.
Jornal Diario Nacional, 3 Junhu 2010
Primeiru Ministru (PM), Kay Rala Xanana Gusmão afirma, timor-oan sira lalika fi'ar demais fundus ne'ebe inklui iha programa Estadus Unidus Amerika (EUA), ho naran The Millennium Challenge Corporation (MCC).
PM Xanana hateten, programa MCC ne'e bele bo'ot to'o iha ne'ebe mos nia hanesan Xefi Governu ba nasaun ida ne'e nia nunka fi'ar tamba dala barak ona mak koalia kriterias tu'un sae de'it.
"Ita lalika fi'ar MCC ne'e. Ita bele gasta ita nia osan ne'ebe mak iha atu ita bele hatene ita nia kapasidade ne'e to'o iha ne'ebe, no labele halo sira (MCC) fo tiha sira nia osan mai sira komesa haruka tu'un sae ita," hateten PM Xanana, Tersa (01/06), wainhira halao sorumutu ho Administrador Distritus no Sub-Distritu parte rai klaran nian, iha salaun Delta Nova, Comoro-Dili.
Maske PM Xanana afirma pozisaun ne'e, maibe MCC liu husi karta komonikadu ba imprensa ne'ebe Jornalista Diário ne'e assesu horiseik informa, MCC aprova tiha ona miliaun U$ 10.5 hodi ajuda TImor Leste.
Osan ne'ebe MCC aprova ona ne'e bazeia ba proposta Governu TImor Leste nian atu uja ba estratejia imunizasaun labarik sira no luta kontra korupsaun iha nasaun ne'e.
Xefi Exekutivu Offisial MCC nian iha karta komonikadu ba imprensa ne'e hatete, nia fi'ar katak ho osan mak nia parte sei oferese ofisialmente ba Governu TImor Leste ejekuta ne'e, bele hametin komitmentu Governu hodi dezenvolve seitor saude labarik no hamenus korupsaun.
Iha sorumutu PM Xanana ho Administrador Distritus no Sub-Distritu rai klaran ne'e, PM Xanana husu atu wainhira Governu aloka ona orsamentu ba pakote dezenvolvimentu iha Distritu ida-idak esforsu a'an ho orsamentu ne'e garante kualidade, atu povu tomak bele sente ne'ebe halao sussesu no povu sei kontenti.
"Ita buka haka'as a'an lao hamutuk, kumpri ho responsabilidade, tamba ho ita hamutuk mak sira iha kraik bele kontenti. Ita kompriende malu, ajuda malu," sublinha PM Xanana.
Xefi Governu ne'e esklarese katak ho pakote dezenvolvimentu hanesan mos parte ida hahu'u prosesu dezentralizasaun, atu fo kbi'it ba autoridade lokal sira bele ejekuta osan Estadu nian ho responsabilidade.
"Governu sei hasai U$ 50 mil ba kraik sei entrega ba Xefi Sucu sira, U$250mil ba kraik entrega ba Administradores sira," informa PM Xanana.
Iha okajiaun PM Xanana hateten, esperiensia pakote referendum kompania balun malandru. Tamba ne'e nia parte sei toma atensaun ba kestaun ne'e, no ho pakote dezenvolvimentu bele hadi'ak liu tan.
Partisipa iha sorumutu ne'e, Ministru Administrasaun Estatal i Ordenamentu Teritoriu, Arcangelo Leite, Vice Ministra Saude, Madalena Hanjam, Direktor Geral Finansas Estadu, Francisco Burolako, Administrador Distritus no Sub-Distritu husi parte rai klaran nian, reprejentante AECOOP Distritus sira no partisipantes seluk.
.
Jornal Diario Nacional, 3 Junhu 2010
Primeiru Ministru (PM), Kay Rala Xanana Gusmão afirma, timor-oan sira lalika fi'ar demais fundus ne'ebe inklui iha programa Estadus Unidus Amerika (EUA), ho naran The Millennium Challenge Corporation (MCC).
PM Xanana hateten, programa MCC ne'e bele bo'ot to'o iha ne'ebe mos nia hanesan Xefi Governu ba nasaun ida ne'e nia nunka fi'ar tamba dala barak ona mak koalia kriterias tu'un sae de'it.
"Ita lalika fi'ar MCC ne'e. Ita bele gasta ita nia osan ne'ebe mak iha atu ita bele hatene ita nia kapasidade ne'e to'o iha ne'ebe, no labele halo sira (MCC) fo tiha sira nia osan mai sira komesa haruka tu'un sae ita," hateten PM Xanana, Tersa (01/06), wainhira halao sorumutu ho Administrador Distritus no Sub-Distritu parte rai klaran nian, iha salaun Delta Nova, Comoro-Dili.
Maske PM Xanana afirma pozisaun ne'e, maibe MCC liu husi karta komonikadu ba imprensa ne'ebe Jornalista Diário ne'e assesu horiseik informa, MCC aprova tiha ona miliaun U$ 10.5 hodi ajuda TImor Leste.
Osan ne'ebe MCC aprova ona ne'e bazeia ba proposta Governu TImor Leste nian atu uja ba estratejia imunizasaun labarik sira no luta kontra korupsaun iha nasaun ne'e.
Xefi Exekutivu Offisial MCC nian iha karta komonikadu ba imprensa ne'e hatete, nia fi'ar katak ho osan mak nia parte sei oferese ofisialmente ba Governu TImor Leste ejekuta ne'e, bele hametin komitmentu Governu hodi dezenvolve seitor saude labarik no hamenus korupsaun.
Iha sorumutu PM Xanana ho Administrador Distritus no Sub-Distritu rai klaran ne'e, PM Xanana husu atu wainhira Governu aloka ona orsamentu ba pakote dezenvolvimentu iha Distritu ida-idak esforsu a'an ho orsamentu ne'e garante kualidade, atu povu tomak bele sente ne'ebe halao sussesu no povu sei kontenti.
"Ita buka haka'as a'an lao hamutuk, kumpri ho responsabilidade, tamba ho ita hamutuk mak sira iha kraik bele kontenti. Ita kompriende malu, ajuda malu," sublinha PM Xanana.
Xefi Governu ne'e esklarese katak ho pakote dezenvolvimentu hanesan mos parte ida hahu'u prosesu dezentralizasaun, atu fo kbi'it ba autoridade lokal sira bele ejekuta osan Estadu nian ho responsabilidade.
"Governu sei hasai U$ 50 mil ba kraik sei entrega ba Xefi Sucu sira, U$250mil ba kraik entrega ba Administradores sira," informa PM Xanana.
Iha okajiaun PM Xanana hateten, esperiensia pakote referendum kompania balun malandru. Tamba ne'e nia parte sei toma atensaun ba kestaun ne'e, no ho pakote dezenvolvimentu bele hadi'ak liu tan.
Partisipa iha sorumutu ne'e, Ministru Administrasaun Estatal i Ordenamentu Teritoriu, Arcangelo Leite, Vice Ministra Saude, Madalena Hanjam, Direktor Geral Finansas Estadu, Francisco Burolako, Administrador Distritus no Sub-Distritu husi parte rai klaran nian, reprejentante AECOOP Distritus sira no partisipantes seluk.
.
0 comentários:
Enviar um comentário