.
Posisaun Luta Hamutuk ida ne’e hodi refosa liu tan preokupasaun povu nian kona-ba inkapasidade Senhor Gil Alves (actual Ministro MTCI) bainhira hala’o nia servisu nudar ministro Turismo, Comersio e Industria. Hare’e ba kinerja servisu MTCI nian durante tinan tolu ne’e, nia (ministro) sempre hamosu problema oi-oin iha pais ida ne’e. Ezemplo ida mak, ministro rasik laiha boa vontade hodi hadia mekanismu no sistema distribuisaun fos nebe mak povu iha territoriu tomak husu no ejiji.
Problema fos hatu’un tiha performance guverno ida ne’e, liu-liu hafoer Sua Exelensia Premeiro Ministro Kay Rala Xanana Gusmao nia governasaun. Tamba-ne’e, ami ejiji ba Premeiro Ministro hodi admite Senhor Gil Alves husi nia kargo ministro MTCI. Ejijensia ida ne’e hanesan mos manifestasaun dereito sidadaun Timor Leste nian nebe konsagra iha Konstituisaun RDTL nomos nudar sosiedade sivil mak durante ne’e tau matan ba orsamento jeral do estado. Ejijensia Luta Hamutuk ne’e ho intensaun atu hadia performance guverno nian, nune MTCI nebe mak uza povu nia osan bele hatudu boa vontade estado hodi serve rai no povu ida ne’e.
Ami hare’e katak, Senhor Gil Alves laiha boa vontade nomos laiha kapasidade duni hodi lidera MTCI hodi serve rai no povu ida ne’e. LAOS husu fali Luta Hamutuk atu sai fali partido lai nune bele hetan konsiderasaun ba ejijensia nebe mak mai husi povu (publikasaun jornal STL, 17/06/2010). Senhor ministro nia hanoin nebe mak kiak teb-tebes ba kritikas no opiniaun povu, hatudu momos mai ita katak ne’e refleta mos kapasidade ministro MTCI nian nebe mak kiak teb-tebes.
Hodi hateten dala ida tan katak, tempo to’o ona atu Sua Exelensia Premeiro Ministro foti desizaun immediata ba kestaun ne’e, tamba kuaze iha territoriu tomak povu ejiji hodi admite lalais Senhor Gil Alves nebe mak laiha kapasidade bainhira foti knar iha guverno AMP nia laran. Ami fiar katak, Premeiro Ministro sei tau kestaun ne’e hanesan problema urjenti ida nune problema MTCI labele prejudika fali guvernasaun AMP nian. Ami hein…!!!
Dili: 17 de Junho 2010
Mericio Akara
Direitor Luta Hamutuk Institute
.
Posisaun Luta Hamutuk ida ne’e hodi refosa liu tan preokupasaun povu nian kona-ba inkapasidade Senhor Gil Alves (actual Ministro MTCI) bainhira hala’o nia servisu nudar ministro Turismo, Comersio e Industria. Hare’e ba kinerja servisu MTCI nian durante tinan tolu ne’e, nia (ministro) sempre hamosu problema oi-oin iha pais ida ne’e. Ezemplo ida mak, ministro rasik laiha boa vontade hodi hadia mekanismu no sistema distribuisaun fos nebe mak povu iha territoriu tomak husu no ejiji.
Problema fos hatu’un tiha performance guverno ida ne’e, liu-liu hafoer Sua Exelensia Premeiro Ministro Kay Rala Xanana Gusmao nia governasaun. Tamba-ne’e, ami ejiji ba Premeiro Ministro hodi admite Senhor Gil Alves husi nia kargo ministro MTCI. Ejijensia ida ne’e hanesan mos manifestasaun dereito sidadaun Timor Leste nian nebe konsagra iha Konstituisaun RDTL nomos nudar sosiedade sivil mak durante ne’e tau matan ba orsamento jeral do estado. Ejijensia Luta Hamutuk ne’e ho intensaun atu hadia performance guverno nian, nune MTCI nebe mak uza povu nia osan bele hatudu boa vontade estado hodi serve rai no povu ida ne’e.
Ami hare’e katak, Senhor Gil Alves laiha boa vontade nomos laiha kapasidade duni hodi lidera MTCI hodi serve rai no povu ida ne’e. LAOS husu fali Luta Hamutuk atu sai fali partido lai nune bele hetan konsiderasaun ba ejijensia nebe mak mai husi povu (publikasaun jornal STL, 17/06/2010). Senhor ministro nia hanoin nebe mak kiak teb-tebes ba kritikas no opiniaun povu, hatudu momos mai ita katak ne’e refleta mos kapasidade ministro MTCI nian nebe mak kiak teb-tebes.
Hodi hateten dala ida tan katak, tempo to’o ona atu Sua Exelensia Premeiro Ministro foti desizaun immediata ba kestaun ne’e, tamba kuaze iha territoriu tomak povu ejiji hodi admite lalais Senhor Gil Alves nebe mak laiha kapasidade bainhira foti knar iha guverno AMP nia laran. Ami fiar katak, Premeiro Ministro sei tau kestaun ne’e hanesan problema urjenti ida nune problema MTCI labele prejudika fali guvernasaun AMP nian. Ami hein…!!!
Dili: 17 de Junho 2010
Mericio Akara
Direitor Luta Hamutuk Institute
.
0 comentários:
Enviar um comentário