.
Written by pedro delfim/cjitl - Thursday, 11 November 2010
CJITL fLash, Maijor Jeneral Falentil-Forsa Defeza Timor Leste (F-FDTL), Jose Maria Vasconselhus alias Taur Matan Ruak konsidera hari’i monumentu ba vitima masakre 12 Novembru 1991 ne’e importante tanba nudar istoria kmanek nasaun Timor Leste ba jerasaun iha futuru.
“Hau senti kontenti ho Timor oan sira ne’ebe iha sira nia talentu boot tebes hodi pinta dezenhu konaba Monumentu masakre 12 Novembru 1991”, katak Matan Ruak, iha Merkadu Lama, Tersa, (10/11). “Tanba monumentu ida ne’e sai hanesan historia bo’ot ba Timor”.
Jeneral fitun rua ne’e apresia ba pintor Timor oan ne’ebe hahu halo ona dezenhu konaba monumentu maskare 12 Novembru ne’ebe akoneese iha tinan 19 liu ba.
Tuir nia, talentu ne’ebe juventude Timor Leste hatudu liu husi halo dezenhu ba monumentu maskare ne’ebe halakon vida timor oan rihun ba rihun ne’e hanesan monumentu historia hodi hatudu ba mundu internasional no jerasaun foun atu hatene klean liu tan istoria Timor nian.
Prezidenti Komite 12 Novembru, Geregoriu Saldanha rasik fo nia komentariu mos katak objektivu hari’i monumentu 12 Novembru tanba loron maskare ne’e hanesan historia bo’ot ba timor Leste.
“Ita hari’i monument ne’e tanba sira ne’e mak luta no fa’an sira nia isin hodi liberta nasaun ida ne’e”, dehan Gregorio. “Ho ida ne’e ita tenke hari monumentu 12 Novembru ne’e atu nune’e ita nia jerasaun foun mai bele hatene saida mak 12 Novembru ne’e”.(Pedro Delfim/CJITL).
.
Written by pedro delfim/cjitl - Thursday, 11 November 2010
CJITL fLash, Maijor Jeneral Falentil-Forsa Defeza Timor Leste (F-FDTL), Jose Maria Vasconselhus alias Taur Matan Ruak konsidera hari’i monumentu ba vitima masakre 12 Novembru 1991 ne’e importante tanba nudar istoria kmanek nasaun Timor Leste ba jerasaun iha futuru.
“Hau senti kontenti ho Timor oan sira ne’ebe iha sira nia talentu boot tebes hodi pinta dezenhu konaba Monumentu masakre 12 Novembru 1991”, katak Matan Ruak, iha Merkadu Lama, Tersa, (10/11). “Tanba monumentu ida ne’e sai hanesan historia bo’ot ba Timor”.
Jeneral fitun rua ne’e apresia ba pintor Timor oan ne’ebe hahu halo ona dezenhu konaba monumentu maskare 12 Novembru ne’ebe akoneese iha tinan 19 liu ba.
Tuir nia, talentu ne’ebe juventude Timor Leste hatudu liu husi halo dezenhu ba monumentu maskare ne’ebe halakon vida timor oan rihun ba rihun ne’e hanesan monumentu historia hodi hatudu ba mundu internasional no jerasaun foun atu hatene klean liu tan istoria Timor nian.
Prezidenti Komite 12 Novembru, Geregoriu Saldanha rasik fo nia komentariu mos katak objektivu hari’i monumentu 12 Novembru tanba loron maskare ne’e hanesan historia bo’ot ba timor Leste.
“Ita hari’i monument ne’e tanba sira ne’e mak luta no fa’an sira nia isin hodi liberta nasaun ida ne’e”, dehan Gregorio. “Ho ida ne’e ita tenke hari monumentu 12 Novembru ne’e atu nune’e ita nia jerasaun foun mai bele hatene saida mak 12 Novembru ne’e”.(Pedro Delfim/CJITL).
.
0 comentários:
Enviar um comentário