.
Timor Post - Kuarta-feira 20 Outubru 2010
Dili-Prezidente Parlamentu Nasionál Fernando Lasama de Araujo hateten la kleur tan nia parte sei ba hatan iha tribunal relasiona ho kazu sosa kareta hamutuk 65 ba membru Parlamentu Nasionál iha tinan 2008 liu bá.
“La kleur hau mos sei ba tribunal tanba kazu sosa kareta ba deputadu sira iha ona investigasaun,”dehan Prezidente PN iha plenária, Tersa (19/10).
Lasama informa katak oras ne’e dadaun investigasaun la’o hela hasoru diretor sira iha PN. Tanba ne’e, nia fiar dala ruma nia mos sei hetan investigasaun husi investigador sira.
Nia tenik, kuandu investigasaun hotu maka tribunal bolu nia, nia prontu atu ba hatán hodi kontribui ba justisa iha TL,” ne’e dever ita nian atu fortifika sistema justisa iha nasaun foun ida ne’e,”katak Lasama.
Nia husu atu parte tenki kontribui ba justisa tanba justisa iha TL sei frazil, kazu sosa kareta 65 ba membru Parlamentu sai polimika boot tanba Bancada Opozisaun hanesan FRETILIN ho PUN ne’ebe iha momentu ne’eba kestiaona maka’as no sira rasik la simu kareta refere no to’o hikus meja parlamentu foti desizaun fo ba governu hodi halo serviso seluk.
Sira la simu kareta ne’e tanba deskonfia iha regularidade tanba iha momentu ne’eba tuir planu atu sosa kartea ho modelu prado maibe kareta ne’ebe maka to’o modelo pajero.
IHA FATIN HANESAN, DEPUTADU BANCADA FRETILIN, Francisco Miranda Branco informa se-se deit maka iha notifikasaun husi tribunal tanba alegasaun ruma tenki koopera tanba ema hotu iha lei nia okos.
“Ana Pessoa, Xanana, Lasama, no hotu-hotu tenki responde iha Tribunal tanba ita nia interes boot liu maka hametin estadu de dereitu, laiha sidadaun ida iha nasaun ne’e mak boot liu lei,”dehan Branco.
Tuir nia parte, FRETILIN sempre koopera ho justisa. “Ami hatudu tiha ona ami nia boa vontade bainhira ami nia sekretariu Jeral Partidu FRETILIN Dr. Mari Alkatiri ba responde iha Ministeriu Públiku to’o prosesu arkiva, ami la foti kestaun tanba ami hakarak koopera ba estadu nia ne’e atu hametin justisa,”nia haklaken. (manuel da silva)
.
Timor Post - Kuarta-feira 20 Outubru 2010
Dili-Prezidente Parlamentu Nasionál Fernando Lasama de Araujo hateten la kleur tan nia parte sei ba hatan iha tribunal relasiona ho kazu sosa kareta hamutuk 65 ba membru Parlamentu Nasionál iha tinan 2008 liu bá.
“La kleur hau mos sei ba tribunal tanba kazu sosa kareta ba deputadu sira iha ona investigasaun,”dehan Prezidente PN iha plenária, Tersa (19/10).
Lasama informa katak oras ne’e dadaun investigasaun la’o hela hasoru diretor sira iha PN. Tanba ne’e, nia fiar dala ruma nia mos sei hetan investigasaun husi investigador sira.
Nia tenik, kuandu investigasaun hotu maka tribunal bolu nia, nia prontu atu ba hatán hodi kontribui ba justisa iha TL,” ne’e dever ita nian atu fortifika sistema justisa iha nasaun foun ida ne’e,”katak Lasama.
Nia husu atu parte tenki kontribui ba justisa tanba justisa iha TL sei frazil, kazu sosa kareta 65 ba membru Parlamentu sai polimika boot tanba Bancada Opozisaun hanesan FRETILIN ho PUN ne’ebe iha momentu ne’eba kestiaona maka’as no sira rasik la simu kareta refere no to’o hikus meja parlamentu foti desizaun fo ba governu hodi halo serviso seluk.
Sira la simu kareta ne’e tanba deskonfia iha regularidade tanba iha momentu ne’eba tuir planu atu sosa kartea ho modelu prado maibe kareta ne’ebe maka to’o modelo pajero.
IHA FATIN HANESAN, DEPUTADU BANCADA FRETILIN, Francisco Miranda Branco informa se-se deit maka iha notifikasaun husi tribunal tanba alegasaun ruma tenki koopera tanba ema hotu iha lei nia okos.
“Ana Pessoa, Xanana, Lasama, no hotu-hotu tenki responde iha Tribunal tanba ita nia interes boot liu maka hametin estadu de dereitu, laiha sidadaun ida iha nasaun ne’e mak boot liu lei,”dehan Branco.
Tuir nia parte, FRETILIN sempre koopera ho justisa. “Ami hatudu tiha ona ami nia boa vontade bainhira ami nia sekretariu Jeral Partidu FRETILIN Dr. Mari Alkatiri ba responde iha Ministeriu Públiku to’o prosesu arkiva, ami la foti kestaun tanba ami hakarak koopera ba estadu nia ne’e atu hametin justisa,”nia haklaken. (manuel da silva)
.
0 comentários:
Enviar um comentário