.
Josefa Parada - Tersa, 09 Novembru 2010 - SUARA TIMOR LOROSAE
DILI- Prezidente Republika, Jose Ramos Horta, la preokupa maske governu Aliansa Maioria Parlamentar (AMP) tarde hatama proposta Orsamentu Jeral Estadu (OJE) 2011 ba Parlamentu Nasional.
Tuir kalendariu orsamental lei jestaun finanseira estadu (antes halo alterasaun), normalmente Governu tenki aprezenta ona Proposta OJE ba PN iha loron 15 Outubru foin lalais ne’e no hahu debate iha Fulan Dezembru tinan ida ne’e.
Maibe, tanba pedidu PM Xanana Gusmao, PN tenki pasensia hodi hein fulan ida hodi altera lei jestaun finanseira artigu 31. Tuir planu, governu sei hatama proposta OJE 2011 ba PN iha loron 15 Novembru 2011 no PN sei hahu diskuti no aprova iha fulan Janeiru 2011.
Prezidente PN, Fernando Lasama de Araujo, hafoin inkontru ho PR Horta, informa katak, maske governu tarde hatama proposta OJE 2011, maibe PR Horta la preokupa ho ida ne’e.
“ Prezidente la preokupa ho ida ne’e (governu tarde hatama proposta OJE),” informa nia ba jornalista sira iha PN, Tersa, (09/11).
Nia dehan, iha inkontru ho PR Horta ne’e, ninia parte informa konaba diskusaun ba proposta OJE ne’ebe sei halao iha Janeiru 2011. Alen de ne’e, Lasama dehan, ninia parte mos informa konaba lei hirak ne’ebe PN sei diskuti.
Deputadu husi bankada ASDT, Francisco de Araujo, dehan la iha problema ida wainhira governu la hatama proposta OJE tuir kalendariu orsamental ho razaun ne’ebe forti. Nia dehan, iha fulan kotuk PM Xanana liu husi karta despaisu ba PN husu atu adia aprezentasaun proposta OJE 2011 ba 15 Novembru 2010 tanba ejekusaun OJE 2010 seidauk atinzi 50%.
“ Ida ne’e normal, la kontra lei ruma. Hau senti Prezidente Horta mos komprende ida ne’e,” dehan deputadu ne’e.
Deputadu Mateus de Jesus afirma mos katak, la iha problema ida wainhira governu adia hatama proposta OJE to’o fulan ida tanba ejekusaun OJE tinan kotuk seidauk ejekuta to’o 50%. Jorgino Santos
.
Josefa Parada - Tersa, 09 Novembru 2010 - SUARA TIMOR LOROSAE
DILI- Prezidente Republika, Jose Ramos Horta, la preokupa maske governu Aliansa Maioria Parlamentar (AMP) tarde hatama proposta Orsamentu Jeral Estadu (OJE) 2011 ba Parlamentu Nasional.
Tuir kalendariu orsamental lei jestaun finanseira estadu (antes halo alterasaun), normalmente Governu tenki aprezenta ona Proposta OJE ba PN iha loron 15 Outubru foin lalais ne’e no hahu debate iha Fulan Dezembru tinan ida ne’e.
Maibe, tanba pedidu PM Xanana Gusmao, PN tenki pasensia hodi hein fulan ida hodi altera lei jestaun finanseira artigu 31. Tuir planu, governu sei hatama proposta OJE 2011 ba PN iha loron 15 Novembru 2011 no PN sei hahu diskuti no aprova iha fulan Janeiru 2011.
Prezidente PN, Fernando Lasama de Araujo, hafoin inkontru ho PR Horta, informa katak, maske governu tarde hatama proposta OJE 2011, maibe PR Horta la preokupa ho ida ne’e.
“ Prezidente la preokupa ho ida ne’e (governu tarde hatama proposta OJE),” informa nia ba jornalista sira iha PN, Tersa, (09/11).
Nia dehan, iha inkontru ho PR Horta ne’e, ninia parte informa konaba diskusaun ba proposta OJE ne’ebe sei halao iha Janeiru 2011. Alen de ne’e, Lasama dehan, ninia parte mos informa konaba lei hirak ne’ebe PN sei diskuti.
Deputadu husi bankada ASDT, Francisco de Araujo, dehan la iha problema ida wainhira governu la hatama proposta OJE tuir kalendariu orsamental ho razaun ne’ebe forti. Nia dehan, iha fulan kotuk PM Xanana liu husi karta despaisu ba PN husu atu adia aprezentasaun proposta OJE 2011 ba 15 Novembru 2010 tanba ejekusaun OJE 2010 seidauk atinzi 50%.
“ Ida ne’e normal, la kontra lei ruma. Hau senti Prezidente Horta mos komprende ida ne’e,” dehan deputadu ne’e.
Deputadu Mateus de Jesus afirma mos katak, la iha problema ida wainhira governu adia hatama proposta OJE to’o fulan ida tanba ejekusaun OJE tinan kotuk seidauk ejekuta to’o 50%. Jorgino Santos
.
0 comentários:
Enviar um comentário