BANO:MARIANO SABINO FAHE DEIT TRAKTOR BA MILITANTES PD

.

Arsénio Bano

Written by Pedro Delfim/CJITL - Tuesday, 16 November 2010

CJITL Flash, Partidu Fretilin liu husi Vice Prezidente Arsenio Bano Akuza Mariano Sabino, Ministru Agrikultura no Peskas – PD fahe deit traktor ba militantes Partidu Demokratiku – PD.

Tuir Arsenio Paixao Bano katak ema ne’ebe mak simu traktor maioria husi PD.“Ema ne’ebe mak simu traktor ne’e maioria mai husi partidu PD hotu deit” dehan Bano iha uma fukun Parlamentu Nasional Terca feira (15/11).

Nia mos husu Prezidente PD atu toma atensaun ba militantes sira neeebe distribui traktor hodi hare ba partidu nia.

“Traktor ne’e laos partidu nia maibe ne’e estadu nia ne’ebe atu fo ba povu tomak iha timor laran tomak laos atu fo fali ba militantes partidu nia”dehan Nia

Nia imforma katak iha Distritu Oecuse ema ne’ebe hakarak atu hetan traktor tenki hatama osan, depois foin bele hetan traktor.

“Povu ne’ebe hakarak atu hetan traktor tenki hatama osan ou animal sira ba iha ema ida mak foin bele hetan traktor, maibe ema ne’e rasik laos funsionariu husi Ministerio ne’e.

Iha parte seluk Prezidente Partidu Democraticu atual Prezidente Parlamentu Nasional, Fernando Lasama hateten katak militantes partidu PD mak involve iha kazu ne'e nia rasik sei hasai husi partidu ne’e.

“Hau husu ba militantes Partidu Demokratika ne’ebe fahe traktor lalika fahe deit ba militantes PD tanba traktor ne’e Povu tomak nian”hateten Lasama(Pedro Delifm/CJITL)
.