HORTA NO EMILIA PIRES KOALIA ASUNTU PAKOTE FISKAL TINAN 2011

.

Written by Domingos da Silva - Wednesday, 04 August 2010

CJITL Flash, Atu bele iha trasa planu ne’ebe diak hodi halo dezenvolvimnetu ba nasaun foun ida ne’e, Tersa feira horseik Prezidente Republika, Jose Ramos Horta no Ministra Finansas, Emilia Pires halo deskute konaba pakote fikal tinan 2011 nian.

Razaun Emilia Pires bolu Xefi Estadu hodi koalia konaba pakote fiscal ba tinan oin ne’e atu hetan informasaun klaru husi Gabineti Prezidenti ba planu dezenvolvimentu nian.

“Ami mos husu ba Prezidente Republika planu saida mak sira sei halo, para ita halo deskuti hodi bele hatudu ba governu, saida mak sira sei halo iha tinan 2011”, dehan Emilia Pires, Tersa, (03/08) ne’e iha edifisiu Ministeriu Finansa, Akait-Dili

Ministra ne’e mos dehan sei bolu fila fali xefi estadu iha Kinta feira semana ne’e hodi halo diskusaun konaba pakote fiskal tinan oin nian.

Nia mos dehan Premeadu Nobel da Paz ne’e mos sei halo diskusaun iha ninia gabineti rasik konaba planu ne’ebe sira atu trasa iha tinan oin.

Tuir Ministra Finansas ne'e katak dadaun ne’e persiza duni halo ona planu fiskal atu nune’e bele tinan oin hein implementa deit. (CJITL/Domingos da Silva)
.