.
Josefa Parada - Segunda, 29 Novembru 2010 - SUARA TIMOR LOROSAE
DILI- Governu presiza investe barak liu iha seitor edukasaun, atu nune’e bele hasae kualidade edukasaun no hatu’un numeru estudante Timor oan ne’ebe gosta liu kontinua estudu iha rai liur.
Maske juventude Timor oan barak mak hili eskola iha rai liur, tanba, karik kualidade eskola iha liur ne’ebe diak liu, no karik mos tanba gengsi deit, maibe ita labele taka matan deit hodi gava katak seitor edukasaun iha TL sufisiente ona. Alein de problema kurikulu ne’ebe ladauk klaru, problema seluk ne’ebe eskola sira infrenta mak falta fasilidade no kualidade husi profesores sira.
Hahu kedan husi Eskola Primaria to’o Universidade problema ne’e kontinua sai kestaun principal ne’ebe to’o ohin seidauk bele resolve. Prezidente Republika, DR. Jose Ramos Horta, iha ninia palavra iha seremonia graduasaun ba estudante Dili Institute of Technology (DIT), hatete, edukasaun sai seitor importante ba nasaun ne’e. Nia dehan, durante tinan barak nia laran governu buka resolve problema edukasaun, maske seidauk 100% diak, maibe hahu ona halo buat ruma.
Horta espera katak, iha tinan hirak oin mai kualidade edukasaun iha TL bele sai diak liu tan. Iha oportunidade ne’e PR Horta agradese mos ba graduadu sira ne’ebe simu graduasaun. PR espera katak sira implementa matenek ne’ebe sira hetan iha komunidade nia le’et.
Iha fatin hanesan, Reitor DIT Estanislau S. Saldanha, hatete, estadu TL tenki investe maka’as iha seitor edukasuan, liu-liu institusaun Ensinu Superior, laos deit estadu nian, hodi hasae kualidade, hametin kapasidade ho kompetividade nasional TL nian no hakotu ka redus dependensia ba institusaun edukativu rai liur. Nia informa, tuir dadus ne’ebe ninia parte hetan hatudu katak to’o ohin loron estudante timor oan besik rihun 6 mak ba estuda iha rai liur.
“ Kustu annual besik miliaun $10,8 ho asumsi estudante ida hasai $150 fulan ida,” argumenta Reitor DIT ne’e. Tan ne’e, nia dehan, bainhira estadu TL investe maka’as iha seitor edukasaun TL sei fo asesu ne’ebe bo’ot ba timor oan hodi hetan edukasaun ho kualidade.
Prezidente Board of Trustees, Kirsty S. Gusmao, rekoinese mos katak kualidade edukasaun TL seidauk diak. Tan ne’e, nia dehan, timor oan barak mak hili liu atu ba kontinua ninia estudu iha rai liur duke iha rai laran, maske hasai osan ne’ebe bo’ot. Maske nune’e, nia fiar ba lideransa DIT hodi neneik bele oferese oportunidade edukasuan ho kualidade no baratu ba povu Timor Leste.
Wainhira iha ona edukasaun ho kualidade no baratu, Kirsty fiar katak sei konsege redus numeru timor oan ne’ebe gosta kontinua sira nia estudu iha rai liur. Jorgino Santos
.
Josefa Parada - Segunda, 29 Novembru 2010 - SUARA TIMOR LOROSAE
DILI- Governu presiza investe barak liu iha seitor edukasaun, atu nune’e bele hasae kualidade edukasaun no hatu’un numeru estudante Timor oan ne’ebe gosta liu kontinua estudu iha rai liur.
Maske juventude Timor oan barak mak hili eskola iha rai liur, tanba, karik kualidade eskola iha liur ne’ebe diak liu, no karik mos tanba gengsi deit, maibe ita labele taka matan deit hodi gava katak seitor edukasaun iha TL sufisiente ona. Alein de problema kurikulu ne’ebe ladauk klaru, problema seluk ne’ebe eskola sira infrenta mak falta fasilidade no kualidade husi profesores sira.
Hahu kedan husi Eskola Primaria to’o Universidade problema ne’e kontinua sai kestaun principal ne’ebe to’o ohin seidauk bele resolve. Prezidente Republika, DR. Jose Ramos Horta, iha ninia palavra iha seremonia graduasaun ba estudante Dili Institute of Technology (DIT), hatete, edukasaun sai seitor importante ba nasaun ne’e. Nia dehan, durante tinan barak nia laran governu buka resolve problema edukasaun, maske seidauk 100% diak, maibe hahu ona halo buat ruma.
Horta espera katak, iha tinan hirak oin mai kualidade edukasaun iha TL bele sai diak liu tan. Iha oportunidade ne’e PR Horta agradese mos ba graduadu sira ne’ebe simu graduasaun. PR espera katak sira implementa matenek ne’ebe sira hetan iha komunidade nia le’et.
Iha fatin hanesan, Reitor DIT Estanislau S. Saldanha, hatete, estadu TL tenki investe maka’as iha seitor edukasuan, liu-liu institusaun Ensinu Superior, laos deit estadu nian, hodi hasae kualidade, hametin kapasidade ho kompetividade nasional TL nian no hakotu ka redus dependensia ba institusaun edukativu rai liur. Nia informa, tuir dadus ne’ebe ninia parte hetan hatudu katak to’o ohin loron estudante timor oan besik rihun 6 mak ba estuda iha rai liur.
“ Kustu annual besik miliaun $10,8 ho asumsi estudante ida hasai $150 fulan ida,” argumenta Reitor DIT ne’e. Tan ne’e, nia dehan, bainhira estadu TL investe maka’as iha seitor edukasaun TL sei fo asesu ne’ebe bo’ot ba timor oan hodi hetan edukasaun ho kualidade.
Prezidente Board of Trustees, Kirsty S. Gusmao, rekoinese mos katak kualidade edukasaun TL seidauk diak. Tan ne’e, nia dehan, timor oan barak mak hili liu atu ba kontinua ninia estudu iha rai liur duke iha rai laran, maske hasai osan ne’ebe bo’ot. Maske nune’e, nia fiar ba lideransa DIT hodi neneik bele oferese oportunidade edukasuan ho kualidade no baratu ba povu Timor Leste.
Wainhira iha ona edukasaun ho kualidade no baratu, Kirsty fiar katak sei konsege redus numeru timor oan ne’ebe gosta kontinua sira nia estudu iha rai liur. Jorgino Santos
.
0 comentários:
Enviar um comentário