.
Josefa Parada - Kuarta, 10 Novembru 2010 - SUARA TIMOR LOROSAE
DILI- Prezidente Parlamentu Nasional (PN), Fernando Lasama de Araujo husu ba institusaun F-FDTL ho PNTL atu labele arogante no reforsa linha koordenasaun.
Lasama dehan, importante tebes ba institusaun F-FDTL ho PNTL atu kria linha koordenasaun hodi atua problema ruma ne’ebe mosu iha terenu. Tanba, nia hatutan, wainhira la iha linha koordenasaun sei hamosu dezintendementu no kria problema ruma ne’ebe bele afeita maka’as ba situasaun seguransa iha TL.
“Labele hanoin katak (institusaun) ida ne’e hau nian, ida ne’ebe ninian. Importante oinsa atu koordena malu hodi halao servisu diak liu tan,” hatete nia durante diskusaun iha Programa Kursu Pilotu Defeza-Seguransa, Kuarta, (10/11), iha Palacio Prezidente-Dili.
Prezidente PN ne’e, hatutan, ida ne’e la signifika katak institusaun rua ne’e atu interven malu, maibe presiza iha maturidade hodi implementa lei no regulamentu ne’ebe iha. Lasama husu mos ba membru F-FDTL ho PNTL atu tenki iha disiplina no respeita sira nia superior.
Alien de kestaun ne’e, Lasama koalia mos konaba ema sivil sira ne’ebe uza atributu military. Nia lembra katak, Komandante Jeral PNTL hasai ona despaisu ida hodi bandu ema sivil tau atributu military, maibe to’o ohin loron seidauk iha rezultadu. “Ami sei hare kestaun ne’e iha Parlamentu Nasional,” nia promete.
Iha fatin hanesan, reprezentante OPMT, Maria Jose da Costa, husu ba insitusaun kompetenti atu tau-matan maka’as ba ema illegal ne’ebe tama mai TL. Tanba, ema hirak ne’e bele fo ameasa, tantu hadau oportunidade servisu timor oan no bele fo mos ameasa ba seguransa iha rai laran.
Membru F-FDTL, Constantinho Manuel Ximenes dehan durante ne’e problema balun mosu entre joventude sira tanba falta kampu servisu. Tan ne’e, nia husu ba komponente estadu tomak atu oinsa bele buka meius diak ida hodi resolve lalais problema ne’e. Jorgino Santos.
Josefa Parada - Kuarta, 10 Novembru 2010 - SUARA TIMOR LOROSAE
DILI- Prezidente Parlamentu Nasional (PN), Fernando Lasama de Araujo husu ba institusaun F-FDTL ho PNTL atu labele arogante no reforsa linha koordenasaun.
Lasama dehan, importante tebes ba institusaun F-FDTL ho PNTL atu kria linha koordenasaun hodi atua problema ruma ne’ebe mosu iha terenu. Tanba, nia hatutan, wainhira la iha linha koordenasaun sei hamosu dezintendementu no kria problema ruma ne’ebe bele afeita maka’as ba situasaun seguransa iha TL.
“Labele hanoin katak (institusaun) ida ne’e hau nian, ida ne’ebe ninian. Importante oinsa atu koordena malu hodi halao servisu diak liu tan,” hatete nia durante diskusaun iha Programa Kursu Pilotu Defeza-Seguransa, Kuarta, (10/11), iha Palacio Prezidente-Dili.
Prezidente PN ne’e, hatutan, ida ne’e la signifika katak institusaun rua ne’e atu interven malu, maibe presiza iha maturidade hodi implementa lei no regulamentu ne’ebe iha. Lasama husu mos ba membru F-FDTL ho PNTL atu tenki iha disiplina no respeita sira nia superior.
Alien de kestaun ne’e, Lasama koalia mos konaba ema sivil sira ne’ebe uza atributu military. Nia lembra katak, Komandante Jeral PNTL hasai ona despaisu ida hodi bandu ema sivil tau atributu military, maibe to’o ohin loron seidauk iha rezultadu. “Ami sei hare kestaun ne’e iha Parlamentu Nasional,” nia promete.
Iha fatin hanesan, reprezentante OPMT, Maria Jose da Costa, husu ba insitusaun kompetenti atu tau-matan maka’as ba ema illegal ne’ebe tama mai TL. Tanba, ema hirak ne’e bele fo ameasa, tantu hadau oportunidade servisu timor oan no bele fo mos ameasa ba seguransa iha rai laran.
Membru F-FDTL, Constantinho Manuel Ximenes dehan durante ne’e problema balun mosu entre joventude sira tanba falta kampu servisu. Tan ne’e, nia husu ba komponente estadu tomak atu oinsa bele buka meius diak ida hodi resolve lalais problema ne’e. Jorgino Santos.
.
0 comentários:
Enviar um comentário