L-7 Hirus: Problema Eletrisidade, FRETILIN Temi PM Komandante Bosok Ten

.
Jornal Nacional Diário - Kinta, 11 Nobembru 2010

Dili-Veteranu Cornelio Gama “L-7” hirus Deputadu FRETILIN, Arsenio Bano ne’ebé temi Primeiru Ministru komandante bosok ten, tamba tuir L-7 katak Xanana Gusmão komandante istorika luta ba ukun rasik an.

Deputadu FRETILIN Arseino Paixao Bano ne’ebé temi Primeiru Ministru bolu komandante bosok ten, tamba eletrisidade ne’ebé durante tinan tolu halo promesa barak, maibe kontinua lakan mate nafatin iha capital Dili.

Deputadu Bano hatutan katak, Primeiru Ministru kuandu nia hateten ema naok kuarter sai to’o agora ema ida la sai, eletrisidade ne’e gasta miloens bá mileons dolar, la iha ema ida responsabliza kuandu eletrisidade at.

“Se ita koalia beibeik ona problema eletrisidade la resolve ema ida resolve, entaun se los mak komandante bosok ten ema ruma tenki sai komodante bosok ten iha ne’e, se lae ita boot sira nia Primeiru Ministru ne’e it abele bolu nia hanesan komodante bosok ten,”dehan Arseino Bano iha Plenaria Tersa (9/11).

Nia dehan, kondisaun eletrisidade iha Dili tinan tolu, promesa PM nian, dehan 2009 eletrisidade sei lakan 24 oras iha 13 distritu hotu, maibe realidade la akontese hanesan ne’e.

“Ida ne’e se mak responsabliza, ne’e ita bosok momos deit,” tenik deputadu FRETILIN ne’e.

Deputadu ne’e hatutan katak, se ema ida la responsabliza kona-ba problema eletrisidade ne’ebé mate lakan ne’e, Sekretariu Estadu Eletrisidade Januario Pereira esplikasaun katak, ema barak envolve iha KKN iha asuntu eletrisidade ne’e.

“KKN ne’e ema htou tenki defende malu, ne’e mak to’o agora seidauk ema ida bolu Januario beik ten, so Mario Carrascalao mak sai beik ten tiha ona, maibe Sr. Januario seidauk sai beik ten,”komenta Bano.

Tamba ne’e mak hau hanoin importante teb-tebes Dili ne’e numinimu eletrisidade ne’e ita koalia besik fulan hira ona lakan 24 oras ne’e tenki lakan ona, se I la lakan loron kalan entaun buat ruma la los.

Ba kestaun ne’e veteranu Cornelio Gama “L-7” atual Prezidenti Partidu UNDERTIM hirus deputadu husi FRETILIN, tamba konsidera Primeiru Ministru Xanana Gusmão hanesan komodante istoriku ba luta indepedensia.

“Ami lakonkorda ema atu bolu Primeiru Ministru Komodante bosok ten, para povu bele sama ami nia ulun fali, ne’e ami lakonkorda, tamba komodante ne’e istoriku,”lamenta L-7.

Nia dehan, kuandu kritika PM ne’e bazeia ba Ministru Aliansa Maioria Parlamentar (AMP) nian mak bosok, koalia kona ba governu nian, maibe koalia kona-ba komodante ne’e koalia kona ba veteranu nian.

“Hau haree, FRETILIN ne’e mesak jurista deit, ita tenki hanoin senti ita nia lia fuan, wainhira ita atu kritika ema ida ita tenki hanoin uluk rihun ida,”dehan L-7.

Prezidente UNDERTIM nudar mos reprezetante povu iha Parlamentu Nasionál kateten katak, foin dadauk PNTL koalia kona-ba veteranu problema sai boot, koalia kona-ba komodante problema mosu tan.

Tamba ne’e, nia espklarese katak, Primeiru Ministru Xanana Gusmão ne’e kintu ano la’os jurista, maibe ho nia sakrifisiu luta tinan 24 tama iha kadeia nia laran mos sei koalia dehan “A Luta Kontinua Patria o Morte” maibe agora lori naran Xanana hodi halimar deit,” ami laos jurista, maibe ami respeita ami nia povu durante iha ai laran to’o ohin loron, maibe ita haree ohin loron ne’e Xanana ne’e la folin liu, tamba ne’e ami vitima nafatin,”komenta deputadu Cornelio “L-7”. jxn
.