema rihun ba rihun maka mate hodi sosa independensia ne’e, maibe to’o agora governu seidauk resolve hotu povu nia sofrementu, tamba familia barak seidauk hatene sira nia maun alin nebe lakon iha funu ne’e.
Joventude Miguel Sarmentu, senti tirste, tamba maske proklama ona Independensia ba dala 35, maibe governu seidauk rekonhese joventude nebe fo a’an tomak defende independensia TL.
“ami barak maka agora tur hanoin, katak loron to’o ona, atu simu tan prokalmasaun ba dala 35, maibe sira nafatin sai aileba, tamba Governu seidauk rekuinese joventude nebe fo a’an tomak, defende rai ida nee,” hateten Miguel.
Josefa Parada - Sesta, 26 Novembru 2010 - SUARA TIMOR LOROSAE
DILI- Joventude hotu iha Timor laran, orgulhu simu loron proklamasaun independensia Timor Leste (TL) unilateral, ba dala 35 (28-11-1975/28-11-2010 ), tamba iha loron ne’e maka povo TL tomak, defende rai doben TL ba ukun rasik a’an.
Joventude Marcos Soares, ba STL, Kinta (25/11) katak, nia senti kontenti maibe mos triste, tamba maske TL ukun a’an ona, maibe prosesu ne’e mos lori ema barak nia ra’an mak ohin loron bele hetan independensia ne’e.
“To’o ona loron hodi kontenti no simu loron proklmasaun ida nee, maibe hanoin fali ba kotuk, sente triste no tanis, tamba defende rai ida nee ema rihun ba rihun hodi nian ran no isin sosa rai ida nee,” dehan nia.
Nia hatutan, maske ema rihun ba rihun maka mate hodi sosa independensia ne’e, maibe to’o agora governu seidauk resolve hotu povu nia sofrementu, tamba familia barak seidauk hatene sira nia maun alin nebe lakon iha funu ne’e.
Joventude Miguel Sarmentu, senti tirste, tamba maske proklama ona Independensia ba dala 35, maibe governu seidauk rekonhese joventude nebe fo a’an tomak defende independensia TL.
“ami barak maka agora tur hanoin, katak loron to’o ona, atu simu tan prokalmasaun ba dala 35, maibe sira nafatin sai aileba, tamba Governu seidauk rekuinese joventude nebe fo a’an tomak, defende rai ida nee,” hateten Miguel.
Terezinha Aparicio hatutan, maske dezenvolvimentu lao ba oin, maibe povu nafatin sei moris iha mukit nia laran. Joao Almeida
.
0 comentários:
Enviar um comentário