.
SUARA TIMOR LOROSAE - Kinta, 14 Outubru 2010
DILI-Prezidenti Republika, DR. Jose Ramos Horta, kontra maka’as planu Ministeriu Turismu, Comersiu no Industria (MTCI) atu fo fo’os ba parte Igreza hodi fa’an.
Horta dehan, maske ninia parte seidauk simu informasaun ofisial husi governu no parte Igreza, maibe nia la fiar katak Amu Bispu sira hakarak atu fa’an fo’os MTCI.
“ Hau seidauk Koalia ho Amu Bispu sira, hau seidauk rona proposta ida ne’e maibe hau la fiar ke Amu Bispu sira ke ema matenek, sira hakarak tama fali problema bo’ot ida ne’e,” deklara PR Horta ba jornalista sira, Kinta ohin, hafoin partisipa seremonia solene iha Parlamentu Nasional.
PR Horta afirma katak, nia fiar parte Igreza sei la simu pedidu MTCI atu sai emprezariu ba fo’os. Tuir nia, governu mak iha responsabilidade masimu atu fa’an fos subsidiu ba povu laos fo fila fali todan ne’e ba igreza.
“ Hau hanoin ita atu fo fali ba Igreza atu fa’an fos (MTCI) ne’e ladiak. Hau la fiar ke igreza mos hakarak simu fali todan ida ne’e. Igreza atu halo ida ne’e susar ituan,” komenta PR Horta.
Xefe Estadu ne’e dehan, tanba governu iha ona esperensia durante tinan barak nia laran, diak liu governu mak tenki buka solusaun ne’ebe diak ba problema fo’os. Horta fo solusaun katak, sistema diak liu ne’ebe MTCI presiza halo mak husik fo’os ba merkadu atu kontrola no governu kontinua hatama fo’os, maibe sei fo deit ba ema sira ne’ebe la iha kbiit atu sosa fo’os iha merkadu.
Ministru Turismu Komersiu no Industria (MTCI), Gil Alves, nega katak ninia parte nunka hato’o pedidu ba Dioseze atu fa’an fos MTCI. Georgino Santos
.
SUARA TIMOR LOROSAE - Kinta, 14 Outubru 2010
DILI-Prezidenti Republika, DR. Jose Ramos Horta, kontra maka’as planu Ministeriu Turismu, Comersiu no Industria (MTCI) atu fo fo’os ba parte Igreza hodi fa’an.
Horta dehan, maske ninia parte seidauk simu informasaun ofisial husi governu no parte Igreza, maibe nia la fiar katak Amu Bispu sira hakarak atu fa’an fo’os MTCI.
“ Hau seidauk Koalia ho Amu Bispu sira, hau seidauk rona proposta ida ne’e maibe hau la fiar ke Amu Bispu sira ke ema matenek, sira hakarak tama fali problema bo’ot ida ne’e,” deklara PR Horta ba jornalista sira, Kinta ohin, hafoin partisipa seremonia solene iha Parlamentu Nasional.
PR Horta afirma katak, nia fiar parte Igreza sei la simu pedidu MTCI atu sai emprezariu ba fo’os. Tuir nia, governu mak iha responsabilidade masimu atu fa’an fos subsidiu ba povu laos fo fila fali todan ne’e ba igreza.
“ Hau hanoin ita atu fo fali ba Igreza atu fa’an fos (MTCI) ne’e ladiak. Hau la fiar ke igreza mos hakarak simu fali todan ida ne’e. Igreza atu halo ida ne’e susar ituan,” komenta PR Horta.
Xefe Estadu ne’e dehan, tanba governu iha ona esperensia durante tinan barak nia laran, diak liu governu mak tenki buka solusaun ne’ebe diak ba problema fo’os. Horta fo solusaun katak, sistema diak liu ne’ebe MTCI presiza halo mak husik fo’os ba merkadu atu kontrola no governu kontinua hatama fo’os, maibe sei fo deit ba ema sira ne’ebe la iha kbiit atu sosa fo’os iha merkadu.
Ministru Turismu Komersiu no Industria (MTCI), Gil Alves, nega katak ninia parte nunka hato’o pedidu ba Dioseze atu fa’an fos MTCI. Georgino Santos
.
0 comentários:
Enviar um comentário