Xavier do Amaral
Josefa Parada - Segunda, 29 Novembru 2010 - SUARA TIMOR LOROSAE
DILI - Estadu Timor Leste Domingu (28/11) selebra ona festa independensia Timor Leste ba dala 35 (28 Novembru 1975- 28 Novembru 2010) nebe hetan partisipasaun maksimu husi populasaun Dili.
Populasaun hahu husi, ferik, katuas, estudantes, joventudi feto no mane, maske sira hamrik deit iha estrada ninin Palasiu Governu oin, ho kondisaun rai manas hateke ba serimonia laran hodi hatudu sira kontribuisaun.
Iha selebrasuan tinan ida ne’e, seromonia hasae badeira hahu oras tuku 10:00 daderasaun akompanha husi parade militar nebe lidera husi Major F- FDTL, Jino das Neves, partisipa husi Komponente, F- FDTL, PNTL, COE, BOP, UPF, Bombeiros Profesional, Siguransa Sivil, Moradores, Veteranus, Esudantes UNTL, UNPAZ, UNDIL, IOB, UNITAL, akompanha husi Dram Band husi EskolaCanosa, Sao Jose no Sao Pedro.
Antes seromonia hasae bandeira hahu, Prezidente Republika Dr. Jose Ramos Horta halao uluk pasarefista ba formatura parade militar.
Serimonia hasae bandeira akompanha husi muzika inu nasional RDTL no muzika sincu (5) minutu de silensio hananu husi grupu Eskola Sao Jose Balidi Dili.
Iha serimonia ne’e Primeiru Prezidente Republika 1975, Fransisco Xavier do Amaral mos le hikas testu proklasaun independensia 1975.
Textu proklamasaun independensia 1975 Prokalamador Independensia, Fransisco Xavier le’e hodi fo lembra hikas ba Timor oan tomak konaba festa 28 Novembru 1975 nebe maka Comite Central Fretilin (CCF) restaura nudar histori ba TL.
Serimonia ne’e halao hetan partisipsaun maksimu husi membru governu, Parlamentu Nasional, Bispo Dioseze Dili, Dom Alberto Ricardo da Silva, lider partidu politikus, korpus diplamatikus, no konvidadus internasional Tenente Jeneral GNR, Nelson do Santos no seluk tan. Eugenio Pereira
.
0 comentários:
Enviar um comentário