HUSIK FAMÍLIA TANBA TIMOR

.

José Valverde

Timor Post - Segunda, 23 Agosto 2010

Rai henek mutin iha area branca, kultura sosiál ne'ebé metin. Hirak ne´e mak halo ema estrangeiru balin konsidera hanesan furak ida husi Timor Leste. Ema fuik no le´et sai hanesan família. Tanba furak neé mak halo José Valverde haluhan família boot iha Portugal, inklui feen kaben no oan ida.

Valverde serbisu iha Radio no Telivisão Portugal no MAI Timor Iha 1999. Tinan 2003 misaun serbisu remata iha Timor Leste. José Valverde deside la-fila fali ba Portugal tanba nia sente Timor mak nia moris.

Aleinde furak ne´ebé Timor iha hodi haluhan família Valverde ne´ebé koalia tétum oituan, kria oportunidade ba Timor-oan balun hodi aprende iha area media nian.

Desizaun hodi la-fila ba Portugal, nia hari Valsa Produções ho programa ne´ebé fo sai iha RTP kada fulan ida dala rua iha sesta ho narram Timor Leste Contacto.

Fernando Sávio, Timor-oan ne´ebé hetan oportunidade hanesan presenter desde hari Valsa Produções hateten, aprende buat barak husik Valverde, ne´ebé sexta ( 20/08) foin lalais halo tinan ba 56.

Sávio haktuir, nia aprende vídeo , dokumentario, produsaun, camera, áudio, jornalismo no seluk tan iha area media husi Jose Valverde, ne´ebé ho esperiensia iha televizaun durante tinan 18.

"Programa iha Timor Leste Contacto mak turismu no but seluk ne´ebé positivu no promove Timor, laos politiku ou baku malu nian" , katak Sávio ba diário ne´e iha restaurante Ponto de Encontru, Metiaut.

" Hau nia família atualmente iha Portugal, maibe hau gosta liu moris iha Timor ", dehan Valverde ba diário ne´e, iha Metiaut.

Festa tinan ba dala 56 ne´ebé halo iha Metiaut, nia konfessa kontente, maske do´ok husi família tanba Valverde senti Timor mak nia família

Happy Birthday!!

( Rita Almeida/Judite da Cruz)
.