HUGO VALENTE REZEITA SEIDAUK HETAN KONTAKTU HUSI AMP

.

Ivo Valente, foto CJITL

Written by CJITL Editor - Monday, 16 August 2010

CJITL flash, Relasiona ho publikasaun media ne’ebe deklara katak Eis Vise Prokurador Jeral Republika, Ivo Valenti sai ona kandidatu forte ba Vise Ministru Justisa hetan rezeita husi nia parte tanba to’o agora seidauk hetan pedidu ruma husi Primeiru Ministru Jose Alexandre Xanana Gusmão.

Ivo Valenti konsidera informasaun ne’e hanesan rumores konaba publikasaun media nasional ne’ebe hakerek nia sai ona kandidatu forte ba kargu manas vise ministru justisa nian.

Rezeitasaun ne’e Ivo hato’o liu via telefone foin lalais ne’e ba media nasional “Suara Timor Lorosa’e (STL).

Porta Voz CNRT, Aderito Hugo da Costa mos deklara katak partidu CNRT iha ona kandidatu ba kargu ne’e maibe sei segredu no labele publika uluk tanba presiza hetan konkordansia husi prezidenti partidu nian.

Antes ne’e Ivo Valenti mos sai kandidatu ba instituisaun importante rua mak hanesan Provedoria Direitus Humanus (PDHJ) no Komisaun Anti Korupsaun (KAK) ne'ebe ikus mai la pasa iha votasaun ou lakon ho kandidatu seluk ne'ebe oras ne'e dadaun kaer pasti PDHJ ho KAK. (*/CJITL)
.