.
Jornal Nacional Diário, 16 Agostu 2010
Dili-Bancada FRETILIN liu husi Deputadu José Teixeira afirma deklarasaun Ministru Ekonomia i Dezenvolvimentu João Gonçalves ne’ebe koalia ba Jornalista sira foin lalais katak, Pulau Atauru bele sai fatin refujiadu.
Deputadu José Teixeira kasu lia hirak ne’e ba Jornalista sira, Sabadu (14/8) iha Parlamentu Nasional, hafoin rona no akompanha notisia ne’ebé sai iha Radio Australia no mos BBC.
Afirma deputadu Teixeira, entervista ne’ebe halao ne’e, sai iha Radio Australia I sai mos iha BBC, Ministru Ekonomia i Dezenvolvimentu Timor Leste João Gonçalves, iha entervista ne’e, ema bolu nia nudar Ministru i husu ba nia hanesan ne’e, kona ba negosiasaun kampo
refujiadus depois elisaun iha Australia 21 Agostu.
“Ami se bele hetan negosiasaun nee. Ba hau nia sujestaun hanesan hau dehan, ida ne’e laos Governu ninia pontu devista i ida ne’e hau nia pontu de vista pesoal, maibe ami iha pulau ida naran Atauru, ne’ebe presija atu deznevolve. Nunee hau bele dehan, se kampo prosesamentuV ne’e bele rai iha ne’eba, ita bele dezenvolve pulau ne’e, it abele harí luron, hatam be mos ba populasaun nia fatin, infraestrutura baziku, pontes kais, airportu i ida ne’e mak hanesankondisaun galun ne’ebé ami bele ijiji husi Australia molok atu tau kampu refujiadus sira ne’e, i depois kondisaun ida seluk, mak konserteja pipeline tenki mai Timor Leste, maibe ami latan luak hela ba negosiasaun depois mak ami hare negosiasaun ne’e mak saida." Haktuir Deputadu Teixeira, konaba deklarasaun Ministru Gonçalves iha Australia.
Deputadu FRETILIN Teixeira konsidera, deklarasaun Ministru João Gonçalves, hatudu ba sira (FRETILIN) katak, ne’e pozisaun fraku ke hatudu husi Ministru João Gonçalves nudar membru governu ida ne’ebé bot liu hatudu katak, nia fraku tebes ba Australia.
"Ita em vez de defende Timor Leste nia interese, maibe deklara pronto atu intrega fali Atauru ba Australia no atu troka fali Atauru ho Pipeline, ne’e hatudu estratejia fraku ou dehan iha portugues desespero, maske nia dehan opiniaun pessoal, maibe notisia ne’e fo sai ona iha Australia tomak, agora amo hein PM atu koalia katak, Ministru ne’e koalia lalos, ida ne’e Laos Governu no estadu Timor Leste nia pozisaun," koalia deputadu Teixeira.
Realsa Deputadu Teixeira, deklarasaun Ministru João Gonçalves mos kontra ona rejolusaun Parlamentu Nasional ninian ne’ebé rejeita totalmente prosesu ida ne’e i ninia partidu rasik mos apoiu rejulusaun ida ne’e, ne’eduni mak FRETILIN hare katak, Ministru João Gonçalves hatudu ona frakeja i imajen ne’e Governu mak fraku.
"Tamba bainhira Ministru ida ba koalia, hatudu frakeja ida hanesan ne’e ba Australia, ne’e lãos deit Ministru ida maka fraku atu defende Timor Leste nia interese," katak deputadu Teixeira.
Haklaken deputadu Teixeira, ida ne’e mos hatudu katak troka osamentu naran Atauru ba ba feuk fali.
Deputadu FRETILIN ne’e sublinha, nia akompanhia ninia deklarasaun i nia rona rasik, maske nia (Ministru Goncalves) dehan ne’e ninia opiniaun pesoal i laos governu nia pozisaun, deskulpa, tanba sira hali intervista ne’e, sira la halo ho ema babain ida ou ninia pesoal, maibe sira halo entervista ho nia nudar Ministru.
Nunee mos Deputadu Estanislau da Silva hateten, proposta Australia ke husu atu loke sentru refujiadu iha Timor Leste oras ne’e seidauk los, tanba ne’e nia husu ba Ministru hotu-hotu iha governu AMP labele koalia arbiru ba assuntu nasional ne’e bainhira vizita rai liur.
"Hau hanoin governi ida ukun rai, nia pozisaun tenkiser konsistenti, la’os ministru idaidak hateten buat ida ne’ebe tuir nia hakarak deit," afirma Estanislau.
Eis Primeiru Ministru iha Governu anterior ne’e, senti tristi tebtebes ho estetmentu Ministru João Gonçalves ke hateten illa Atauru nu’udar fatin diak ida atu hari’i sentru refujiadu internasional ne’e.
"Ita diak liu lalika halo espekulasaun , hau lahatene laos governu AMP atu ba loos ne’ebé? Sasan mós la’o arbiru ona, agora ida-idak halo tan deklarasaun konforme hakarak," akresenta Estanislao.
Tuir Estanislau, FRETILIN desde prinsipiu la aseita no kontra maka’as proposta Australia ke hakarak loke sentru prosesamentu ba refujiadu sira molok tama Australia.
Iha Oportunidade hanesan Vice Presidente PN Vicente Guterres hateten, pozisaun PN nian mak maioria deputadu deside tiha ona liu husi rezolusaun ne’ebe aprova ona katak, kontra maka’as sentru prosesamentu ba refujiadus iha Timor Leste antes tama Australia.
"Ita nia rai laran de’it mós mosu problema oi-oin kona-ba Estrada, eskola no selu-seluk tan, halo nusa mak tenki aranja tan problema seluk," informa Vicente.
Vicente haktuir, pedidu Australia nia ne’e lahun-ladikin, tanba ema sira ne’e hakarak omilia ba Australia, liu fali husi Timor Leste mak sai hanesan portaun ida tau defini refujiadus sira ne’ebe hakarak ba Australia ka la bele ba.
"Se la bele ba Australia, tenki hela iha TL, kuandu ema sira ne’e mmak hela ona iha TL, governu tenki hare kondisoens atu sira mós moris di’ak," duvida Vicente.
Ba kestaun, bainhira konfirma ho Ministru Dezenvolvimentu no Ekonomia João Gonçalves, nia laiha fatin tanba sei halão vizita ba Australia.
(Bdy/Acr)
.
Jornal Nacional Diário, 16 Agostu 2010
Dili-Bancada FRETILIN liu husi Deputadu José Teixeira afirma deklarasaun Ministru Ekonomia i Dezenvolvimentu João Gonçalves ne’ebe koalia ba Jornalista sira foin lalais katak, Pulau Atauru bele sai fatin refujiadu.
Deputadu José Teixeira kasu lia hirak ne’e ba Jornalista sira, Sabadu (14/8) iha Parlamentu Nasional, hafoin rona no akompanha notisia ne’ebé sai iha Radio Australia no mos BBC.
Afirma deputadu Teixeira, entervista ne’ebe halao ne’e, sai iha Radio Australia I sai mos iha BBC, Ministru Ekonomia i Dezenvolvimentu Timor Leste João Gonçalves, iha entervista ne’e, ema bolu nia nudar Ministru i husu ba nia hanesan ne’e, kona ba negosiasaun kampo
refujiadus depois elisaun iha Australia 21 Agostu.
“Ami se bele hetan negosiasaun nee. Ba hau nia sujestaun hanesan hau dehan, ida ne’e laos Governu ninia pontu devista i ida ne’e hau nia pontu de vista pesoal, maibe ami iha pulau ida naran Atauru, ne’ebe presija atu deznevolve. Nunee hau bele dehan, se kampo prosesamentuV ne’e bele rai iha ne’eba, ita bele dezenvolve pulau ne’e, it abele harí luron, hatam be mos ba populasaun nia fatin, infraestrutura baziku, pontes kais, airportu i ida ne’e mak hanesankondisaun galun ne’ebé ami bele ijiji husi Australia molok atu tau kampu refujiadus sira ne’e, i depois kondisaun ida seluk, mak konserteja pipeline tenki mai Timor Leste, maibe ami latan luak hela ba negosiasaun depois mak ami hare negosiasaun ne’e mak saida." Haktuir Deputadu Teixeira, konaba deklarasaun Ministru Gonçalves iha Australia.
Deputadu FRETILIN Teixeira konsidera, deklarasaun Ministru João Gonçalves, hatudu ba sira (FRETILIN) katak, ne’e pozisaun fraku ke hatudu husi Ministru João Gonçalves nudar membru governu ida ne’ebé bot liu hatudu katak, nia fraku tebes ba Australia.
"Ita em vez de defende Timor Leste nia interese, maibe deklara pronto atu intrega fali Atauru ba Australia no atu troka fali Atauru ho Pipeline, ne’e hatudu estratejia fraku ou dehan iha portugues desespero, maske nia dehan opiniaun pessoal, maibe notisia ne’e fo sai ona iha Australia tomak, agora amo hein PM atu koalia katak, Ministru ne’e koalia lalos, ida ne’e Laos Governu no estadu Timor Leste nia pozisaun," koalia deputadu Teixeira.
Realsa Deputadu Teixeira, deklarasaun Ministru João Gonçalves mos kontra ona rejolusaun Parlamentu Nasional ninian ne’ebé rejeita totalmente prosesu ida ne’e i ninia partidu rasik mos apoiu rejulusaun ida ne’e, ne’eduni mak FRETILIN hare katak, Ministru João Gonçalves hatudu ona frakeja i imajen ne’e Governu mak fraku.
"Tamba bainhira Ministru ida ba koalia, hatudu frakeja ida hanesan ne’e ba Australia, ne’e lãos deit Ministru ida maka fraku atu defende Timor Leste nia interese," katak deputadu Teixeira.
Haklaken deputadu Teixeira, ida ne’e mos hatudu katak troka osamentu naran Atauru ba ba feuk fali.
Deputadu FRETILIN ne’e sublinha, nia akompanhia ninia deklarasaun i nia rona rasik, maske nia (Ministru Goncalves) dehan ne’e ninia opiniaun pesoal i laos governu nia pozisaun, deskulpa, tanba sira hali intervista ne’e, sira la halo ho ema babain ida ou ninia pesoal, maibe sira halo entervista ho nia nudar Ministru.
Nunee mos Deputadu Estanislau da Silva hateten, proposta Australia ke husu atu loke sentru refujiadu iha Timor Leste oras ne’e seidauk los, tanba ne’e nia husu ba Ministru hotu-hotu iha governu AMP labele koalia arbiru ba assuntu nasional ne’e bainhira vizita rai liur.
"Hau hanoin governi ida ukun rai, nia pozisaun tenkiser konsistenti, la’os ministru idaidak hateten buat ida ne’ebe tuir nia hakarak deit," afirma Estanislau.
Eis Primeiru Ministru iha Governu anterior ne’e, senti tristi tebtebes ho estetmentu Ministru João Gonçalves ke hateten illa Atauru nu’udar fatin diak ida atu hari’i sentru refujiadu internasional ne’e.
"Ita diak liu lalika halo espekulasaun , hau lahatene laos governu AMP atu ba loos ne’ebé? Sasan mós la’o arbiru ona, agora ida-idak halo tan deklarasaun konforme hakarak," akresenta Estanislao.
Tuir Estanislau, FRETILIN desde prinsipiu la aseita no kontra maka’as proposta Australia ke hakarak loke sentru prosesamentu ba refujiadu sira molok tama Australia.
Iha Oportunidade hanesan Vice Presidente PN Vicente Guterres hateten, pozisaun PN nian mak maioria deputadu deside tiha ona liu husi rezolusaun ne’ebe aprova ona katak, kontra maka’as sentru prosesamentu ba refujiadus iha Timor Leste antes tama Australia.
"Ita nia rai laran de’it mós mosu problema oi-oin kona-ba Estrada, eskola no selu-seluk tan, halo nusa mak tenki aranja tan problema seluk," informa Vicente.
Vicente haktuir, pedidu Australia nia ne’e lahun-ladikin, tanba ema sira ne’e hakarak omilia ba Australia, liu fali husi Timor Leste mak sai hanesan portaun ida tau defini refujiadus sira ne’ebe hakarak ba Australia ka la bele ba.
"Se la bele ba Australia, tenki hela iha TL, kuandu ema sira ne’e mmak hela ona iha TL, governu tenki hare kondisoens atu sira mós moris di’ak," duvida Vicente.
Ba kestaun, bainhira konfirma ho Ministru Dezenvolvimentu no Ekonomia João Gonçalves, nia laiha fatin tanba sei halão vizita ba Australia.
(Bdy/Acr)
.
0 comentários:
Enviar um comentário