SUARA TIMOR LOROSAE - Kuarta, 06 Outubru 2010
DILI- Organizasaun Naun Govermental Fundasaun Mahein, husu ba governu, Parlamentu Nasional asuntu seguransa no defeza atu tau matan didiak problema fronteira.
Tuir observasaun sira nian katak iha area seguransa, liu-liu iha fronteira ema barak sei tama sai illegal, tamba ne’e sira husu ba governu hare didiak asuntu ne’e.
“Ami hato’o relatoriu ba PN, atu hare asuntu seguransa iha fronteira tanba asuntu siguransa importante hadia, hodi dezemvolve nasaun ba Estabilidade Timor Leste, tamba ne’e Governu persija tau matan ba asuntu siguransa,” dehan Direitur Fundasaun Mahein Nelson Belo ba Jornalista, iha Balide, Kuarta ohin.
Nia hatutan katak, polisia imigrasaun halo servisu diak, maibe sei iha failansu balun maka ema illegal sei tama sai fronteira sem konhesementu ho husi Polisia Imigrasaun.
Membru Komisaun B PN, Paulo Martins sublina katak, Seguransa iha rai laran diak, maibe sei iha perkupasaun barak hanesan ema estranjeiru nebe naok riku soi tasi Timor, tamba ne’e seguransa Maritima mos importante atu kontrola.
“ Karik ita nia seguransa iha fronteira la lao diak ema sei tama illegal, halo prejurida iha nasaun TL, tanba la selu tasa ba estado ne’eduni husu ba polisia imigrasaun tenki kontrolla diak, para ema labele tama ho illegal,” dehan Paul.
Nia hatutan katak, maske forsa maritime iha tiha ona, maibe seidauk bele kontrola riku soe tasi laran nian.
Antes ne’e, Sekretariu Estadu Seguransa (SES), Francisco da Costa Guterres hatete katak, papel UPF importante tebes iha lina Fronteira, ne’eduni governu ida ne’ebe lidera husi kay Rala Xanana Gusmao kuntinua toma atensaun tuir ejijensia membru UPF nian. Josefa dos Santos.
.
0 comentários:
Enviar um comentário