.
CJITL- Written by Pedro Delfim-Thursday, 17 June 2010
Breaking news, Membru Polisia Nasional Timor Lorosa'e - PNTL husi ekipa task force dala ida tan hatudu mentalidade premanismu no hahalok at hasoru jornalista, ne'ebe iha Quarta madrugada semana ne'e (16/6) hadau ekipamentus no baku Assistente Editor Jornal Diario Joao Guterres da Silva bainhira tenta atu hasai filmajen husi asaun brutal PNTL hasoru motorista sira ne'ebe la uja helem hafoin asiste jogu copa mundial husi palacio governu.
Kronolojia kompletu husi atetude PNTL hasoru jornalista lokal ne'e CJITL sei fo sai, oras balun husi agora.
Joao Guterres da Silva nu'udar jornalista Jornal Diario Nasional ne'ebe hetan baku tuku no tebe husi elementu Task Force PNTL ho razaun atu bandu jornalista ne'e labele hasai imajen konaba hahalok at PNTL nian.
Direitor CJITL, Julio Gil da Silva Guterres ne'ebe mos hanesan Maun ba jornalista ne'e sente lamenta tebes no fo ultimatum ba Autoridade PNTL Longinhos Monteiru nian atu husu deskulpa ba media nasional iha oras 72 nia laran.
"Bainhira iha oras 72 nia laran mak la husu deskulpa oficial ida ba media tomak iha Timor Leste liu - liu ba jornal Diario Nasional maka CJITL sei halo kampanhe ida hamutuk ho asosiasaun media 5 seluk iha Timor atu boikota no embargo aktividade PNTL iha Timor ne'e signifika katak media sei hakoi PNTL nia naran husi media nia publikasaun" Gil hateten iha intervista. (Pedro/CJITL)
.
CJITL- Written by Pedro Delfim-Thursday, 17 June 2010
Breaking news, Membru Polisia Nasional Timor Lorosa'e - PNTL husi ekipa task force dala ida tan hatudu mentalidade premanismu no hahalok at hasoru jornalista, ne'ebe iha Quarta madrugada semana ne'e (16/6) hadau ekipamentus no baku Assistente Editor Jornal Diario Joao Guterres da Silva bainhira tenta atu hasai filmajen husi asaun brutal PNTL hasoru motorista sira ne'ebe la uja helem hafoin asiste jogu copa mundial husi palacio governu.
Kronolojia kompletu husi atetude PNTL hasoru jornalista lokal ne'e CJITL sei fo sai, oras balun husi agora.
Joao Guterres da Silva nu'udar jornalista Jornal Diario Nasional ne'ebe hetan baku tuku no tebe husi elementu Task Force PNTL ho razaun atu bandu jornalista ne'e labele hasai imajen konaba hahalok at PNTL nian.
Direitor CJITL, Julio Gil da Silva Guterres ne'ebe mos hanesan Maun ba jornalista ne'e sente lamenta tebes no fo ultimatum ba Autoridade PNTL Longinhos Monteiru nian atu husu deskulpa ba media nasional iha oras 72 nia laran.
"Bainhira iha oras 72 nia laran mak la husu deskulpa oficial ida ba media tomak iha Timor Leste liu - liu ba jornal Diario Nasional maka CJITL sei halo kampanhe ida hamutuk ho asosiasaun media 5 seluk iha Timor atu boikota no embargo aktividade PNTL iha Timor ne'e signifika katak media sei hakoi PNTL nia naran husi media nia publikasaun" Gil hateten iha intervista. (Pedro/CJITL)
.
0 comentários:
Enviar um comentário