.
SUARA TIMOR LOROSAE - Kuarta, 20 Outubru 2010
SAME-Vice Prezidenti Partido Social Democrata (PSD) Joao Goncalves ne’ebe mos nudar Ministeru Ekonomia Dezenvolvimento (MED) rekonhese katak, akuzasaun PJR hasoru Vice PM I Jose Luis Guterres no MNE Zacarias Albano da Costa (aktual Prezidenti PSD), hanesan kartus musan ida tiru ba PSD mai sei fila fali ba sira.
“Ita rekonhese nudar kartus musan ida ema tiru ba PSD maibe hau fiar sei fila fali ba sira. I senor Zacarias sei la hetan kulpa husi Ministerio Publiku,” hatete Joao Goncalves bainhira hasoru malu ho komunidade iha Aldeia Fahiluhan, Suku Holarua, Sub-Distritu Same, Domingu (17/10).
Nia dehan, Zacarias sei la hetan kulpa tamba deit nia la hola medidas atu hakotu kontratu husi Jose Luis Guterres relasiona tranfere osan dolar rihun 30 liu husi ninia ferik oan, iha tempu governu anterior. Momentu neba, Premeiru Ministru mak Dr. Jose Ramos Horta ne’ebe foti desizaun katak, embaixador sira nian ferik oan ou familia ruma mak iha kapasidade (inklui Jose Luis nia ferik oan), bele servisu iha embaixada Timor Leste iha railiur.
Konserteja, altura neba, Jose Luis Guterres nudar Embaixador Timor Leste ba Estadu Unidas iha Nova Yorke, dada fali mai hodi asume kargo nudar MNE. Entaun ninia ferik oan, bazea ba kontratu ne’ebe halo, ba servisu iha Embaixada Timor Leste iha Nova Yorke. Neduni, problema ida ne’e mos hetan rekonhesemento husi Dr. Jose Ramos Horta. I nia rasik hatene no konkorda. Nomos, ema ne’ebe mak asina kontratu ba Jose Luis nia ferik oan hodi servisu iha Embaxada Timor Leste iha Nova Yorke nee mak Vice MNE Adalgiza Magno.
“Agora sira nee la haruka ba tribunal, maibe haruka deit ita nian Vice PM Jose Luis no MNE Zacarias Albano da Costa. Ida ne’e lalos,” Joao Goncalve reforsa.
Responde ba kazu refere, nia dehan, PSD arepende tamba Ministeriu Publiku hasai ona karta notifikasaun ba Jose Lui-Zacarias atu hatan iha tribunal. “PSD hein katak, tribunal sei fo sai justisa ba asuntu ida nee. Hau fiar, ita nian Prizidente PSD dala ruma laiha sala. Tamba nia rasik mak foti dizisaun hakotu tiha kontratu servisu ho senor Jose Luis nia fen iha Nove Yorke tanba ha’re iha regularidade. Ita hein katak, PSD sei lataka dalan ba justica, maibe justica tenke lao lolos”.
Nia hatete, problema refere tiru ba PSD tamba ema ha’re popularidade PSD nian sae maka’as. Ema barak simpatia ba PSD, tamba nee mak mosu manipulasaun oioin para hatun tiha PSD. “Maibe, kilat musan ne’ebe sira tiru ba PSD sei nakfilak ba sira. PSD sei sai boot liutan, sai forte liutan”.
Iha okazisaun nee, Sekretario Jeral PSD Marito Magno husu ba populasaun tomak atu luta nafatin ba dezenvolvimento nasional hamutuk ho PSD. “Imi povu mak terus nain, luta nain, maibe imi seidauk goza. Maske nunee, tenke haruka nafatin oan sira ba eskola. See lae, ema ne’ebe lafo kontribuisaun bot ba rai ida nee, sira mak goza maka’as liutan. Ba ida nee, PSD sei luta maka’as,” nia dehan.
Nia hatete, PSD nian programa barak. Ida mak programa subsidio ba ferik katuas no sel-seluktan. Maibe PSD sei luta maka’as tan, para hasae subsidiu ba terseira idade sira, ne’e be agora simu $30.00, bele sae tan.
PSD agora hako’ak ema hotu hodi dezenvolve nasaun ida nee. Semana hirak liuba, lideransa PSD hasoru malu ho Partido Democrata (PD) Indonezia iha Jakarta. Iha dia 24 de Outobru mai nee, PD Indonesia sei mai iha Timor Leste hodi asina akordu ida ho PSD, konaba oinsa atu fo trenamentu ba estrutura no lider PSD nian, liliu atu ba Camara Municipal no membrus asembleia.
Iha opurtunidade ida nee, Marito Magno entrega ajudus kalen tahan 40 ba vunaravel ida naran Mateus, no kalen 80 hodi halo Cede PSD iha Lesuati no Aldeia Rusu, sementu saku 10 hodi rehabilita dalan liga ba Aldeia Fahiluhan. Orsamento ba material ajudus hirak nee mai husi PSD rasik. Laos husi governu.
Xefi Aldeia Fahiluhan Martins Nunes hatete, prezensa MED Joao Goncalves iha sira nia aldea hodi hato’o sira nia agredesemento ba MED tamba fo ona atensaun ba buat ne’ebe komunidade Fahiluhan persiza, inklui subsidiu ba terseira idade sira. Aleinde nee, sira mos konsege hetan mikro kredito, makina dulas kafe, bolsu da main, uma Mini Merkadu. gus
.
SUARA TIMOR LOROSAE - Kuarta, 20 Outubru 2010
SAME-Vice Prezidenti Partido Social Democrata (PSD) Joao Goncalves ne’ebe mos nudar Ministeru Ekonomia Dezenvolvimento (MED) rekonhese katak, akuzasaun PJR hasoru Vice PM I Jose Luis Guterres no MNE Zacarias Albano da Costa (aktual Prezidenti PSD), hanesan kartus musan ida tiru ba PSD mai sei fila fali ba sira.
“Ita rekonhese nudar kartus musan ida ema tiru ba PSD maibe hau fiar sei fila fali ba sira. I senor Zacarias sei la hetan kulpa husi Ministerio Publiku,” hatete Joao Goncalves bainhira hasoru malu ho komunidade iha Aldeia Fahiluhan, Suku Holarua, Sub-Distritu Same, Domingu (17/10).
Nia dehan, Zacarias sei la hetan kulpa tamba deit nia la hola medidas atu hakotu kontratu husi Jose Luis Guterres relasiona tranfere osan dolar rihun 30 liu husi ninia ferik oan, iha tempu governu anterior. Momentu neba, Premeiru Ministru mak Dr. Jose Ramos Horta ne’ebe foti desizaun katak, embaixador sira nian ferik oan ou familia ruma mak iha kapasidade (inklui Jose Luis nia ferik oan), bele servisu iha embaixada Timor Leste iha railiur.
Konserteja, altura neba, Jose Luis Guterres nudar Embaixador Timor Leste ba Estadu Unidas iha Nova Yorke, dada fali mai hodi asume kargo nudar MNE. Entaun ninia ferik oan, bazea ba kontratu ne’ebe halo, ba servisu iha Embaixada Timor Leste iha Nova Yorke. Neduni, problema ida ne’e mos hetan rekonhesemento husi Dr. Jose Ramos Horta. I nia rasik hatene no konkorda. Nomos, ema ne’ebe mak asina kontratu ba Jose Luis nia ferik oan hodi servisu iha Embaxada Timor Leste iha Nova Yorke nee mak Vice MNE Adalgiza Magno.
“Agora sira nee la haruka ba tribunal, maibe haruka deit ita nian Vice PM Jose Luis no MNE Zacarias Albano da Costa. Ida ne’e lalos,” Joao Goncalve reforsa.
Responde ba kazu refere, nia dehan, PSD arepende tamba Ministeriu Publiku hasai ona karta notifikasaun ba Jose Lui-Zacarias atu hatan iha tribunal. “PSD hein katak, tribunal sei fo sai justisa ba asuntu ida nee. Hau fiar, ita nian Prizidente PSD dala ruma laiha sala. Tamba nia rasik mak foti dizisaun hakotu tiha kontratu servisu ho senor Jose Luis nia fen iha Nove Yorke tanba ha’re iha regularidade. Ita hein katak, PSD sei lataka dalan ba justica, maibe justica tenke lao lolos”.
Nia hatete, problema refere tiru ba PSD tamba ema ha’re popularidade PSD nian sae maka’as. Ema barak simpatia ba PSD, tamba nee mak mosu manipulasaun oioin para hatun tiha PSD. “Maibe, kilat musan ne’ebe sira tiru ba PSD sei nakfilak ba sira. PSD sei sai boot liutan, sai forte liutan”.
Iha okazisaun nee, Sekretario Jeral PSD Marito Magno husu ba populasaun tomak atu luta nafatin ba dezenvolvimento nasional hamutuk ho PSD. “Imi povu mak terus nain, luta nain, maibe imi seidauk goza. Maske nunee, tenke haruka nafatin oan sira ba eskola. See lae, ema ne’ebe lafo kontribuisaun bot ba rai ida nee, sira mak goza maka’as liutan. Ba ida nee, PSD sei luta maka’as,” nia dehan.
Nia hatete, PSD nian programa barak. Ida mak programa subsidio ba ferik katuas no sel-seluktan. Maibe PSD sei luta maka’as tan, para hasae subsidiu ba terseira idade sira, ne’e be agora simu $30.00, bele sae tan.
PSD agora hako’ak ema hotu hodi dezenvolve nasaun ida nee. Semana hirak liuba, lideransa PSD hasoru malu ho Partido Democrata (PD) Indonezia iha Jakarta. Iha dia 24 de Outobru mai nee, PD Indonesia sei mai iha Timor Leste hodi asina akordu ida ho PSD, konaba oinsa atu fo trenamentu ba estrutura no lider PSD nian, liliu atu ba Camara Municipal no membrus asembleia.
Iha opurtunidade ida nee, Marito Magno entrega ajudus kalen tahan 40 ba vunaravel ida naran Mateus, no kalen 80 hodi halo Cede PSD iha Lesuati no Aldeia Rusu, sementu saku 10 hodi rehabilita dalan liga ba Aldeia Fahiluhan. Orsamento ba material ajudus hirak nee mai husi PSD rasik. Laos husi governu.
Xefi Aldeia Fahiluhan Martins Nunes hatete, prezensa MED Joao Goncalves iha sira nia aldea hodi hato’o sira nia agredesemento ba MED tamba fo ona atensaun ba buat ne’ebe komunidade Fahiluhan persiza, inklui subsidiu ba terseira idade sira. Aleinde nee, sira mos konsege hetan mikro kredito, makina dulas kafe, bolsu da main, uma Mini Merkadu. gus
.
0 comentários:
Enviar um comentário