MI PEDRO LAY " EZEKUSAUN OJE 2010 MI ATINJI 45% "

.

Pedro Lay, foto de La'o Hamutuk

Jornal Nacional Diário - Tersa 30 Novembru 2010

Dili-Ministru Infraestrutura Pedro Lay hateten katak, ezekusaun orsamentu Jeral Estadu (OJE) 2010 ba Ministeriu Infraestrutura (MI) ninia atinji ona pursentu 45 (45%), ne’ene fin de ano sei ezekuta ho diak liu tan.

Lia hirak ne’e hato’o husi Ministru Infraestrutura (MI) Pedro lay iha PN segunda (29/11), hafoin aprezenta relatoriu ezekusaun OJE 2010 ba komisaun G PN.

Nia dehan, ezekusaun ba orsamentu 2010 ne’ebe foin atinji 45% ne’e, tamba iha mudansa klimatika hanesan udan mak halo progresu projetus ne’e la’o tarde.

“Ami agora ezekuta it abele dehan 45% ona i ami mos esforsu halo nusa para ami bele ezekuta diak liu tan, tamba agora mudansa klimatika ne’ebe hanesan fo impaktu oituan ba ezekusaun projeitu fijiku ne’e,”haktuir Pedro Lay.

Tuir Ministru Lay katak, sira sei esforsu makas atu ezekuta, orsamentu 2010 nia ho diak, no ba prjetus ne’ebe iha kualidade diak.

“Ami sei esforsu halo nusa bele ezekuta hotu ho diak, ba ita ezekuta bo’ot liu diak, maibe tenki ho kualidade diak, laos ba ejekuta deit depois laiha kualidade,”dehan Pedro lay.

Nune’e mos projetu bo’ot ne’ebe foin maka halo tenderizasaun ne’e MI esplika katak, projetu sira ne’e, projetu multi annual, ne’ebe bele to’o iha tinan 2013.

Iha fatin hanesan Prezidente Komisaun G trata asuntu Infraestrutura e ekipamentu social, Pedro da Costa hatete, MI ninia projeitu fiziku ne’e to’o ona iha 44,4% ba projetus fijiku ne’ebe iha, tamba hela deit ho fulan ida ne’ebe falta 65% ne’e mak saidauk ezekuta.

“Haul abele dehan sira ezekuta hour ka la ezekuta hotu, se sir abele garante fulan ida nia laran ne’e sir abele determina ho restu ne’ebe sei falta ne’e atu kompleta projeitu bo’ot ne’e,”dehan Pedro.

Maske nune’e, nia dehan orsamentu ba MI ne’e atu ezekuta iha loron ne’ebe determina ona ne’e difisil.jxn
.