Foto Suara Timor Lorosae Suara Timor Lorosae - Segunda, 04 Outubru 2010
DILI – Miniteriu Turizmu Komersiu no Industria hapara ona distribuisaun fo’os no sei planeia atu entrega liu husi Parokia iha Timor laran tomak hodi fa’an.
Hataan ba kestaun nee, Presidenti Komisaun C Parlamentu Nasional (PN), asuntu Ekonomia, Finansas no Anti Korupsaun, Manuel Tilman hatete, hahu agora dadaun MTCI hamenus fo’os iha Dili, ne’ebe iha Outobru nia laran laiha fo’os MTCI maibe sei fa’an deit fo’os Globus AAA. Basaa seitor privadu sira mos iha kbit rasik bele ba tó iha Vietnam hodi sosa fo’os baratu no mai fa’an iha TL mos ho folin baratu, dehan nia ba STL iha PN, Sesta foin lais ne’e.
Nia hatutan, baseia ba rekomendasaun husi PN ba komisaun C hodi konvida Ministru Gil Alves ho nia direitora geral sira mai hodi koalia kona ba asuntu fo’os no buat seluk ne’ebe mak lalos iha ministeriu ne’e. Kona ba problema fo’os, MTCI halo kontaktu ona ho Dioseze tolu Baucau, Dili no Maliana para fa’an liu husi kooperativa parokia nian.
“MTCI mos halo ona kontaktu mos ho dioseze tolu ne’e para fahe liu husi kooperativa parokia ministru no minsteriu tau fo’os iha kooperativa parokia, depois mak kooperativa parokia ne’emak fahe fo’os. Ne’e sai hanesan postu de venda ministeriu nian, tanba PN aprova tiha osan ba fo’os nian i fo’os sei iha nafatin, “ dehan nia.
Tilman hatutan, prosesu fahe fo’os mak sei diferente hanesan loke postu de venda depois fahe fo’os liu husi kooperativas parokia sira nian.
Antes ne’e Presidenti Uniaun das Pequena Emprezas Fransisco Cabral Guteres ható nia pedidu komisaun C wainhira partisipa iha Uniaun das Emprezas (UNAPE) aprezenta sira nia alternativa katak sira pronto sai parseiru ba governu hanesan loke mos postu de venda.
Pedidu ne’e Ministru Gil Alves simu hotu, maibe sei konvida malu sekuandu dioseze ho parokia balun lakohi fahe fo’os entaun Uniaun das Peque na Emprezas mak sei fahe fo’os.
Iha parte seluk Direitor Luta Hamutuk Meriçio Akara hatete, desizaun MTCI atu distribui fo’os liu husi dioseze hanesan lasu politika atu hafoer imagem igreja nian.
Labele Sosa Fo’os Globus
Komunidade iha kapital Dili to’o iha distritu hotu senti halerik tebes tanba povu ne’e laiha kbit atu sosa fo’os ho marka fo’os globus.
“Ami hanesan povu senti trsite tanba osan laiha atu sosa fo’os Globus, tanba fo’os negosiantes sira fa’an ho folin ne’ebe sae makas,” hateten Francisca Salsinha.
Nia hatete, fo’os globus negisiantes sira fa’an ho folin U$18.00, to’o folin U$20.00, ho fo’os ne’ebe maka folin sae fo impaktu ba povu kbit laek sira, laiha forsa atu sosa.
Nia salienta katak, se wainhira maka Ministeriu Tourismu Comersiu Industria (MTCI) maka la fa’an fo’os MTCI entaun povu ne’e bele hamlaha mate, satan MTCI sei taka postu devenda iha Dili laran.
Iha parte seluk, Joana Madeira hatete katak, Governu liu husi MTCI tenki iha tempu badak nia laran tenki distribui lalais fo’os MTCI ba iha distritu hotu, basa iha sistritu ne’eba Fo’os ho marka MTCI laiha.
“Hau husu MTCI tenki tau matan ba povu nia terus, labele halo povu ne’e moris iha hamlaha nia laran, se wainhira maka povu ne’e hamlaha ami ne’e seidauk bele senti saida maka ukun a’an,” nia husu.
Iha fatin ketak, Joel de Jesus hatete, nia parte lamenta ho servisu MTCI, tanba durante ne’e povu ne’e halerik, maibe Mnistri MTCI Gil Alves halo finji lahatene.
“Hau hakrak hatete deit katak karik nia laiha kapasidade, nia tenki rezigna a’an, atu nune’e buka fali ema seluk troka nia, selae povu ne’e halerik ba hamlaha nia halo finji lahatene,” katak nia. mik/efy
.
0 comentários:
Enviar um comentário