.
Timor Post - Sesta, 15 Outubru 2010
Dili-Prezidente da Repúblika Dr. José Ramos Horta husu Primeiru Ministru Xanana Gusmãi atu halo intervensaun ba prosesu distribuisaun foos MTCI ne’ebe mamuk iha merkadu no nia folin kontinua sae.
PR Horta hateten, tanba osan barak mak estadu hasai hodi sosa foos atu bele garante alimentasaun no ajuda povu ne’ebe ke kbiit laek atu sosa foos maibe povu kontinua lahetan foos no folin foos kontinua sae iha merkadu.
Hau nia hanoin Primeiru Ministru maka tenki intervene makas ba buat ida ne’e, se lae bele provoka ba problema social estabilidade,” dehan PR Horta iha PN hafoin loke Quartu sesaun Lezislatura, kunta (14/10).
Ba planu MTCI nian atu fo ba igreja liu husi dioseze mak atu fa’an foos MTCI, PR Horta kontra planu ne’e.
“Fo fali Igreja mak fa’an ne’e hau hanoin ladiak, hau la fiar igreza mos simu fali todan ida ne’e,” dehan Horta.
Tuir Xefe estadu katak, Governu maka iha esperensia ona kona-ba problema fo’os nian, ne’eduni nia, sujere governu mak tenki hare solusaun saida mak diak liu, tanba ne’e, xefe estadu husu atu governu fo ba emprezariu mak fa’an foos, no governu kontrola deit merkadu.
Horta mos husu atu governu kria lei ida ne’ebe hanesan nasaun Singapura, atu komersiante labele hasai folin sasan baziku tuir sira nia hakarak tanba governu hatun ona folin taxa importasaun. (manuel da silva)
.
Timor Post - Sesta, 15 Outubru 2010
Dili-Prezidente da Repúblika Dr. José Ramos Horta husu Primeiru Ministru Xanana Gusmãi atu halo intervensaun ba prosesu distribuisaun foos MTCI ne’ebe mamuk iha merkadu no nia folin kontinua sae.
PR Horta hateten, tanba osan barak mak estadu hasai hodi sosa foos atu bele garante alimentasaun no ajuda povu ne’ebe ke kbiit laek atu sosa foos maibe povu kontinua lahetan foos no folin foos kontinua sae iha merkadu.
Hau nia hanoin Primeiru Ministru maka tenki intervene makas ba buat ida ne’e, se lae bele provoka ba problema social estabilidade,” dehan PR Horta iha PN hafoin loke Quartu sesaun Lezislatura, kunta (14/10).
Ba planu MTCI nian atu fo ba igreja liu husi dioseze mak atu fa’an foos MTCI, PR Horta kontra planu ne’e.
“Fo fali Igreja mak fa’an ne’e hau hanoin ladiak, hau la fiar igreza mos simu fali todan ida ne’e,” dehan Horta.
Tuir Xefe estadu katak, Governu maka iha esperensia ona kona-ba problema fo’os nian, ne’eduni nia, sujere governu mak tenki hare solusaun saida mak diak liu, tanba ne’e, xefe estadu husu atu governu fo ba emprezariu mak fa’an foos, no governu kontrola deit merkadu.
Horta mos husu atu governu kria lei ida ne’ebe hanesan nasaun Singapura, atu komersiante labele hasai folin sasan baziku tuir sira nia hakarak tanba governu hatun ona folin taxa importasaun. (manuel da silva)
.
0 comentários:
Enviar um comentário