Deputadu Joaquim Amaral09 de Novembro de 2010 - sapo.tl
Tuir depuadu Joaquim Amaral husi bankada opozisaun Fretilin katak governu laiha transparénsia ba prosesu konstrusaun sentrál eletriku (KSE), tenik lia hirak ne’e tamba to’o agora Parlamentu Nasionál (PN), laiha informasaun klaru konabá progresu konstrusaun ne’ebé refere.
Joaquim Amaral realsa katak se iha transparénsia ema bele kalkula progresu ne’e kada fulan i akompaña to’o konstrusaun ne’e hotu, salienta mós katak tuir loloos fó ona informasaun progresu servisu bá PN inkliu orsamentu ne’ebé maka gasta hodi selu komapañia ne’ebé halo liña de transmisaun.
Iha parte seluk hatán ba lia hirak ne’e, deputadu Arão Noe de Jesus husi bankada CNRT esplika katak konstrusaun fízika ba sentrál eletriku haka’er husi kompañia Xina Nuklear nó kompañia seluk mak toma konta ba jeradór.
Nia subliña katak iha ratifikasaun ba programa inisiál atu sosa jeradór segunda maun ne’ebé mai husi Xina, ne’e ratifika nó muda fali ba kompañia Warsila. Ida ne’e kontratu estabelese ona nó iha tempu badak iha inísiu tinan 2011 jeradór hirak ne’e komesa instala iha fatin ne’ebé refere.
Konabá persentajén atinji ona 25-30%. Deputadu Arão, nia afirma nó garante katak iha Novembru 2011 parte Norte bele fornese ona tamba ne’e mós garantidu ona iha kontratu.
.
0 comentários:
Enviar um comentário