Timor Post, Kuarta 18 Agostu 2010
Dili-Membru Parlamentu Nasional husi Bancada FRETILIN Joaquim Amaral eziji ba Governu no Kompañia ne’ebé kaer Projeitu ba liña transmisaun eletrisidade nian atu responsabliza tanba ai riin eletrisidade ne’ebé foin monta iha fulan hirak liu ba barak maka tohar.
Deputadu Joaquim Amaral hateten kualker projeitu kuandu la tuir tenderizasaun no laiha planu sei fo inpaktu ba kualidade de projeitu.
"Ida ne’e provas ida ne’ebé halo sasan la tuir tender, li-liu laiha dokumentus tékniku ba projeitu ruma," haktuir Joaquim, Bainhira halo observasaun ba ai riin eletrisidade ne’ebé tohar iha Área Branca, Tersa (17/08).
"Ne’e korupsaun, se hakarak provas, Provas mak ne’e (ai riin liña tramisaun tohar). Tuir lolos Vise Primeiru Ministru ba assuntu boa governasaun haruka nia ekipa hodi investiga inklui inspetor jeral atu haree fila fali dokumentus ne’ebé halo kontratu ho kompañia ne’ebé
monta liña distribuisaun iha Dili laran," Katak Joaquim.
Nia haklaken projeitu refere uza osan ho montante ne’ebé bo’ot, tanba ne’e presiza halo investigasaun ba prokuramen liliu ba kompania ne’ebe konsidera laiha responsablidade.
Nia (Joaquim) esplika ai riin eletrisidade ne’ebé foin mak monta laiha duni kualidade, tuir nia katak besi inklui airame ne’ebé uja hodi halo ai riin refere loloos uza ba bronjong nian, ai riin sira ne’e mak estende to’o distritu sei fo perigu ba povu nia vida tanba eletrisidade bele hamate ema.
Joaquim haktuir orsamentu Jerald u estadu governu konsege aloka kuaze US$ 17 milloes ba projeitu reabilitasaun redi distribuisaun.
Iha fatin hanesan, Deputadu Bancada FRETILIN Inacio Moreira, haklaken sekretariu Estadu Eletrisidade no Vise PM assuntu boa Governasaun tenke responsabliza tanba gasta osan barak ba projetu refere. (agus dos santos)
.
0 comentários:
Enviar um comentário