.
TVTL, Kinta kalan 04 Novembru 2010
Tim Kobertura TVTL
Uatukarbau-Bispu Dioseze Baucau Don Bajilio do Nascimento halão vizita Pastoral durante loron 3 iha estasaun Nosa Senhora de FatimaUatu-carbau Parokia Uatulari, distritu Viqueque.
Vizita Pastoral Don Bazilio do Nascimentu estasaun Nosa Senhora de Fatima Uatu-carbau hodi fo Sakramentu Krisma hamutuk atus rua resin, Vizita Pastoral ne’e sarane sira ho laran haksolok simu Amu Bispu uza kustumi tradisaun rai eneba nian.
Hafoin kontinua ho misa krisma hodi fo sakramentu Krisma.
Komentariu Bispo Don Basilio
Iha tempo ne’ebé ita hetan liberdadi, iha tempo ne’ebé osan khumesa barak iha ita nia rain, ohin kuandu hau mai iha ne’e hau hakfodak tamba husi Uatu-lari mai Uatu-carbau uluk ita senti tama kuak ida ba kuak seluk, hikus mai ita bo’ot sira nia luron ne’e alkatraun seidauk kaer Estrada maibe, rai mutin halo buat ne’e tetuk lo’os.
Buat ne’ebé osan ne’e buat kapa’as, tamba ita presija, maibé kuandu osan barak demais; halo mos ita haluan tiha oituan ita ninia konsensia, haluan oituan ita nia moral, haluan oituan ita nian fiar no buat hirak ne’e hotu, ne’ebé ohin loraik ne’e mane maluk sarani Uatu-Carbau sira, hau hanesan “Bibi atan” hanesan Pastor, mai iha ita bo’ot sira nia oin, la’os atu habo’ot imi nia fiar, la’os hatu hametin imi nia fiar maibe atu fo hanoin no “Sadik” mos ita bo’ot sira hanesan ohin loron hare fila fali ba situasaun, ita nia moris mak nune’e.
Tim Kobertura TVTL
Don Basilio mos fo hanoin ba sarani sira karak; ohin loron tempu Indepedensia no Liberdadi moris iha vida fasil nia laran, maibe tempu ne’e mos lori dezafiu no tentasaun oin-oin iha ita nia moris nudar sarani.
Komentariu Don Basilio
Vida fasil ne’e lori mos tentasaun barak hanesan; loko an nian, karakten nian, sala foer nian, hirus ten nian, lanu ten nian, baruk ten nian, buat hirak ne’e hotu mai kuandu vida fasil ne’e mosu buat hirak ne’e mai hotu.
Foin dadauk ne’e Dr. Alkatiri halimar oituan dehan katak Amu; horas ne’e “familia balun ne’ebé hanesan ita la hatene oin sa, maibe derepenti deit hetan kareta 4 e kareta 5.
Hola feto mos hanesan katak; uluk ne’e feto ida deit maibe agora ne’e “feto ki’ik, feto bo’ot, feto klaran” buat sira ne’e hotu, iha fatin ne’ebé-ne’ebé deit kuandu osan khumesa barak ona, moral mos la forti, la’os osan mak makaas maluk sira? Osan ne’e ita hotu presija hodi moris, “Ulun mak tenki hatene saida mak Ukun an lolos?
Ulun mak tenki hatene folin ba ita nia an, hodi hatene katak; biar hau bele halo buat sira ne’e, hanesan ema hotu-hotu, maibe hau nia obrigasaun hanesan sarani nian, buat ne’ebé sai tuir ita nain Jesus Kristu nia naroman, tuir ita nain Jesusu Kristu nia hanorin ne’e; hau bele hakat deit ida ne’e.
Tim Kobertura TVTL
Seremonia eukaristia ne’e halaó iha estasaun Nosa Senhora de Fatima Uatu-Carbau, Parokia Uatulari ne’ebé partisipa husi autoridadi lokais inklui sarani sira. Tim kobertura TVTL
.
TVTL, Kinta kalan 04 Novembru 2010
Tim Kobertura TVTL
Uatukarbau-Bispu Dioseze Baucau Don Bajilio do Nascimento halão vizita Pastoral durante loron 3 iha estasaun Nosa Senhora de FatimaUatu-carbau Parokia Uatulari, distritu Viqueque.
Vizita Pastoral Don Bazilio do Nascimentu estasaun Nosa Senhora de Fatima Uatu-carbau hodi fo Sakramentu Krisma hamutuk atus rua resin, Vizita Pastoral ne’e sarane sira ho laran haksolok simu Amu Bispu uza kustumi tradisaun rai eneba nian.
Hafoin kontinua ho misa krisma hodi fo sakramentu Krisma.
Komentariu Bispo Don Basilio
Iha tempo ne’ebé ita hetan liberdadi, iha tempo ne’ebé osan khumesa barak iha ita nia rain, ohin kuandu hau mai iha ne’e hau hakfodak tamba husi Uatu-lari mai Uatu-carbau uluk ita senti tama kuak ida ba kuak seluk, hikus mai ita bo’ot sira nia luron ne’e alkatraun seidauk kaer Estrada maibe, rai mutin halo buat ne’e tetuk lo’os.
Buat ne’ebé osan ne’e buat kapa’as, tamba ita presija, maibé kuandu osan barak demais; halo mos ita haluan tiha oituan ita ninia konsensia, haluan oituan ita nia moral, haluan oituan ita nian fiar no buat hirak ne’e hotu, ne’ebé ohin loraik ne’e mane maluk sarani Uatu-Carbau sira, hau hanesan “Bibi atan” hanesan Pastor, mai iha ita bo’ot sira nia oin, la’os atu habo’ot imi nia fiar, la’os hatu hametin imi nia fiar maibe atu fo hanoin no “Sadik” mos ita bo’ot sira hanesan ohin loron hare fila fali ba situasaun, ita nia moris mak nune’e.
Tim Kobertura TVTL
Don Basilio mos fo hanoin ba sarani sira karak; ohin loron tempu Indepedensia no Liberdadi moris iha vida fasil nia laran, maibe tempu ne’e mos lori dezafiu no tentasaun oin-oin iha ita nia moris nudar sarani.
Komentariu Don Basilio
Vida fasil ne’e lori mos tentasaun barak hanesan; loko an nian, karakten nian, sala foer nian, hirus ten nian, lanu ten nian, baruk ten nian, buat hirak ne’e hotu mai kuandu vida fasil ne’e mosu buat hirak ne’e mai hotu.
Foin dadauk ne’e Dr. Alkatiri halimar oituan dehan katak Amu; horas ne’e “familia balun ne’ebé hanesan ita la hatene oin sa, maibe derepenti deit hetan kareta 4 e kareta 5.
Hola feto mos hanesan katak; uluk ne’e feto ida deit maibe agora ne’e “feto ki’ik, feto bo’ot, feto klaran” buat sira ne’e hotu, iha fatin ne’ebé-ne’ebé deit kuandu osan khumesa barak ona, moral mos la forti, la’os osan mak makaas maluk sira? Osan ne’e ita hotu presija hodi moris, “Ulun mak tenki hatene saida mak Ukun an lolos?
Ulun mak tenki hatene folin ba ita nia an, hodi hatene katak; biar hau bele halo buat sira ne’e, hanesan ema hotu-hotu, maibe hau nia obrigasaun hanesan sarani nian, buat ne’ebé sai tuir ita nain Jesus Kristu nia naroman, tuir ita nain Jesusu Kristu nia hanorin ne’e; hau bele hakat deit ida ne’e.
Tim Kobertura TVTL
Seremonia eukaristia ne’e halaó iha estasaun Nosa Senhora de Fatima Uatu-Carbau, Parokia Uatulari ne’ebé partisipa husi autoridadi lokais inklui sarani sira. Tim kobertura TVTL
.
0 comentários:
Enviar um comentário