.
SUARA TIMOR LOROSAE - Sesta, 22 Outubru 2010
DILI- Prezidente Republika DR. Jose Manuel Ramos Horta, ofisialmente fo pose ba Vice Ministru Negosiu Estranjeiru Alberto Xavier Pereira Carlos.
PR Horta hatete, maske falta tinan 2 deit governasaun AMP atu remata, maibe Vice MNE tenki servisu maka’as no kolabora hamutuk ho Ministru Negosiu Estranjeiru atu hametin funsionamentu no operasionalidade Ministeriu. Horta fiar katak ho esperensia servisu lubuk ida ne’ebe Vice MNE ne’e iha sei konsege servi ba nasaun no povu ida ne’e.
“ Hau fiar ita (Vice MNE) sei kaer ita nia todan ne’ebe hau ho Premeiru Ministru tau iha ita nia kabas,” deklara Xefe Estadu ne’e iha ninia palavra hafoin fo pose ba Vice MNE, Sesta, (22/10), iha Palacio Prezidente Nicolao Lobato.
Xefe Estadu ne’e dehan katak, servisu Ministeriu Negosiu Estranjeiru (MNE) importante tebes ba nasaun ida, tanba MNE mak kaer asuntu diplomasia. Tanba, nia dehan, iha nasaun hotu-hotu, tantu bo’ot ka kiik, tenki iha MNE, hodi nune’e bele liga nasaun ne’e ho nasaun sira seluk.
Ministru Negosiu Estranjeiru, Zacarias Albano da Costa hatete, hafoin Vice MNE simu pose, ninia parte sei fahe knar hotu-hotu ne’ebe iha. Ho prezensa Vice MNE ne’e, Zacarias espera katak servisu iha ninia ministeriu sei lao diak liu no efektivu liu tan.
Vice MNE Alberto dehan, ninia parte fo agradese ba Maromak ne’ebe sei fo oportunidade ba nia atu bele servi povu no rai doben ida ne’e.
“ Hau prontu servi estadu i servi nasaun, hau kontenti ho konfiansa ne’ebe fo mai hau, hau promete atu servisu tuir politika governu nian,” deklara Vice MNE ne’e.
Hatan ba iha tempu badak saida mak nia sei halo, Vice MNE ne’e dehan deit katak, nia sei ajuda Ministru Zacarias atu servisu iha ministeriu bele lao diak liu tan. Antes ne’e, Alberto Carlos servisu nudar Direitur UNHCR no hetan ona kontaktu atu sai Vice MNE iha tinan ida kotuk. Jorgino Santos/Jaime do Rosario
.
SUARA TIMOR LOROSAE - Sesta, 22 Outubru 2010
DILI- Prezidente Republika DR. Jose Manuel Ramos Horta, ofisialmente fo pose ba Vice Ministru Negosiu Estranjeiru Alberto Xavier Pereira Carlos.
PR Horta hatete, maske falta tinan 2 deit governasaun AMP atu remata, maibe Vice MNE tenki servisu maka’as no kolabora hamutuk ho Ministru Negosiu Estranjeiru atu hametin funsionamentu no operasionalidade Ministeriu. Horta fiar katak ho esperensia servisu lubuk ida ne’ebe Vice MNE ne’e iha sei konsege servi ba nasaun no povu ida ne’e.
“ Hau fiar ita (Vice MNE) sei kaer ita nia todan ne’ebe hau ho Premeiru Ministru tau iha ita nia kabas,” deklara Xefe Estadu ne’e iha ninia palavra hafoin fo pose ba Vice MNE, Sesta, (22/10), iha Palacio Prezidente Nicolao Lobato.
Xefe Estadu ne’e dehan katak, servisu Ministeriu Negosiu Estranjeiru (MNE) importante tebes ba nasaun ida, tanba MNE mak kaer asuntu diplomasia. Tanba, nia dehan, iha nasaun hotu-hotu, tantu bo’ot ka kiik, tenki iha MNE, hodi nune’e bele liga nasaun ne’e ho nasaun sira seluk.
Ministru Negosiu Estranjeiru, Zacarias Albano da Costa hatete, hafoin Vice MNE simu pose, ninia parte sei fahe knar hotu-hotu ne’ebe iha. Ho prezensa Vice MNE ne’e, Zacarias espera katak servisu iha ninia ministeriu sei lao diak liu no efektivu liu tan.
Vice MNE Alberto dehan, ninia parte fo agradese ba Maromak ne’ebe sei fo oportunidade ba nia atu bele servi povu no rai doben ida ne’e.
“ Hau prontu servi estadu i servi nasaun, hau kontenti ho konfiansa ne’ebe fo mai hau, hau promete atu servisu tuir politika governu nian,” deklara Vice MNE ne’e.
Hatan ba iha tempu badak saida mak nia sei halo, Vice MNE ne’e dehan deit katak, nia sei ajuda Ministru Zacarias atu servisu iha ministeriu bele lao diak liu tan. Antes ne’e, Alberto Carlos servisu nudar Direitur UNHCR no hetan ona kontaktu atu sai Vice MNE iha tinan ida kotuk. Jorgino Santos/Jaime do Rosario
.
0 comentários:
Enviar um comentário