Loron 28 Novembru - Horta, La Fó Perdaun Bá Prizioneiru

.
Timor Post - Kinta 25 Novembru 2010

Dili-Xefe Estadu José Ramos Horta hateten nia la hanoin atu fo perdaun ba prizioneiru sira iha loron proklamasaun Indepedensia Unilateral 28 Novembru 2010 tamba governu rasik la halo prosesu ruma ba nia.

“Hau seidauk simu prosesu ruma mai husi governu,” katak Horta iha Aeru Porto prezidente Nicolao Lobato Komoro, kuarta (24/11), hafoin fila hikas husi nia vizita ba estranzeiru.

Nia dehan kuandu haree governu la book an entaun nia hahu ho inisiativa rasik maibe sempre halo kontaktu ho governu.

Lori Orden Ba Australia

Prezidenti Horta vizita ba Australia nu’udar vizita ofisial tanba lori orden Timor ba povu Australia ne’ebe uluk fo sira nia kontribuisaun ba problema Timor.

“Hau halo vizita ba Australia ne’e bele dehan vizita ofisial tanba lori orden Timor ba povu Australia ne’ebe uluk luta mos ba problema Timor,”Horta haktuir hafoin vizita Australia, foin lalais.

Nia esklarese lori kondekorasaun ou orden Timor ba Australia ida ho naran David Schoth ne’ebe fo nia an tomak ba indepedensia Timor, Svhot nudar figura ida ne’ebe ema hotu iha Australia respeita.

Horta haktuir David Schot halao vizita mai Timor ha tinan 1974 to’o 1975. durante tinan 30 resin Schot halo kampanhia konaba problema Timor. Schot agora ho idade 83 no sofre diagonistikadu no moras kankru (kankreatiku).

Iha parte seluk, xefe Estadu mos intrega medallha ba membrus UNPOL ne’ebe uluk servisu iha Timor Leste. (tome amado)
.