.
Wednesday, October 6th, 2010 - TimorExpose
Dili-Prezidente komisaun C Manuel Tilman hateten sistema finanseiru Timór-Leste oras ne’e moras todan ka grave teb-tebes relasiona ho emprezariu Timór-oan nebé deve iha Banku Mandiri no Banku Nasional Ultramarinu (BNU) durante implementasaun projetu pakote Referendum nian laran no pakote Projetu Dezenvolvimentu Dezentralizadu (PDD).
“situasaun finanseiru iha Timor-leste oras grave teb-tebes tamba Governu hatama osan Miloens ba Miloens iha sistema finanseiru Timór-este nian maibe emprezariu iha TL nian ho sistema finanseiru maka at liu halo ema komunidade Internasional la fiar ita”. Tilman haktuir
Tuir nia razaun katak kestaun ne’e halo investores estrangeiru sei la mai iha TL kuandu ema dehan iha Timór la kumpri sira nia obrigasaun no sei hamate investimentu iha rai laran hatutan deputadu ne’e iha kuarta feira (06/10) hafoin hala’o Audensia Públika Komisaun C ho Banku Mandiri no Banku Nasional Ultramarinu kona ba Dividas iha Salaun Konferensia Pralammentu Nasional.
Tuir Tilman konkluzaun devidas nebé at liu ita hetan husi banku rua ne’e maka hanesan Banku Mandiri Milaun Nen pontu Rua Dolares Amerikanu (Milaun 6.2 ) no BNU nian liu husi Milaun Hat Nulu Resin Rua to’o Hat Nulu Resin Hitu Dolares Amerikanu (Milaun 42-47) osan nebe maka ita deve hela.
“Ezemplu hanesan importador Fos MTCI ba foti osan iha banku BNU maibe seidauk selu to’o agora ne’e realidade ida nebé seitor privadu iha Timór naran ladun diak,ita dehan katak setor privadu hanesan parseiru governu nian maibe seitor nebé atu hakoi fali sistema finanseiru iha Timór”, haktuir Tilman.
Tilman Hatutan Komisaun C sei halo relatoriu ba Governu no sei koalia mós ho Cámara Comersiu Industria –Timor Leste CCI-TL atu hadia fali sistema ne’e maibe la’os emprezariu hotu-hotu nomos koalia ho Ministeriu Finansas atu buka dalan hodi resolve
“Komisaun C iha poder atu halo rekomendasaun ba Governu no relatoriu ba orsamentu foun 2011 ne’e para PM Xanana Gusmão rasik sei halo esforsu hamutuk ho Ministeriu Finansa para kresimentu ekonomiku 12.8 % ne’e tenke tradus ho didiak atu iha fali konfiansa internasional ba ita nia sistema finanseiru para labele ho fali ho pursentu Nen Nulu ne’e hafoer emprezariu Timor nia naran iha mundu tomak”Tilman kestiona.
Ami sei defende seitor privadu atu hadia fali sira nia naran maibe rekomenda ba PM Xanana Gusmão katak lista metan ida nebe emprezariu sira nebé la selu ne’e tenke hamenus.
Partisipa iha Audensia ne’e prezidente Komisaun C ho nia membru sira.diretur Geral Banku Nasional Ultramarinu Fernando Torrão Alves ho ninia Adjuntu inklui mos Manager Banku Mandiri Muhhamad Yin.(*TE)*Celes
.
Wednesday, October 6th, 2010 - TimorExpose
Dili-Prezidente komisaun C Manuel Tilman hateten sistema finanseiru Timór-Leste oras ne’e moras todan ka grave teb-tebes relasiona ho emprezariu Timór-oan nebé deve iha Banku Mandiri no Banku Nasional Ultramarinu (BNU) durante implementasaun projetu pakote Referendum nian laran no pakote Projetu Dezenvolvimentu Dezentralizadu (PDD).
“situasaun finanseiru iha Timor-leste oras grave teb-tebes tamba Governu hatama osan Miloens ba Miloens iha sistema finanseiru Timór-este nian maibe emprezariu iha TL nian ho sistema finanseiru maka at liu halo ema komunidade Internasional la fiar ita”. Tilman haktuir
Tuir nia razaun katak kestaun ne’e halo investores estrangeiru sei la mai iha TL kuandu ema dehan iha Timór la kumpri sira nia obrigasaun no sei hamate investimentu iha rai laran hatutan deputadu ne’e iha kuarta feira (06/10) hafoin hala’o Audensia Públika Komisaun C ho Banku Mandiri no Banku Nasional Ultramarinu kona ba Dividas iha Salaun Konferensia Pralammentu Nasional.
Tuir Tilman konkluzaun devidas nebé at liu ita hetan husi banku rua ne’e maka hanesan Banku Mandiri Milaun Nen pontu Rua Dolares Amerikanu (Milaun 6.2 ) no BNU nian liu husi Milaun Hat Nulu Resin Rua to’o Hat Nulu Resin Hitu Dolares Amerikanu (Milaun 42-47) osan nebe maka ita deve hela.
“Ezemplu hanesan importador Fos MTCI ba foti osan iha banku BNU maibe seidauk selu to’o agora ne’e realidade ida nebé seitor privadu iha Timór naran ladun diak,ita dehan katak setor privadu hanesan parseiru governu nian maibe seitor nebé atu hakoi fali sistema finanseiru iha Timór”, haktuir Tilman.
Tilman Hatutan Komisaun C sei halo relatoriu ba Governu no sei koalia mós ho Cámara Comersiu Industria –Timor Leste CCI-TL atu hadia fali sistema ne’e maibe la’os emprezariu hotu-hotu nomos koalia ho Ministeriu Finansas atu buka dalan hodi resolve
“Komisaun C iha poder atu halo rekomendasaun ba Governu no relatoriu ba orsamentu foun 2011 ne’e para PM Xanana Gusmão rasik sei halo esforsu hamutuk ho Ministeriu Finansa para kresimentu ekonomiku 12.8 % ne’e tenke tradus ho didiak atu iha fali konfiansa internasional ba ita nia sistema finanseiru para labele ho fali ho pursentu Nen Nulu ne’e hafoer emprezariu Timor nia naran iha mundu tomak”Tilman kestiona.
Ami sei defende seitor privadu atu hadia fali sira nia naran maibe rekomenda ba PM Xanana Gusmão katak lista metan ida nebe emprezariu sira nebé la selu ne’e tenke hamenus.
Partisipa iha Audensia ne’e prezidente Komisaun C ho nia membru sira.diretur Geral Banku Nasional Ultramarinu Fernando Torrão Alves ho ninia Adjuntu inklui mos Manager Banku Mandiri Muhhamad Yin.(*TE)*Celes
.
0 comentários:
Enviar um comentário