.
Miro Nascimento - Kinta, 04 Novembru 2010 - SUARA TIMOR LOROSAE
SAME-Oras nee kondisaun estrada husi Aitutu (Sub-Distritu Maubisse) ba Same grave tebes. Dalan ninin husi leten, rai monu barak no dada-an bebeik. Iha fulan kotuk liuba, Ministerio Infstrutura (MI) haruka ona eskapator balu ba dudu no loke luan tan estrada ne’ebe ninia luan kuaze metru 6, maibe rai monu no taka nafatin estrada.
Kondisaun estrada hanesan defikulta transporte ba mai Same-Dili. MI persiza haruka tan eskalator ba dudu sai rai ten ne’ebe monu no taka metin estrada. Hanesan semana rua liuba, kada kareta atu lao liu tenke hasai osan $5.00, motorizadas $2.50, fo ba komunidade tanba sira ke’e rai ten kolen.
Problema rai monu ka dada-an tuun no taka estrada sei la hotu, sekuandu udan lapara. Udan boot bebeik, foho lolon sira nakonu ho bee, halo rai dodok no dada-an tuun ba estrada.
Semana rua liuba, fatin baral mak rai monu no dada-an tuun, taka estrada, tamba afeita husi udan boot. Tan nee, kondisaun estrada Same-Aitutu aumenta grave. Nunee Xefi Aldeia Fahiluhan, Suku Holarua, Same, Martins Nunes ba STL. “Agora nee kondisaun estrada Same-Aitutu grave tebes. Rai monu mak monu husi leten, taka metin estrada, rai husi estrada nia okos, dada-an to’o kedas estrada ninin. Ita ha’ree grave tebes. See la antisipa lalais, kondisaun grave sei aumenta bebeik, i dala ruma bele kotu total tamba afeita husi udan boot ne’ebe tuun lapara,” hateten Martins.
Komunidade Fahiluhan nain tolu, Mariano da Silva, Joao da Costa, no Mateus Amaral dehan tan, kondisaun estrada Same-Aitutu oras nee defikulta tebes transporte. Renu sira hakarak lori produtu lokal ruma ba fa’an iha Aileu no Dili, araska tanba kondisaun estrada la permiti ba transporte. “Ami espera governu bele atende kondisaun estrada Same-Aitutu. Liliu hodi fasilita distribuisaun fos MTCI ba komunidade, no sasan sembako seluk ne’ebe komunidade persiza. See la hadia, komunidade susar atu lori sembako husi Dili ba Same,” hatete Mariano da Silva.
Sobre asuntu nee, STL koko konfirma ba Administrador Distritu Manufahi Filomeno Tilman ne’ebe marka prezensa iha Edifisiu Ministerio Estatal, Dili, Kinta (21/10), maibe nia lakohi komenta. Nia dehan deit, “Hau sei halao hela servisu barak, i hau mos seidauk konfirma ba Ministeriu Insfrastrutura,” dehan Tilman. gus
.
Miro Nascimento - Kinta, 04 Novembru 2010 - SUARA TIMOR LOROSAE
SAME-Oras nee kondisaun estrada husi Aitutu (Sub-Distritu Maubisse) ba Same grave tebes. Dalan ninin husi leten, rai monu barak no dada-an bebeik. Iha fulan kotuk liuba, Ministerio Infstrutura (MI) haruka ona eskapator balu ba dudu no loke luan tan estrada ne’ebe ninia luan kuaze metru 6, maibe rai monu no taka nafatin estrada.
Kondisaun estrada hanesan defikulta transporte ba mai Same-Dili. MI persiza haruka tan eskalator ba dudu sai rai ten ne’ebe monu no taka metin estrada. Hanesan semana rua liuba, kada kareta atu lao liu tenke hasai osan $5.00, motorizadas $2.50, fo ba komunidade tanba sira ke’e rai ten kolen.
Problema rai monu ka dada-an tuun no taka estrada sei la hotu, sekuandu udan lapara. Udan boot bebeik, foho lolon sira nakonu ho bee, halo rai dodok no dada-an tuun ba estrada.
Semana rua liuba, fatin baral mak rai monu no dada-an tuun, taka estrada, tamba afeita husi udan boot. Tan nee, kondisaun estrada Same-Aitutu aumenta grave. Nunee Xefi Aldeia Fahiluhan, Suku Holarua, Same, Martins Nunes ba STL. “Agora nee kondisaun estrada Same-Aitutu grave tebes. Rai monu mak monu husi leten, taka metin estrada, rai husi estrada nia okos, dada-an to’o kedas estrada ninin. Ita ha’ree grave tebes. See la antisipa lalais, kondisaun grave sei aumenta bebeik, i dala ruma bele kotu total tamba afeita husi udan boot ne’ebe tuun lapara,” hateten Martins.
Komunidade Fahiluhan nain tolu, Mariano da Silva, Joao da Costa, no Mateus Amaral dehan tan, kondisaun estrada Same-Aitutu oras nee defikulta tebes transporte. Renu sira hakarak lori produtu lokal ruma ba fa’an iha Aileu no Dili, araska tanba kondisaun estrada la permiti ba transporte. “Ami espera governu bele atende kondisaun estrada Same-Aitutu. Liliu hodi fasilita distribuisaun fos MTCI ba komunidade, no sasan sembako seluk ne’ebe komunidade persiza. See la hadia, komunidade susar atu lori sembako husi Dili ba Same,” hatete Mariano da Silva.
Sobre asuntu nee, STL koko konfirma ba Administrador Distritu Manufahi Filomeno Tilman ne’ebe marka prezensa iha Edifisiu Ministerio Estatal, Dili, Kinta (21/10), maibe nia lakohi komenta. Nia dehan deit, “Hau sei halao hela servisu barak, i hau mos seidauk konfirma ba Ministeriu Insfrastrutura,” dehan Tilman. gus
.
0 comentários:
Enviar um comentário