.
Jornal Nacional Diário - Kinta 18 Novembru 2010
FRETILIN Hametin Nia Estrutura Baze
Liquisa-Atu hametin estrutura Partidu iha baze, Partidu FRETILIN kontinua halao konsilidasaun partidu iha distritu Liquiça.
Konsolidasaun partidu iha distritu ne’e Prezidente Partidu Francisco Guterres “Lu-olo” halo sorumutu ho kuadrus FRETILIN nian husi Sub Distritu Bazartete, Maubara no Liquica iha sede Distritu Liquica Domingo (14/11) no konta ho partisipasaun husi lideransa partidu FRETILIN nia hanesan; Sekretariu Jeral Dr. Marí Alkatiri, José dos Reis, Sekretariu Jeral Adjuntu Madalena Boavida Prezidente Komisaun nasional Fiskalizasaun no Aniceto Guterres Xefe Bancada FRETILIN .
Durante enkontru ne’e partidu FRETILIN koalia konaba kartaun identidade ema ida-idak nian nuudar militantes partidu.
Prezidente Partidu FRETILIN, Francisco Guterres “Lu-Olo” hateten katak, nudar militantes tenki iha identidade ida ke klaru iha nia partidu rasik.
“Se ita iha identidade maka liu husi kartaun ita nia hodi marka ita nudar militante FRETILIN nian, hodi atribui ka fo dever/obrigasaun no fo dereitus ba ita tomak nia estrutura FRETILIN laran, tamba oras ne’e dadauk iha Timor Leste, ema balun susar teb-tebes atu hetan identidade iha nia moris rasik,”dehan Lu-olo.
Nu’udar Prezidente partidu FRETILIN, husu ba kuadrus no militantes sira atu neon nain matan moris hodi nune’e labele monu ba isusu ka propaganda politika, hodi nune’e bele fo kontribui ba paz no estabilidade iha rai doben ida ne’e.
IHA OKAJIAUN NE’E, Sekretariu Jeral Partidu FRETILIN Dr. Marí Alkatiri esplika,”ita hotu kuandu moris, ita la husu para atu moris mai, signifika ita nia inan no aman maka hakarak ita moris, maibe nu’udar sidadaun, estadu maka obriga ita liu husi lei atu ita hetan kartaun identidade, ne’e obrigasaun ita nian hanesan sidadaun ida ita tenki rejista-an, maibe sai militante ne’e ita nia vontade rasik, laiha ema ida mak obriga ita, laiha ema ida mak obriga ita sai militante, ne’e ita nia vontade rasik, signifika katak kuandu ita atu sai militante ba partidu ida tamba ita identifika ita nian ideariu, ninia prinsipiu no ninia filosofia, ita identifika ita nia an ho partidu ne’e nia istoria no nia kultura politika rasik, kuandu ita atu tama partidu ita tenki hetan identidade rasik,”dehan Sekjen ne’e.
Aktividade ida ne’e halo ho objetivu atu hametin fiar hodi fo informasaun ba kuadru no militantes FRETILIN nian iha Distritu Liquiça atu labele monu ba tentativas informasaun falsu ne’ebe maka atu hamonu Partidu FRETILIN, liu husi vizita ida ne’e mos lideransa FRETILIN halo lansamentu karatun militante ba militantes iha distritu liquiça. Iha rejiaun III.*/sta
.
Jornal Nacional Diário - Kinta 18 Novembru 2010
FRETILIN Hametin Nia Estrutura Baze
Liquisa-Atu hametin estrutura Partidu iha baze, Partidu FRETILIN kontinua halao konsilidasaun partidu iha distritu Liquiça.
Konsolidasaun partidu iha distritu ne’e Prezidente Partidu Francisco Guterres “Lu-olo” halo sorumutu ho kuadrus FRETILIN nian husi Sub Distritu Bazartete, Maubara no Liquica iha sede Distritu Liquica Domingo (14/11) no konta ho partisipasaun husi lideransa partidu FRETILIN nia hanesan; Sekretariu Jeral Dr. Marí Alkatiri, José dos Reis, Sekretariu Jeral Adjuntu Madalena Boavida Prezidente Komisaun nasional Fiskalizasaun no Aniceto Guterres Xefe Bancada FRETILIN .
Durante enkontru ne’e partidu FRETILIN koalia konaba kartaun identidade ema ida-idak nian nuudar militantes partidu.
Prezidente Partidu FRETILIN, Francisco Guterres “Lu-Olo” hateten katak, nudar militantes tenki iha identidade ida ke klaru iha nia partidu rasik.
“Se ita iha identidade maka liu husi kartaun ita nia hodi marka ita nudar militante FRETILIN nian, hodi atribui ka fo dever/obrigasaun no fo dereitus ba ita tomak nia estrutura FRETILIN laran, tamba oras ne’e dadauk iha Timor Leste, ema balun susar teb-tebes atu hetan identidade iha nia moris rasik,”dehan Lu-olo.
Nu’udar Prezidente partidu FRETILIN, husu ba kuadrus no militantes sira atu neon nain matan moris hodi nune’e labele monu ba isusu ka propaganda politika, hodi nune’e bele fo kontribui ba paz no estabilidade iha rai doben ida ne’e.
IHA OKAJIAUN NE’E, Sekretariu Jeral Partidu FRETILIN Dr. Marí Alkatiri esplika,”ita hotu kuandu moris, ita la husu para atu moris mai, signifika ita nia inan no aman maka hakarak ita moris, maibe nu’udar sidadaun, estadu maka obriga ita liu husi lei atu ita hetan kartaun identidade, ne’e obrigasaun ita nian hanesan sidadaun ida ita tenki rejista-an, maibe sai militante ne’e ita nia vontade rasik, laiha ema ida mak obriga ita, laiha ema ida mak obriga ita sai militante, ne’e ita nia vontade rasik, signifika katak kuandu ita atu sai militante ba partidu ida tamba ita identifika ita nian ideariu, ninia prinsipiu no ninia filosofia, ita identifika ita nia an ho partidu ne’e nia istoria no nia kultura politika rasik, kuandu ita atu tama partidu ita tenki hetan identidade rasik,”dehan Sekjen ne’e.
Aktividade ida ne’e halo ho objetivu atu hametin fiar hodi fo informasaun ba kuadru no militantes FRETILIN nian iha Distritu Liquiça atu labele monu ba tentativas informasaun falsu ne’ebe maka atu hamonu Partidu FRETILIN, liu husi vizita ida ne’e mos lideransa FRETILIN halo lansamentu karatun militante ba militantes iha distritu liquiça. Iha rejiaun III.*/sta
.
0 comentários:
Enviar um comentário