.
05 de Outubro de 2010
Segunda-feira horseik (4/10) iha Parlamentu Nasionál ba jornal Diário, deputadu hosi bankada PSD, Ermes Barros afirma katak “iha ona konvite ofisiál husi Primeiru Ministru ba Alberto Carlos, kleur ka lalais iha fulan ne’e nia laran nia sei simu tomada de posse ba Vice Ministru Negosius Estranjeirus” tenik.
Ermes Barros realsa tan katak Alberto Carlos nu’udar fundadór PSD nó mos agora dadaun xefe ba UNHCR iha Timor Leste, tuir Esmes, Alberto Carlos ema ida ne’ebé iha kbi’it atu halo servisu hanesan Vice MNE.
Iha sorin seluk, Xefe bankada Partidu Demokrátiku, Adriano do Nascimento nó porta-voz hosi bankada CNRT deputadu Aderito Hugo, sira hateten katak atu hili nó nomeia membru Governu ida ne’e kompeténsia Primeiru Minstru nian.
Iha fatin hanesan deputadu Aderito Hugo reforsa katak “importante maka pozisaun ne’e iha la’os tamba akuzasaun ne’ebé hasoru hela Ministru Negosius Estranjeirus maibé pozisaun ida ne’e iha antes kedas ona”. Nia realsa katak tuir lei organika kuartu Governu Konstitusionál ne’ebé diskuti ona iha Konsellu Minstru, pozisaun ba Ministru Negosius Estranjeirus to’o agora pozisaun rua ne’e nunka prenxe, tamba ne’e, nia hatutan Governu haree katak, ladun relevante ho Sekretáriu Estadu, entaun tau Vice Ministru Negosius Estranjeirus, ne’e duni parte hotu hein katak fatin hirak ne’e bele prenxe lalais, tenik Aderito Hugo.
Entretantu Jornalista Diario buka atu halo konfirmasaun ho Alberto Carlos maibé la konsege, tamba hala’o hela servisu ida iha distritu.
.
05 de Outubro de 2010
Segunda-feira horseik (4/10) iha Parlamentu Nasionál ba jornal Diário, deputadu hosi bankada PSD, Ermes Barros afirma katak “iha ona konvite ofisiál husi Primeiru Ministru ba Alberto Carlos, kleur ka lalais iha fulan ne’e nia laran nia sei simu tomada de posse ba Vice Ministru Negosius Estranjeirus” tenik.
Ermes Barros realsa tan katak Alberto Carlos nu’udar fundadór PSD nó mos agora dadaun xefe ba UNHCR iha Timor Leste, tuir Esmes, Alberto Carlos ema ida ne’ebé iha kbi’it atu halo servisu hanesan Vice MNE.
Iha sorin seluk, Xefe bankada Partidu Demokrátiku, Adriano do Nascimento nó porta-voz hosi bankada CNRT deputadu Aderito Hugo, sira hateten katak atu hili nó nomeia membru Governu ida ne’e kompeténsia Primeiru Minstru nian.
Iha fatin hanesan deputadu Aderito Hugo reforsa katak “importante maka pozisaun ne’e iha la’os tamba akuzasaun ne’ebé hasoru hela Ministru Negosius Estranjeirus maibé pozisaun ida ne’e iha antes kedas ona”. Nia realsa katak tuir lei organika kuartu Governu Konstitusionál ne’ebé diskuti ona iha Konsellu Minstru, pozisaun ba Ministru Negosius Estranjeirus to’o agora pozisaun rua ne’e nunka prenxe, tamba ne’e, nia hatutan Governu haree katak, ladun relevante ho Sekretáriu Estadu, entaun tau Vice Ministru Negosius Estranjeirus, ne’e duni parte hotu hein katak fatin hirak ne’e bele prenxe lalais, tenik Aderito Hugo.
Entretantu Jornalista Diario buka atu halo konfirmasaun ho Alberto Carlos maibé la konsege, tamba hala’o hela servisu ida iha distritu.
.
0 comentários:
Enviar um comentário