.
Written by Thomas Sanches-Friday, 04 June 2010
CJITL Flash, Maske governu Timor Leste liu husi Ministeriu Turismu, Comersiu no Industria – MTCI tau ona kuadru iha Timor laran tomak ho hakerek “Povu Kuda Governu Sosa” maibe sei iha povu barak mak konfujaun ho lia fuan hirak ne’e, tanba povu seidauk hatene governu atu sosa povu nia saida.
Xefe Suku Cailaco, Sub Distritu Maliana, Distritu Maliana, Jeferino Soares haktuir katak to’o agora nia no nia povu iha Cailaco seidauk hatene governu atu sosa saida hosi sira.
Jeferino kasu lia hirak ne’e iha salaun enkontru Administrador Distritu Maliana hafoin partisipa iha konsultasaun nasional ne’ebe ONG Lalenok Ba Ema Hotu - LABEH organiza, Segunda,(31/05) iha Distritu Maliana.
“Hau ho hau nia povu iha Cailaco ne’eba to’o agora seidauk hatene konaba liafuan ida hakerek kuaze iha Timor laran tomak dehan Povu Kuda Governu Sosa tamba, sira hosi governu la dehan ba ami katak saidak mak governu hakarak sosa no saida mak governu hakarak povu atu kuda” dehan Jeferino Soares.
Jeferino mos hatutan katak, to’o agora governu seidauk sosa buat ruma hosi povu sira iha Cailaco hanesan produtu lokal ne’ebe sira produs iha tinan-tinan no barak mak estraga deit.
“Ami iha produtu lokal barak ne’ebe produs iha tinan-tinan hanesan, Hare, Batar, Aifarina, no seluk tan maibe governu nunka atu mai sosa pior liu tan sira mai monta tiha papan ne’e no lamosu to’o agora ne’e hatudu katak sira bosok hela povu” dehan Jeferino.
Iha fatin hanesan Salomau da Cruz hanesan Xefe Suku ida ne’ebe ukun iha Suku Odomau mos hateten katak, governu liliu Ministerio Turismu Comersiu Industri (MTCI) laiha sosializasaun ne’ebe diak ba povu.
“Lolos ne’e hosi parte governu nian liuliu MTCI mai dehan ba povu katak, povu tenke kuda produtu lokal hanesan ne’e tamba governu atu sosa. Governu la mai dehan ida ne’e mak sai konfujaun ida ba povu tamba povu la hatene governu nia hakarak no povu mos la hatene atu kuda saida” tenik Salomau da Cruz. (Thomas Sanches/CJITL)
.
Written by Thomas Sanches-Friday, 04 June 2010
CJITL Flash, Maske governu Timor Leste liu husi Ministeriu Turismu, Comersiu no Industria – MTCI tau ona kuadru iha Timor laran tomak ho hakerek “Povu Kuda Governu Sosa” maibe sei iha povu barak mak konfujaun ho lia fuan hirak ne’e, tanba povu seidauk hatene governu atu sosa povu nia saida.
Xefe Suku Cailaco, Sub Distritu Maliana, Distritu Maliana, Jeferino Soares haktuir katak to’o agora nia no nia povu iha Cailaco seidauk hatene governu atu sosa saida hosi sira.
Jeferino kasu lia hirak ne’e iha salaun enkontru Administrador Distritu Maliana hafoin partisipa iha konsultasaun nasional ne’ebe ONG Lalenok Ba Ema Hotu - LABEH organiza, Segunda,(31/05) iha Distritu Maliana.
“Hau ho hau nia povu iha Cailaco ne’eba to’o agora seidauk hatene konaba liafuan ida hakerek kuaze iha Timor laran tomak dehan Povu Kuda Governu Sosa tamba, sira hosi governu la dehan ba ami katak saidak mak governu hakarak sosa no saida mak governu hakarak povu atu kuda” dehan Jeferino Soares.
Jeferino mos hatutan katak, to’o agora governu seidauk sosa buat ruma hosi povu sira iha Cailaco hanesan produtu lokal ne’ebe sira produs iha tinan-tinan no barak mak estraga deit.
“Ami iha produtu lokal barak ne’ebe produs iha tinan-tinan hanesan, Hare, Batar, Aifarina, no seluk tan maibe governu nunka atu mai sosa pior liu tan sira mai monta tiha papan ne’e no lamosu to’o agora ne’e hatudu katak sira bosok hela povu” dehan Jeferino.
Iha fatin hanesan Salomau da Cruz hanesan Xefe Suku ida ne’ebe ukun iha Suku Odomau mos hateten katak, governu liliu Ministerio Turismu Comersiu Industri (MTCI) laiha sosializasaun ne’ebe diak ba povu.
“Lolos ne’e hosi parte governu nian liuliu MTCI mai dehan ba povu katak, povu tenke kuda produtu lokal hanesan ne’e tamba governu atu sosa. Governu la mai dehan ida ne’e mak sai konfujaun ida ba povu tamba povu la hatene governu nia hakarak no povu mos la hatene atu kuda saida” tenik Salomau da Cruz. (Thomas Sanches/CJITL)
.
0 comentários:
Enviar um comentário