.
Written by Atay Alves, Editor Executivo CJITL - Thursday, 12 August 2010
Editorial, Problema fos marka Ministeriu Komersiu no Industria (MTCI) to’o agora nafatin sai polemika bo’ot iha nasaun foun ida ne’e.
Governu Aliansa Maioria Parlamentar (AMP) ne’ebe lidera husi Primeiru Ministru Jose Alexandre Xanana Gusmão liu-liu MTCI hetan kritika lor-loron hahu husi povu aileba, Sosiadade Sivil, Akademiku inklui Parlamentu Nasional.
Liu husi esforsu oi-oin MTCI ne’ebe xefia Ministru Gil Alves halo hodi kontrola prosesu distribuisaun fos subsidiu governu nian ne’e mos nafatin laiha mudansa.
Iha fulan hirak liu ba MTCI liu husi servisu hamutuk ho Organizasaun Naun Govermental Lalenok Ba Ema Hotu (LABEH) halo konsultasaun nasional ho lideransa lokal, estudante univeristairu no emprezariu nasional iha Timor Leste.
Maibe situasaun ida ne’e nunka fo sastifasaun ba povu ki’ikoan ne’ebe ekonomikamente laiha kbit atu bele sosa no goza fos subsidiu husi governu ne’e.
Tanba folin fos MTCI iha merkadu la stavel tuir standar ne’ebe dirasaun MTCI diside. Agora iha perguntas boot ne’ebe mosu tanba saida mak folin fos ne’e nunka stavel?
Maske LABEH hatama ona rekomendasaun husi konsultasaun nasional konaba prosesu distribuisaun fos MTCI ne’e, karik MTCI mak seidauk implementa rekomendasaun husi LABEH ka rekomendasaun ne’e tuir MTCI la rezolve problema?
Ida ne’e hanesan perguntas ida ba ita hotu atu fo hanoin lesuk katak problema folin fos ne’e mai husi ne’ebe no tanba saida. Maibe tuir realidade ne’ebe iha hatudu katak mekanismu kontrolasaun husi MTCI rasik mak ladun efisiente no efikas.
No pior liu tan wainhira emprezariu lokal sira komesa halo kong kali kon ho funsionariu MTCI hodi manipula prosesu distribuisaun fos ne’ebe refere.
Iha semana hirak liu ba MTCI identifika kios hamutuk atus ida resin iha distritu sanolu resin tolu hodi bele halo sirkulasaun fos MTCI ba povu sira maibe mehi ida ne’e nafatin laiha rezultadu tanba kios hirak ne’ebe sira identifika nafatin halo manipulasaun ba folin fos.
Husi hahalok emprezariu hirak ne’e, povu barak halo kritika ka hare’e MTCI hanesan diabu tanba halo terus deit ema, maibe parte emprezariu sira senti kontente no tane MTCI hanesan anju bo’ot ida ne’ebe salva ona sira nia vida hodi hetan osan barak liu tan liu husi faan fos ne’e.
Buat hotu sei tuir nia lala’ok se mak sala no semak los iha prosesu distribuisaun ne’e, MTCI ka Emprezariu? No se mak diabu hodi halo terus povu no se mak anju hodi salva povu?
Hein katak perguntas ida ne’e rai hela ba emprezariu sira no dirasaun MTCI atu tetu hodi fo solusaun ba problema folin fos ne’e. (Atay/CJITL)
.
Written by Atay Alves, Editor Executivo CJITL - Thursday, 12 August 2010
Editorial, Problema fos marka Ministeriu Komersiu no Industria (MTCI) to’o agora nafatin sai polemika bo’ot iha nasaun foun ida ne’e.
Governu Aliansa Maioria Parlamentar (AMP) ne’ebe lidera husi Primeiru Ministru Jose Alexandre Xanana Gusmão liu-liu MTCI hetan kritika lor-loron hahu husi povu aileba, Sosiadade Sivil, Akademiku inklui Parlamentu Nasional.
Liu husi esforsu oi-oin MTCI ne’ebe xefia Ministru Gil Alves halo hodi kontrola prosesu distribuisaun fos subsidiu governu nian ne’e mos nafatin laiha mudansa.
Iha fulan hirak liu ba MTCI liu husi servisu hamutuk ho Organizasaun Naun Govermental Lalenok Ba Ema Hotu (LABEH) halo konsultasaun nasional ho lideransa lokal, estudante univeristairu no emprezariu nasional iha Timor Leste.
Maibe situasaun ida ne’e nunka fo sastifasaun ba povu ki’ikoan ne’ebe ekonomikamente laiha kbit atu bele sosa no goza fos subsidiu husi governu ne’e.
Tanba folin fos MTCI iha merkadu la stavel tuir standar ne’ebe dirasaun MTCI diside. Agora iha perguntas boot ne’ebe mosu tanba saida mak folin fos ne’e nunka stavel?
Maske LABEH hatama ona rekomendasaun husi konsultasaun nasional konaba prosesu distribuisaun fos MTCI ne’e, karik MTCI mak seidauk implementa rekomendasaun husi LABEH ka rekomendasaun ne’e tuir MTCI la rezolve problema?
Ida ne’e hanesan perguntas ida ba ita hotu atu fo hanoin lesuk katak problema folin fos ne’e mai husi ne’ebe no tanba saida. Maibe tuir realidade ne’ebe iha hatudu katak mekanismu kontrolasaun husi MTCI rasik mak ladun efisiente no efikas.
No pior liu tan wainhira emprezariu lokal sira komesa halo kong kali kon ho funsionariu MTCI hodi manipula prosesu distribuisaun fos ne’ebe refere.
Iha semana hirak liu ba MTCI identifika kios hamutuk atus ida resin iha distritu sanolu resin tolu hodi bele halo sirkulasaun fos MTCI ba povu sira maibe mehi ida ne’e nafatin laiha rezultadu tanba kios hirak ne’ebe sira identifika nafatin halo manipulasaun ba folin fos.
Husi hahalok emprezariu hirak ne’e, povu barak halo kritika ka hare’e MTCI hanesan diabu tanba halo terus deit ema, maibe parte emprezariu sira senti kontente no tane MTCI hanesan anju bo’ot ida ne’ebe salva ona sira nia vida hodi hetan osan barak liu tan liu husi faan fos ne’e.
Buat hotu sei tuir nia lala’ok se mak sala no semak los iha prosesu distribuisaun ne’e, MTCI ka Emprezariu? No se mak diabu hodi halo terus povu no se mak anju hodi salva povu?
Hein katak perguntas ida ne’e rai hela ba emprezariu sira no dirasaun MTCI atu tetu hodi fo solusaun ba problema folin fos ne’e. (Atay/CJITL)
.
2 comentários:
boa tarde ba maluk lee nain sira
tuir hau nia pontu de vista tuir lolos MTCI tengki loke koperasi iha sub distritu idak-idak hodi fan fos nee iha kilogram deit para ita nia povo sira bele iha kbit atu sosa, se MTCI fan ho saco tomak ho nia Preço $9 ita nia povo sira moris fatin isolado sira labele atu sosa tamba kbit atu hetan dollars ba loron 1 mos susar para mate.
MCTI laos anjo ka diabo tamba ne'e instituição estado nian ida. Sai anjo ka diabo ne'e ita refere deit ba ema, hanesan Gil Alves ne'e mak ita bele dehan nia Anjo ka DIABO. Se Gil Alves ne'e DIABO diakliu sai deit husi kargo Ministro tamba estraga Instituisaun Estado nian.
Enviar um comentário