.
Josefa Parada -Segunda, 08 Novembru 2010 - SUARA TIMOR LOROSAE
DILI- Dr.Alberto Cortereal hatete iha fulan Outubru nia laran, moras iha sala emergensia barak liu husi labarik kiik sira. iha sala emergensia laos simu pasiente labarik ho kuantidade barak, maibe simu mos pasiente nebe sofre moras bo’ot hanesan malaria no TBC.
“ Hirak ne’ebe mak baixa iha sala emergensia laos ba ema bo’ot deit, maibe labarik kiik mos barak,”dehan Alberto ba Jornalista Sesta (06/11) liu ba, iha nia servisu fatin HNGV Dili.
Alberto informa mos katak kauza husi moras hirak nee, tamba impaktu husi mudansa klimatika nebe transforma ba tempu udan kuaze tinan tomak, hodi nunee bainhira inan aman sira ladun preokupa ho saude labarik sira nian, bele afeta ba moras. Alen nee fator ida seluk inan aman sira ladun fo atensaun ba higines oan sira nian. Liliu wainhira labarik sira han la fase liman.
iha parte seluk, Angelina Cardoso (pasiente) hatete tinan ida ne’e, moras labarik kiik sira komesa sa’e maka’as tamba deit udan. Nune’e bele hamosu moras hanesan inus ben, mear no ispa.
“Ami inan aman wainhira hare kondisaun hanesan ne’e, ami tenke lori lalais mai iha HNGV atu hetan tratamentu husi enfermeirus sira,”konfesa nia.
Liafuan hanesan hato’o husi, Belarmina Soares katak, iklima dadaun ne’e komesa hamosu moras oi-oin hanesan Malaria, inus ben, ispa no seluk tan. Liliu afeita ba labarik kiik husi tinan 5 mai kraik. Tamba ne’e sira kontinua fo atensaun nafatin ba oan sira atu labele halimar iha fatin nebe kondsaun la favorese. Venicia Lopes
.
Josefa Parada -Segunda, 08 Novembru 2010 - SUARA TIMOR LOROSAE
DILI- Dr.Alberto Cortereal hatete iha fulan Outubru nia laran, moras iha sala emergensia barak liu husi labarik kiik sira. iha sala emergensia laos simu pasiente labarik ho kuantidade barak, maibe simu mos pasiente nebe sofre moras bo’ot hanesan malaria no TBC.
“ Hirak ne’ebe mak baixa iha sala emergensia laos ba ema bo’ot deit, maibe labarik kiik mos barak,”dehan Alberto ba Jornalista Sesta (06/11) liu ba, iha nia servisu fatin HNGV Dili.
Alberto informa mos katak kauza husi moras hirak nee, tamba impaktu husi mudansa klimatika nebe transforma ba tempu udan kuaze tinan tomak, hodi nunee bainhira inan aman sira ladun preokupa ho saude labarik sira nian, bele afeta ba moras. Alen nee fator ida seluk inan aman sira ladun fo atensaun ba higines oan sira nian. Liliu wainhira labarik sira han la fase liman.
iha parte seluk, Angelina Cardoso (pasiente) hatete tinan ida ne’e, moras labarik kiik sira komesa sa’e maka’as tamba deit udan. Nune’e bele hamosu moras hanesan inus ben, mear no ispa.
“Ami inan aman wainhira hare kondisaun hanesan ne’e, ami tenke lori lalais mai iha HNGV atu hetan tratamentu husi enfermeirus sira,”konfesa nia.
Liafuan hanesan hato’o husi, Belarmina Soares katak, iklima dadaun ne’e komesa hamosu moras oi-oin hanesan Malaria, inus ben, ispa no seluk tan. Liliu afeita ba labarik kiik husi tinan 5 mai kraik. Tamba ne’e sira kontinua fo atensaun nafatin ba oan sira atu labele halimar iha fatin nebe kondsaun la favorese. Venicia Lopes
.
0 comentários:
Enviar um comentário