.
Timor Post, Kuarta 18 Agostu 2010
Dili-Enkontru entre reprejentante unidade Polisia sira, ofisiais, sarjentus no Ajente husi distritu nomos husi kuartel jeral Polisia Nasional Timor Leste nian hodi buka solusaun atu resolve problema ne’ebé akontese depois promosaun faze primeiru ne’ebé halakon displinha hirarkia iha PNTL nia laran.
Iha enkontru ida ne’e reprejentante sira la satisfas ba prosesu izame ba promosaun deviza iha faze primeiru nian ne’ebé mosu dala barak tendensia interese balun.
Tanba ne’e reprejentante husi unidade polisia sira no mos polisia distritu sira husu komando jeral PNTL atu hadia sistema promosaun ne’ebé lão ladiak, ne’e para iha futuru oin mai instituisaun PNTL iha ninia displinha ne’ebé maka’as tuir hirarkia komando ne’ebé lei regula ona.
Depois enkontru ida ne’e komodante jeral PNTL, Lobginhos Monteiro informa ba jornalista sira katak, iha enkontru ne’ebé halão entre reprejentante distritu nomos Unidade Polisia sira seluk hodi deskuti oituan konaba komisaun akompanhamentu promosaun ninian ne’ebé mosu dezentendementu ruma tamba latuir politika governu nian ne’ebé orienta ona iha lei.
"Enkontru ida ne’e reprejentante husi Polisia distritu sira, unidade polisia sira seluk partisipa odi husu kestaun kona ba prosesu lala’ok komisaun akompanhamentu ninian talves iha dezentendementu ki’ikoan konaba proseu ida ne’e mai, i sira espera katak la tuir orientasaun politika ne’ebé mak governu hato’o ona,“ dehan Longuinhos iha sentru formasaun Komoro Segunda, (16/08).
Longuinhos esplika liu tan, tanba ne’e mak partisipantes enkontru ne’e suzere ba komando atu bele fo konsiderasaun ba sira ne’ebé maka seidauk iha oportunidade atu update.
Tuir Longuinhos hateten, liliu ba sira ne’ebé kaer kargu sefia iha tinan barak ona mais ate agora ema sira ne’e seidauk hatene lolos sira nia situasaun, tamba membru sira ne’e sei mantein hela sira nian kadetis antigu nian.
Liu-liu ba sira ne’ebé kaer pozisaun sefia durante tinan barak ona, i to’o agora seidauk hatene lolos sira ninia situasaun, tamba sira mantein hela ho patentis ne’ebé mak mai ho karakter antigu, seidauk iha atividade kadetis foun,' katak Longuinhos ba jornalista sira.
Komodante Jeral Longuinhos reafirma liu tan, iha kestaun seluk ne’ebé deskuti iha enkontru ida ne’e mos koalia kona ba problema ne’ebé mosu iha unidade polisia nia laran, liu-liu kona ba problema restruturasaun.
Tanba tuir esplikasaun, Longuinhos katak, restruturasaun ba sefia nian depende ba postus deviza nomos kargu ne’ebé ajusta ho postu.
"Iha parte segundu mos hare’e konaba problema ne’ebé mosu iha Unidade laran, liu-liu kana ba problema restruturasaun tamba restruturasaun ba sefias nian depende ba iha postus ho deviza homos kargu ne’ebé mak atu ajusta ho postus," tenik Longuinhos.
Longuinhos fo ezemplo katak, hanesan iha unidade especial no iha fatin sira seluk estrutura hateten dehan katak komandante kompanhia ida ka segundu komandante ida tenki ser kaer ho ema postu minimu Inspektus ou Inspektur Xefe.
Maibe tuir komodante jeral katak realidade iha estrutura PNTL ida ne’e nia laran laiha ema ho parentes hanesan.
"Hanesan akontese iha Unidade especial homos fatin sira seluk estrutura hateten dehan katak pruzemplu komadante kompanhia ida ka segundu komandante ida tenke ser kaer ho ema ho postus minimu inspektur ou Inspektur Xefe maibe realidade iha strutura komando ida ne’e laiha ema ho partensia hanesan," lembra Longuinhos. Longuinhos reafirma katak, tamba ne’e mak sefia agora ne’e sei fo fiar ba antigu sira ne’e mak sei fo konsiderasaun hodi kaer nafatin kargu sira ne’e.
"Purtantu sefias antigu nenee mak sira husik sementara sei konsiderasaun para restruturasaun ne’e bele lão tuir ninia dalan," hateten Longuinhos.
"Longuinhos hatutan, tamba lajustu mos kuandu sei iha organizasaun ida ninia membru laiha postu supriores ho hela ajente maibe asumi hela kargu superior ne’e tuir nia katak ida lão la dun diak,” hatutan Longuinhos.
Longuinhos realsa katak ho ida ne’e mak iha enkontru, ne’e reprejentante husu para komisaun akompanhiamentu tenki halo avaliasaun ba failansu sira ne’e hodi rekomenda.
"Tamba ne’e mak husu para depois husi komisaun akompanhiamentu tenke ser halo avaliasaun ba buat sira ne’e para atu rekomenda," esplika Longuinhos.
Longuinhos hateten, komodante jeral ninian sujestaun somente atu fo deit opiniaun katak se bele karik diak liu involve mos jestaun PNTL nian nomos fo konsiderasaun ekstra ba impeinhamentu funsaun ema nian durante tinan barak nia laran ba kursu ka formasaun ne’ebé halão ona iha liur.
Longuinhos hatutan, kriteriu sira ne’e tenki ser tau mos iha avaliasaun para tau konsiderasaun.
"Kriteria sira ne’e tenke ser tau mos iha avaliasaun para fo konsiderasaun ruma hodi depois junta hamutuk rezultadu intelektual ninian para hela balansu diak ida," hateten Longuinhos.
Longuinhos sublinha liu tan, faze segundu ne’e atu realize wainhira ne’e komando seidauk hatene mais oinsa mak atu hato’o opiniaun sira ne’e ba iha governu para haree didiak ida nee.
Tuir Longuinhos katak, atu realiza faze segundu wainhira kuandu komisaun akompanhiamentu konklui ona ninia misaun tamba komisaun maka sei fo ninia rekomendasaun diak. (Florindo Punalayi Coluna)
.
Timor Post, Kuarta 18 Agostu 2010
Dili-Enkontru entre reprejentante unidade Polisia sira, ofisiais, sarjentus no Ajente husi distritu nomos husi kuartel jeral Polisia Nasional Timor Leste nian hodi buka solusaun atu resolve problema ne’ebé akontese depois promosaun faze primeiru ne’ebé halakon displinha hirarkia iha PNTL nia laran.
Iha enkontru ida ne’e reprejentante sira la satisfas ba prosesu izame ba promosaun deviza iha faze primeiru nian ne’ebé mosu dala barak tendensia interese balun.
Tanba ne’e reprejentante husi unidade polisia sira no mos polisia distritu sira husu komando jeral PNTL atu hadia sistema promosaun ne’ebé lão ladiak, ne’e para iha futuru oin mai instituisaun PNTL iha ninia displinha ne’ebé maka’as tuir hirarkia komando ne’ebé lei regula ona.
Depois enkontru ida ne’e komodante jeral PNTL, Lobginhos Monteiro informa ba jornalista sira katak, iha enkontru ne’ebé halão entre reprejentante distritu nomos Unidade Polisia sira seluk hodi deskuti oituan konaba komisaun akompanhamentu promosaun ninian ne’ebé mosu dezentendementu ruma tamba latuir politika governu nian ne’ebé orienta ona iha lei.
"Enkontru ida ne’e reprejentante husi Polisia distritu sira, unidade polisia sira seluk partisipa odi husu kestaun kona ba prosesu lala’ok komisaun akompanhamentu ninian talves iha dezentendementu ki’ikoan konaba proseu ida ne’e mai, i sira espera katak la tuir orientasaun politika ne’ebé mak governu hato’o ona,“ dehan Longuinhos iha sentru formasaun Komoro Segunda, (16/08).
Longuinhos esplika liu tan, tanba ne’e mak partisipantes enkontru ne’e suzere ba komando atu bele fo konsiderasaun ba sira ne’ebé maka seidauk iha oportunidade atu update.
Tuir Longuinhos hateten, liliu ba sira ne’ebé kaer kargu sefia iha tinan barak ona mais ate agora ema sira ne’e seidauk hatene lolos sira nia situasaun, tamba membru sira ne’e sei mantein hela sira nian kadetis antigu nian.
Liu-liu ba sira ne’ebé kaer pozisaun sefia durante tinan barak ona, i to’o agora seidauk hatene lolos sira ninia situasaun, tamba sira mantein hela ho patentis ne’ebé mak mai ho karakter antigu, seidauk iha atividade kadetis foun,' katak Longuinhos ba jornalista sira.
Komodante Jeral Longuinhos reafirma liu tan, iha kestaun seluk ne’ebé deskuti iha enkontru ida ne’e mos koalia kona ba problema ne’ebé mosu iha unidade polisia nia laran, liu-liu kona ba problema restruturasaun.
Tanba tuir esplikasaun, Longuinhos katak, restruturasaun ba sefia nian depende ba postus deviza nomos kargu ne’ebé ajusta ho postu.
"Iha parte segundu mos hare’e konaba problema ne’ebé mosu iha Unidade laran, liu-liu kana ba problema restruturasaun tamba restruturasaun ba sefias nian depende ba iha postus ho deviza homos kargu ne’ebé mak atu ajusta ho postus," tenik Longuinhos.
Longuinhos fo ezemplo katak, hanesan iha unidade especial no iha fatin sira seluk estrutura hateten dehan katak komandante kompanhia ida ka segundu komandante ida tenki ser kaer ho ema postu minimu Inspektus ou Inspektur Xefe.
Maibe tuir komodante jeral katak realidade iha estrutura PNTL ida ne’e nia laran laiha ema ho parentes hanesan.
"Hanesan akontese iha Unidade especial homos fatin sira seluk estrutura hateten dehan katak pruzemplu komadante kompanhia ida ka segundu komandante ida tenke ser kaer ho ema ho postus minimu inspektur ou Inspektur Xefe maibe realidade iha strutura komando ida ne’e laiha ema ho partensia hanesan," lembra Longuinhos. Longuinhos reafirma katak, tamba ne’e mak sefia agora ne’e sei fo fiar ba antigu sira ne’e mak sei fo konsiderasaun hodi kaer nafatin kargu sira ne’e.
"Purtantu sefias antigu nenee mak sira husik sementara sei konsiderasaun para restruturasaun ne’e bele lão tuir ninia dalan," hateten Longuinhos.
"Longuinhos hatutan, tamba lajustu mos kuandu sei iha organizasaun ida ninia membru laiha postu supriores ho hela ajente maibe asumi hela kargu superior ne’e tuir nia katak ida lão la dun diak,” hatutan Longuinhos.
Longuinhos realsa katak ho ida ne’e mak iha enkontru, ne’e reprejentante husu para komisaun akompanhiamentu tenki halo avaliasaun ba failansu sira ne’e hodi rekomenda.
"Tamba ne’e mak husu para depois husi komisaun akompanhiamentu tenke ser halo avaliasaun ba buat sira ne’e para atu rekomenda," esplika Longuinhos.
Longuinhos hateten, komodante jeral ninian sujestaun somente atu fo deit opiniaun katak se bele karik diak liu involve mos jestaun PNTL nian nomos fo konsiderasaun ekstra ba impeinhamentu funsaun ema nian durante tinan barak nia laran ba kursu ka formasaun ne’ebé halão ona iha liur.
Longuinhos hatutan, kriteriu sira ne’e tenki ser tau mos iha avaliasaun para tau konsiderasaun.
"Kriteria sira ne’e tenke ser tau mos iha avaliasaun para fo konsiderasaun ruma hodi depois junta hamutuk rezultadu intelektual ninian para hela balansu diak ida," hateten Longuinhos.
Longuinhos sublinha liu tan, faze segundu ne’e atu realize wainhira ne’e komando seidauk hatene mais oinsa mak atu hato’o opiniaun sira ne’e ba iha governu para haree didiak ida nee.
Tuir Longuinhos katak, atu realiza faze segundu wainhira kuandu komisaun akompanhiamentu konklui ona ninia misaun tamba komisaun maka sei fo ninia rekomendasaun diak. (Florindo Punalayi Coluna)
.
0 comentários:
Enviar um comentário