.
SUARA TIMOR LOROSAE - Segunda, 18 Outubru 2010
DILI- Prokuradora Jeral Republika (PJR), Anna Pesoa Pinto, hatete katak oras ne’e dadaun ninia parte simu ona kazu korupsaun balun ne’ebe sei prosesa iha tempu besik.
PJR Anna hatete, iha kazu korupsaun balun ne’ebe ninia parte simu no kazu hirak ne’e sei termina molok tinan ne’e remata.
“Iha (kazu korupsaun) balun i sei tama, hau labele dehan lor-loron tama, mais ami simu tan kazu (korupsaun) balun i kazu balun sei lao ba oin, balu hau hanoin ita sei termina antes tinan ne’e remata, balun sei transfere ba tinan oin mai tanba mos praju seidauk hotu,” informa nia ba jornalista sira hafoin inkontru seminal ho Prezidente Republika, Segunda ohin, iha Palacio Prezidenti Nicolao Lobato.
Maske la esplika klaru kazu korupsaun ne’e involve membru governu balun ka lae, maibe nia hatete deit katak, kazu hirak ne’e sei iha prosesu investigasaun nia laran. Normalmente, nia dehan, praju legal ba investigasaun kazu ruma ne’ebe kompleksu mak tinan 1 no ba kazu ne’ebe simples fulan 6.
“Ne’e dehan katak kazu ne’ebe foin tama konserteza tinan oin mai mak remata,” katak Anna.
Maske nune’e, nia hatete, tanba ninia parte simu ona kazu korupsaun balun ne’ebe pendenti, hein katak sei remata lalais hanesan mos prosesu krimi sira seluk. Alein de kazu korupsaun, PJR ne’e hatutan, ninia parte mos tau-matan ba kazu homesidiu no violasaun, liu-liu ba kazu ne’ebe involve membru PNTL ho F-FDTL. Ida ne’e, Anna dehan, atu garante mos imazen institusaun estadu sira nian.
SUARA TIMOR LOROSAE - Segunda, 18 Outubru 2010
DILI- Prokuradora Jeral Republika (PJR), Anna Pesoa Pinto, hatete katak oras ne’e dadaun ninia parte simu ona kazu korupsaun balun ne’ebe sei prosesa iha tempu besik.
PJR Anna hatete, iha kazu korupsaun balun ne’ebe ninia parte simu no kazu hirak ne’e sei termina molok tinan ne’e remata.
“Iha (kazu korupsaun) balun i sei tama, hau labele dehan lor-loron tama, mais ami simu tan kazu (korupsaun) balun i kazu balun sei lao ba oin, balu hau hanoin ita sei termina antes tinan ne’e remata, balun sei transfere ba tinan oin mai tanba mos praju seidauk hotu,” informa nia ba jornalista sira hafoin inkontru seminal ho Prezidente Republika, Segunda ohin, iha Palacio Prezidenti Nicolao Lobato.
Maske la esplika klaru kazu korupsaun ne’e involve membru governu balun ka lae, maibe nia hatete deit katak, kazu hirak ne’e sei iha prosesu investigasaun nia laran. Normalmente, nia dehan, praju legal ba investigasaun kazu ruma ne’ebe kompleksu mak tinan 1 no ba kazu ne’ebe simples fulan 6.
“Ne’e dehan katak kazu ne’ebe foin tama konserteza tinan oin mai mak remata,” katak Anna.
Maske nune’e, nia hatete, tanba ninia parte simu ona kazu korupsaun balun ne’ebe pendenti, hein katak sei remata lalais hanesan mos prosesu krimi sira seluk. Alein de kazu korupsaun, PJR ne’e hatutan, ninia parte mos tau-matan ba kazu homesidiu no violasaun, liu-liu ba kazu ne’ebe involve membru PNTL ho F-FDTL. Ida ne’e, Anna dehan, atu garante mos imazen institusaun estadu sira nian.
“Konserteza kazu korupsaun ne’e prioridade maibe iha mos kazu seluk ne’ebe importante mos,” deklara nia. Hatan ba karik iha inkontru ne’e ninia parte informa mos kazu Vice PM Jose Luis Guterres ho MNE Zacarias Albano da Costa ba PR Horta, nia hatan, kazu ne’e nia la koalia. Nia mos sei la fo komentariu kazu konkretu VPM ho MNE.
“Lei la permiti ita atu koalia konaba kazu konkretu, lei la permiti katak julgamentu sei halo iha prasa publika, julgamentu ita sei halo iha sala audensia ho juiz, defensor no ministeriu publiku sira,” afirma nia. Jorgino Santos
.
0 comentários:
Enviar um comentário