Bombeirus: Ami Nia Servisu La’os Atu Hamos Tahu Iha Palasio Prezidente

.

Foto, CJITL

Written by Sonia Ferreira & Filomena Gonsalves /CJITL Internship - Monday, 29 November 2010

CJITL Flash, Xefe Limpeza Bombeiros, Bruno da Costa hateten servisu hamos tahu ne’e laos bombeiros nia Servisu Maibe servisu ida ne’e SAS nian, tanba sa mak SAS distritu Dili la mai hamos tahu ne’e.

Nia hatutan katak tuir informasaun hamos tahu ne’e ekipa rua, Ekipa ida husi Bombeirus no Ekipa ida husi SAS, maibe realidade katak SAS la marka prezensa iha Limpeza ne’e.

“Ami mak lori kareta boot tula be mai hodi fase tahu sira nakonu iha ne’e” dehan Bruno segunda 29 de Novembru iha Palasio Prezidente Aitarak lran.

Bruno husu ba SAS Distrito Dili nian tau matan ba Sidade Dili, para hodi hare bairo-bairo atu nune’e komunidade sira labele soe foer arbiru deit, tanba ne’e wainhira udan bo’ot karik labele iha tan foer sira nebe mak intupidu iha baleta kuak hodi halo fali banjir iha Kapital Dili.

Se kuandu Bombeiros mak servisu iha parte Saniamento nian ami mos sei kontrola baleta kuak sira loron-loron atu nune’e labele iha tan inundasaun iha Kapital.

Bombeiros nia nia serviso atu atende deit bainhira iha ahi han uma iha fatin ruma, tenke to lalais para bele hamate ahi, la’os atu hamos fali tahu hanesan ne’e.

Iha parte seluk, Carlos Pirez nudar seguransa Sivil iha Palasio Prezidente ne’be mak lor-loron akompanha saida deit mak akontese iha iha Palasio Prezidente.

Durante ne’e udan hela deit maibe nunka akontese hanesan ne’e foin mak primeira vez akontese udan bo’ot no lori foer no tahu ba Palasio ne’e.

Nia mos husu ba SAS labele dasa foer liu deit maibe tenke kontrola mos foer sira iha baleta kuak ne’e tanba komunidade sira soe foer arbiru deit.(Sonia Ferreira & Filomena Gonsalves/CJITL Internship)
.